10 ວິທີ ເປັນໝູ່ກັບແຟນເກົ່າໂດຍບໍ່ຫຍັງ ແອບແຝງ ລອງມາອ່ານເບີ່ງໃຜຢາກເປັນໝູ່ກັບແຟນເກົ່າ

10 ວິທີ ເປັນໝູ່ກັບແຟນເກົ່າໂດຍບໍ່ຫຍັງ ແອບແຝງ ລອງມາອ່ານເບີ່ງໃຜຢາກເປັນໝູ່ກັບແຟນເກົ່າ

9 ວິທີ ເປັນໝູ່ກັບແຟນເກົ່າໂດຍບໍ່ຫຍັງ ແອບແຝງ ລອງມາອ່ານເບີ່ງໃຜຢາກເປັນໝູ່ກັບແຟນເກົ່າ

ຫຼັງຈາກທີ່ຄວາມສຳພັນຈົບລົງ, ມັນຄົງເປັນໄປໄດ້ຍາກ ທີ່ຈະກັບມາເປັນໝູ່ກັບແຟນເກົ່າໄດ້. ແຕ່ໃນກໍລະນີນີ້ ຄືກໍລະນີທີ່ຈົບລົງດ້ວຍດີ ແລະ ຈຳເປັນແທ້ໆ ທີ່ຫຼີກລ່ຽງບໍ່ໄດ້ ຫຼື ຢາກເຮັດແທ້ໆແຕ່ເຮັດບໍ່ໄດ້.​ ມື້ນີ້ມີວິທີດີໆມາແນະນຳ, ມາອ່ານເບິ່ງນຳກັນເລີຍ:

1. ປ່ອຍເວລາໃຫ້ຜ່ານໄປຈັກໜ່ອຍກ່ອນ ຄ່ອຍກັບມາເປັນໝູ່ : ບໍ່ແມ່ນເລີກກັນປຸບ ຈະກັບມາເປັນໝູ່ກັນປັບ.. ເຮັດແບບນີ້ບໍ່ໄດ້ເທຶ່ອດອກ. ຕ້ອງປ່ອຍເວລາຫ່າງກັນຈັກໄລຍະໜຶ່ງກ່ອນ, ແລ້ວມື້ໃດພ້ອມກະຄ່ອຍກັບໄປເປັນໝູ່ກະໄດ້.

2. ບໍ່ຄວນຝືນ ຫຼື ບັງຄັບຄວາມຮູ້ສຶກກັນ : ເຖິງແມ່ນວ່າເຮົາຈະຢາກເປັນໝູ່ກັບເຂົາ, ຫຼື ເຂົາຕ້ອງການເປັນໝູ່ກັບເຮົາ. ຖ້າອີກຝ່າຍຍັງບໍ່ພ້ອມກໍ່ບໍ່ຄວນໄປບັງຄັບ. ຄວນປ່ອຍໄປຈົນກວ່າອີກຝ່່າຍຈະພ້ອມ.

3. ຄວນເລຶອກ ແລະ ລະວັງຄຳເວົ້າດີໆ ທີ່ຈະລົມກັບເຂົາ : ບາງທີຕອນເລີກກັນກະອາດຈະມີປາກສຽງກັນເລັນໜ້ອຍ,​ ກໍ່ບໍ່ຄວນເກັບມາຄິດຫຍັງ,​ໃຫ້ເລີ່ມນັບໃໝ່ເປັນສູນໃນຖານະໃໝ່. ຕົວຢ່າງເຊັ່ນ ເຮົາອາດຈະເວົ້່າເລຶ່ອງແຟນໃໝ່ໄດ້,​ແຕ່ບໍ່ຄວນໄປອະທິບາຍວ່າຮັກກັນຈັ່ງໃດ, ຫຼື ຖ້າເຂົາເປັນຝ່າຍມີແຟນໃໝ່ ກໍ່ບໍ່ຄວນໄປສໍ້ວ່າເຈິກັນຢູ່ໃສ,​ເຂົາເທັກແຄ ເຈົ້າດີຊ່ຳໃດ.

4. ຢ່າເຮັດໂຕຄືຕອນທີ່ຄົບກັນ : ຈາກທີ່ເຄີຍເຮັດຫຍັງຮ່ວມກັນມາ, ກໍ່ບໍ່ຄວນໄປຍຶດຕິກັບສິ່ງເກົ່າໆ ເຊັ່ນຈັບມືກັນ, ໂທຫາກັນຕະຫຼອດ, ແຊັດຢອກກັນ..​ແບບນີ້ບໍ່ຄວນເຮັດ.

5. ຢ່າໄປຫຼິ້ນນຳກັນສອງຄົນເດັດຂາດ : ແມ່ນຢູ່ວ່າຈະເລີກກັນມາດົນ ແລະ ບໍ່ມີຫຍັງລະ. ແຕ່ເຄີຍໄດ້ຍິນເລຶ່ອງຖ່ານໄຟເກົ່າບໍ່ ? ໄປຫຼິ້ນ ໄປທ່ຽວນຳກັນສອງຄົນແບບນັ້ນບໍ່ໄດ້. ຕ້ອງໄປນຳໝູ່ ຫຼາຍໆຄົນ.

6. ຄວນຕິດຕໍ່ກັນຕະຫຼອດ ແບບສະໝ່ຳສະເໝີ : ເຮັດທຸກຢ່າງຄືໝູ່ຂອງເຮົາ, ເວລາມີເຫດການຫຍັງ ກໍ່ຕິດຕໍ່ຫາເຊັ່ນ ອວຍພອນວັນເກີດ,​ຊວນໄປຫຼິ້ນ ຊວນໄປເມົາ… ຄືກັບຊວນໝູ່ຄົນອຶ່ນໆ. ຖ້າບໍ່ຄ່ອຍຕິດຕໍ່,​ດົນໆມາເຈິມາລົມກັນນິ ມັນຈະເຮັດໃຫ້ເຮົາຄິດກາຍໝູ່.

7. ຍອມຮັບຄວາມເປັນຈິງ : ສິ່ງສຳຄັນສຸດຄືການຍອມຮັບຄວາມເປັນຈິງ, ໃຫ້ຄິດໃນໃຈສະເໝີວ່າ ຈັ່ງໃດມັນກະເປັນໄປບໍ່ໄດ້ທີ່ຈະກັບມາຄົບກັນອີກ, ເຂົາມີຄົນໃໝ່ແລ້ວ, ຄວາມສຳພັນເຮົາຈົບແລ້ວ.. ເຊົາຄິດໃນແງ່ລົບ ແລ້ວຫັນມາເປັນໝູ່ກັບເຂົາໄດ້ແລ້ວ…

8. ເປັນໝູ່ກັບແຟນໃໝ່ເຂົາ : ກໍລະນີນີ້ ຖ້າອີກຝ່າຍມີແຟນໃໝ່, ເຮົາບໍ່ຄວນໄປອັກຂະຕິ ຫຍັງກັບແຟນໃໝ່ເຂົາ. ໃຫ້ພະຍາຍາມຕີສະໜິດເປັນໝູ່ກັບແຟນໃໝ່ເຂົາ. ຮູ້ວ່າທຳໃຈລຳບາກ, ແຕ່ໃນເມຶ່ອເຮົາຕັດສິນໃຈທີ່ຈະເປັນໝູ່ແທ້ໆ ກໍ່ຄວນໄດ້ເຮັດສິ່ງນີ້ໄປນຳ.

9. ເຮັດໃຫ້ແຟນຂອງເຮົາຍອມຮັບການເປັນໝູ່ເຮົາກັບແຟນເກົ່າ : ຄືແຟນບາງຄົນເຫັນເຮົາໄປສະໜິດ, ໄປເປັນໝູ່ກັບແຟນເກົ່ານັ້ນກໍ່ເກັບມາຄິດວ່າເຮົາຈະກັບໄປບໍ່.. ກໍ່ຄວນເຮັດໃຫ້ແຟນເຊຶ່ອໃຈ ແລະ ຍອມຮັບຈຸດນີ້ໃຫ້ໄດ້.

10. ຫ້າມໃຈອອ່ນ : ບາງຄັ້ງແຟນເກົ່າອາດຈະເປັນປະເພດຂີ້ອອ້ນ, ເອົາໃຈເກັ່ງ.. ກໍ່ໃຫ້ເຮົາຄວນໃຈແຂງໄວ້, ເພາະບາງຄັ້ງໄປເຈິຕອນທີ່ເຂົາເປັນແບບນັ້ນມັນຈະເຮັດໃຫ້ເຮົາຫວັ່ນໃຫວ ຫຼື ໃຈອອ່ນໄດ້. ສະນັ້ນ ໃຫ້ທ່ອງຂື້ນໃຈວ່າເຮົາເປັນໝູ່ກັນ.

ທັງໝົດ 10 ຂໍ້ນີ້ແມ່ນເປັນວິທີ ທີ່ສັງລວມມາໃຫ້ລອງປະຕິບັດກັນສຳລັບຄົນທີ່ຢາກລອງເຮັດແທ້ໆ. ສະນັ້ນ,​ໃຜສົນໃຈກໍ່ລອງປະຕິບັດເບິ່ງ, ຖ້າເຮັດບໍ່ໄດ້ກໍ່ບໍ່ຄວນຝືນເລີຍ ແລະ ອາດມີວິອື່ນໆ ແລ້ວແຕ່ເທັກນິກສ່ວນຕົວໃຜມັນອັນນນີ້.

ອ່ານແລ້ວ ສາມາດແບ່ງປັນໃຫ້ຄົນອື່ນ ແລະ ໝູ່ຄູ່ໄດ້ອ່ານນຳດ້ວຍການກົດແຊຣ໌ ພ້ອມກັນນັ້ນຍັງເປັນກຳລັງໃຫ້ແອດດ້ວຍ ຂໍຂອບໃຈ…

 

ບັນເທີງ