ຂໍ້ຄິດ

5 ວິທີ !! ຢຸດປຽບທຽບໂຕເອງກັບຄົນອື່ນໄດ້ແລ້ວ ຖ້າບໍ່ຢາກທຸກໃຈ

5 ວິທີ !! ຢຸດປຽບທຽບໂຕເອງກັບຄົນອື່ນໄດ້ແລ້ວ ຖ້າບໍ່ຢາກທຸກໃຈ

ເຮົາບໍ່ມີວັນປ່ຽນເປັນຄົນອື່ນໄດ້ດອກ ແລ້ວກໍ່ບໍ່ມີໃຜສາມາດປ່ຽນເປັນເຮົາໄດ້ເຊັ່ນກັນ ເຮົາທຸກຄົນຕ່າງຮູ້ດີ ແລ້ວເປັນ ຫຍັງເຮົາຈຶ່ງຕ້ອງຄອຍປຽບທຽບໂຕເອງກັບຄົນອື່ນຕະຫຼອດເວລາ ເຮົາມີ 5 ວິທີເພື່ອຢຸດການກະທໍາໃນແງ່ລົບເຫຼົ່ານັ້ນ ແລະ ມັນໄດ້ຜົນດັ່ງນີ້:

1. ໂຊຊ້ຽວມີເດຍຢຸດສົນໃຈມັນໄດ້ແລ້ວ:
ໂດຍສ່ວນໂຕເຮົາເຊື່ອວ່າໂຊຊ້ຽວມີເດຍຕ່າງໆໂດຍສະເພາະອິນສະຕາແກມນັ້ນບັ່ນທອນຄວາມໝັ້ນໃຈໂຕເອງຂອງຜູ້ຄົນເປັນຈໍານວນຫຼາຍ ເພາະທຸກຄົນພະຍາຍາມແຂ່ງຂັນທີ່ຈະເປີດເຜີຍຊີວິດຂອງໂຕເອງໃນດ້ານທີ່ດີທີ່ສຸດລົງໃນອິນສະຕາແກມ ບໍ່ວ່າຈະເປັນວິຖີຊີວິດ ຮູບຖ່າຍຂອງໂຕເອງ ຄວາມສໍາພັນຕ່າງໆ ເປັນຕົ້ນ ແລະ ເປັນເລື່ອງງ່າຍຫຼາຍທີ່ເຮົາຈະຫຼົງເຊື່ອຂໍ້ມູນເຫຼົ່ານັ້ນ ເຮົາຕິດຕາມ ແລະ ໃຝ່ຝັນຢາກມີຊີວິດແບບພວກເຂົາແດ່ ພຽງວາງໂທລະສັບລົງ ຫຼື ອອກຈາກໂປແກມນັ້ນໂດຍດ່ວນ ເພາະບໍ່ດີເລີຍກັບການເອົາແຕ່ສົນໃຈ ຫຼື ປາດຖະ ໜາຊີວິດຂອງຄົນອື່ນ ຢ່າລືມວ່າບໍ່ມີໃຜເອົາຊີວິດແທ້ຈິງຂອງໂຕເອງມາລົງໃນໂຊຊ້ຽວມີເດຍດອກ ສິ່ງທີ່ເຮົາເຮັດໃນໂລກ ແຫ່ງຄວາມເປັນຈິງຕ່າງຫາກທີ່ສໍາຄັນກວ່າການທີ່ໃຜບາງຄົນເອົາແຕ່ຫຼອກໂຕເອງໃນສື່ອອນໄລເຫຼົ່ານີ້.

2. ພູມໃຈໃນຄວາມສາມາດຂອງໂຕເອງ:
ອັນໃດຄືວຽກອະດີເລກ ຫຼື ຄວາມຝັນຂອງເຮົາ ຈົ່ງມຸ້ງໝັ້ນໃນການເຮັດສິ່ງນັ້ນໃຫ້ດີທີ່ສຸດ ຕໍ່ໃຫ້ເຮັດໄປພຽງເພື່ອຄວາມມ່ວນກໍ່ຕາມ ການອວດຄວາມສາມາດ ແລະ ໄດ້ຮັບການຈົດຈໍາຈາກຄົນຮອບຂ້າງບໍ່ແມ່ນເລື່ອງທີ່ຜິດ ຈົ່ງພູມໃຈໃນວຽກຂອງໂຕເອງ ແລະ ທ່ອງເອົາໄວ້ວ່າສິ່ງທີ່ເຮົາເຮັດບໍ່ມີໃຜເຮັດໄດ້ ຫຼື ຮູ້ ດີໄປກວ່າເຮົາອີກແລ້ວ.

3. ຮັກໂຕເອງໃຫ້ຫຼາຍໆ:
ບໍ່ເຫັນຈະເປັນຫຍັງເລີຍກັບການຮັກໂຕເອງ ການພັດທະນາໂຕເອງ ແລະ ຮູ້ຈັກເບິ່ງໂລກໃນແງ່ບວກຈະເຮັດໃຫ້ເຮົາສາມາດຮັກໂຕເອງໄດ້ ການຕະໜັກວ່າໂຕເອງເກັ່ງ ງາມ ແລະ ມີຄວາມສາມາດຢ່າງທີ່ບໍ່ມີໃຜຄື ມັນຄືວິທີດຽວທີ່ຈະເຮັດໃຫ້ເຮົາຢຸດປຽບທຽບໂຕເອງກັບຄົນອື່ນ ແທນທີ່ຈະໝົກມຸ້ນຢູ່ແຕ່ກັບຊີວິດຂອງຄົນອື່ນ ເຮົາຄວນຫັນມາສົນໃຈຊີວິດຂອງໂຕເອງແດ່ ເຮົາສາມາດພັດທະນາ ແລະ ເສີມສ້າງຄວາມໝັ້ນໃຈໃຫ້ກັບໂຕເອງບໍ່ວ່າຈະທາງກາຍ ຫຼື ທາງໃຈ ບໍ່ມີເວລາໃດເໝາະໄປກວ່າຕອນນີ້ອີກແລ້ວ ຈົ່ງຮັກໂຕເອງຊະ.

4. ຈົ່ງຮູ້ສຶກຂອບໃຈໃນທຸກໆເລື່ອງ:
ເຖິງວ່າເຮົາອາດຮູ້ສຶກຄືກັບວ່າໂລກທັງໂລກກໍາລັງຈະພັງທະລາຍ ແຕ່ຈົ່ງຄິດເຖິງທຸກສິ່ງໃນຊີວິດທີ່ເຮັດໃຫ້ເຮົາຮູ້ສຶກຢາກຂອບໃຈ ເຮົາຄວນຈົດບັນທຶກລາຍການເຫຼົ່ານັ້ນໄວ້ໃນໂທລະສັບ ເພາະເຮົາ ສາມາດເປີດເບິ່ງໄດ້ທຸກເທື່ອທີ່ຮູ້ສຶກວ່າກໍາລັງປຽບທຽບໂຕເອງກັບຄົນອື່ນຢູ່ ອັນທີ່ຈິງເຮົາມີຫຼາຍສິ່ງທີ່ຄົນອື່ນໆບໍ່ມີ.

5. ຈົ່ງເປັນໂຕຂອງໂຕເອງຢ່າງແທ້ຈິງ:
ການພະຍາຍາມຮຽນແບບສິ່ງທີ່ຄົນອື່ນເຮັດຄືການສະແດງໃຫ້ເຫັນວ່າເຮົາກໍາລັງປຽບທຽບໂຕເອງກັບຄົນອື່ນຢູ່ ລອງຕັ້ງສະຕິຢູ່ກັບໂຕເອງ ສົນໃຈສະໄຕຂອງໂຕເອງ ອຸປະນິໃສທີ່ແທ້ຈິງຂອງໂຕເອງ ແລະ ສິ່ງທີ່ເຮັດໃຫ້ໂຕເອງມີຄວາມສຸກ ບໍ່ແມ່ນເຮັດໃຫ້ຄົນອື່ນມີຄວາມສຸກ ທີ່ສໍາຄັນຢ່າຢ້ານທີ່ຈະເປີດເຜີຍສິ່ງເຫຼົ່ານັ້ນອອກມາ ເພາະບໍ່ວ່າຈະເຮັດອັນໃດຄົນອື່ນກໍ່ຈະຕັດສິນເຮົາຢູ່ດີ ເມື່ອໃດທີ່ເຮົາມີຄວາມສຸກ ແລະ ປ່ຽມລົ້ນໄປດ້ວຍຄວາມໝັ້ນໃຈໃນບໍ່ຊ້າຄົນອື່ນໆກໍ່ຈະສັງເກດເຫັນເອງ ແລະ ສຸດທ້າຍພວກເຂົາກໍ່ຈະເລີ່ມຫັນມາປຽບທຽບໂຕເອງກັບເຮົາແທນ.
ຢ່າລືມແບ່ງປັນໃຫ້ຄົນທີ່ທ່ານຮັກ ສຳລັບທ່ານໃດມີຂໍ້ມູນດີໆ ກໍ່ສາມາດແບ່ງປັນກັນ ຄອມເມັ້ນມາຂ້າງລຸ່ມນີ້ໄດ້ເລີຍເດີ້, ຝາກຕິດຕາມເຮົາແນ່ເດີ້ ບົດຄວາມດີໆມີໃຫ້ຕິດຕາມທຸກໆມື້, ຂໍຂອບໃຈທີ່ຕິດຕາມເຮົາສະເໝີມາ.