ບັນເທີງ

4 ອຸປະສັກ ຄົນທີ່ມີຄົນຮັກຢູ່ໄກຈະຕ້ອງປະເຊີນ ຢູ່ທີ່ວ່າຄູ່ໃດຈະທົນໄດ້ຊ່ຳໃດ

4 ອຸປະສັກ ຄົນທີ່ມີຄົນຮັກຢູ່ໄກຈະຕ້ອງປະເຊີນ ຢູ່ທີ່ວ່າຄູ່ໃດຈະທົນໄດ້ຊ່ຳໃດ

ເມື່ອເວົ້າຄົນຮັກກັນ ຫຼາຍຄົນມີຈຸດເລີ່ມຄວາມຮັກທີ່ຕ່າງກັນ ໃໝ່ໆອາດຈະບໍ່ມີຂໍ້ແມ້ຫຍັງ ແຕ່ດົນໆໄປບໍ່ແນ່ນອນ ດັ່ງນັ້ນບົດຄວາມນີ້ຈະພາມາເບີ່ງ ອຸປະສັກຂອງຄົນທິ່ມີຄົນຮັກຢູ່ໄກກັນ ດັ່ງນີ້ :

1. ຄວາມຄິດເຖີງ : ອຸປະສັກຢ່າງທຳອິດຂອງຄົນທີ່ມີຄົນຮັກຢູ່ໄກກໍຄື ຄວາມຄິດຮອດ ປະຕິເສດບໍ່ໄດ້ເລີຍວ່າການຢູ່ຫ່າງໄກກັນນັ້ນ ບາງທີ່ກໍເຮັດໃຫ້ຄິດເຖີງກັນສຸດໆ ມັນອາດຈະແຕກຕ່າງຈາກຄູ່ຮັກທີ່ຢູ່ນຳກັນ ພໍ້ກັນທຸກໆມື້ ບາງຄັ້ງການຄິດເຖີງຈົນຈະແທບທົນບໍ່ໄຫວ ແຕ່ສຸດທ້າຍກໍເຮັດຫຍັງບໍ່ໄດ້

2. ຄວາມເຫງົາ : ຢ່າງທີ່ເຮົາຮູ້ໆກັນຢູ່ ດ້ວຍການທີ່ເຮົາຢູ່ຫ່າງໄກກັນ ບາງຄັ້ງເຮັດຫຍັງກໍຕ້ອງເຮັດຄົນດຽວລຳພັງ ບາງຄັ້ງຄວາມເຫງົາກໍມາບີບຂັ້ນຫົວໃຈ ຍິ່ງເວລາທີ່ເຮົາຢູ່ຄົນດຽວກໍຍິ່ງຈະເຫງົາໆ ມັກຈະຄິດຮອດຄົນຮັກຫຼາຍ ບາງຄັ້ງອາດຈະຄິດໃນທາງລົບກໍມີ

3. ຄວາມຄິດຂອງເຮົາ : ເຮົາຢູ່ໄກກັນ ມັນເຮັດໃຫ້ເຮົາບໍ່ໄດ້ຮູ້ ບໍ່ເຫັນຄວາມເປັນໄປຂອງເຂົາ ບາງຄັ້ງຄວາມຄິດຂອງເຮົາເກີດອາການຟຸ່ງຊານ ມັກຄິດໄປເລື້ອຍເປື່ອຍ ຢ່າງເຊັ່ນ : ອາດຈະຄິດວ່າເຂົາກຳລັງລົມກັບຄົນອື່ນໃນບາງຄັ້ງ ເຂົານອກໃຈ ອີຫຍັງທຳນອງນີ້ ເຊີ່ງເປັນຄວາມຄິດທີ່ເຮັດໃຫ້ຈິດໃຈບໍ່ເປັນສຸກ ບາງຄັ້ງຄວາມຄິດເຫຼົ່ານັ້ນອາດຈະບໍ່ແມ່ນຄວາມຈິງ ບາງຄັ້ງອາດຈະຈິງກໍມີ ມັນບໍ່ສະເໝີໄປ

4. ຄວາມອ່ອນເເອ, ຄວາມເມື່ອຍລ້າ : ຄົນທີ່ມີຄົນຮັກຢູ່ໄກກັນນັ້ນ ມັກຈະມີຄວາມອ່ອນແອ ເມື່ອຍລ້າ ກັບການລໍຄອຍ ພົບພໍ້ກັນທີ່ຍາວນານ ມັນມີເຫດຜົນຕ່າງໆນາໆທີ່ເປັນແນວນັ້ນ ຍີ່ງບາງຄູ່ບໍ່ເຂົ້າໃຈກັນ ຜິດກັນ ເຮັດໃຫ້ຄວາມເມື່ອຍລ້າ ທໍ້ ຫຼາຍເປັນພິເສດ ອາດເກີດຈາກອີກຝ່າຍຢາກພົບໄວໆ ແຕ່ອີກຝ່າຍບອກວ່າຍັງບໍ່ເຖີງເວລາ ແລະ ວັນສຳຄັນຕ່າງໆ ຄົນອື່ນໄປເປັນຄູ່ ສ່ວນຄູ່ເຮົາໄປຄົນລະທາງ ຈື່ງມັນເກີດຄວາມຄິດນ້ອຍໃຈ ຄວາມຄິດອາດຈະຢາກນອກໃຈ ບາງຄັ້ງບໍ່ແມ່ນເຈົ້າກໍເຂົາທີ່ນອກໃຈກໍມີ ດັ່ງຄຳເຂົາກ່າວ ( ຮັກແທ້ແພ້ໄລຍະທາງ, ຮັກແທ້ແພ້ຄົນໃກ້ຊິດ ) ອີຫຍັງປະມານນີ້ລະ

ສູດທ້າຍນີ້ຢາກຝາກເຖີງຄົນທີ່ມີຄົນຮັກຢູ່ໄກ ຈົ່ງພະຍາຍາມເຂົ້າໃຈກັນ ແລະ ກັນໃຫ້ຫຼາຍ ການເອົາໃຈໃສ່ ຕິດຕໍ່ສື່ສານ ຢ່າງສະໝ່ຳສະເໝີ ທີ່ສຳຄັນຢ່າຕົວະກັນ ຖ້າທົນບໍ່ໄດ້ແທ້ໆ ຢ່ານອກໃຈກັນ ແຕ່ຈົ່ງບອກຄວາມຮູ້ສຶກວ່າໝົດຮັກໄປຕົງໆ ເພາະຖ້າອີກຝ່າຍຮູ້ວ່າ ການເສີຍຊານັ້ນ ເຈົ້າມີຄົນໃໝ່ ແລະ ຮູ້ທີ່ຫຼັງ ມັນເຈັບຫຼາຍ. ຂໍໃຫ້ທຸກຄົນທີ່ມີຮັກທາງໄກ ຈົ່ງສົມຫວັງໃນຮັກເດີ @ເປັນກຳລັງໃຈໃຫ້.