ບັນເທີງ

10 ຂໍ້ໃນມຸມຂອງຜູ້ຊາຍທີ່ຜູ້ຍິງບໍ່ຄ່ອຍຮູ້ ແລະ ບໍ່ຄ່ອຍເຂົ້າໃຈ

ໃນມຸມຂອງຜູ້ຊາຍທີ່ຜູ້ຍິງຄວນຮູ້ໄວ້  ຕໍ່ໄປນີ້ຄືຕົວຢ່າງ 10 ຂໍ້ໃນມຸມຂອງຜູ້ຊາຍທີ່ຜູ້ຍິງບໍ່ຄ່ອຍຮູ້ ແລະ ບໍ່ຄ່ອຍເຂົ້າໃຈ.

1. ຜູ້ຊາຍບໍ່ໄດ້ມັກຜູ້ຍິງທີ່ແຕ່ງໜ້າຫຼາຍເກີນໄປ : ຄວາມຈິງຄືຜູ້ຊາຍຈະມັກຍິງທີ່ແຕ່ງໜ້າອອກເປັນທຳມະຊາດຫຼາຍກວ່າ, ຄືແຕ່ງຕອນອອກບ້ານໄປຊື້ເຄື່ອງ, ໄປຍ່າງຫຼີ້ນ ໄປອອກກຳລັງກາຍຫຼາຍກວ່າ ທີ່ຈະແຕ່ງໜ້າອອກເທດສະການຕ່າງໆທີ່ເອົາແບບໝູ່ສະໜິດຈົນບໍ່ຈື່ ແບບນີ້ຮັບບໍ່ໃຫວ.

2. ຜູ້ຊາຍມັກເບິ່ງຜູ້ຍິງທີ່ແຕ່ງໂຕແບບແຊບໆ ເຊັກຊີ່, ແຕ່ຈະຢາກຮູ້ຈັກກັບຜູ້ຍິງທີ່ແຕ່ງໂຕຮຽບຮ້ອຍ ຫວານໆ ຄືແມ່ນຢູ່ທີ່ວ່າຜູ້ຊາຍເຫັນຜູ້ຍິງທີ່ແຕ່ງໂຕແບບເຊັກຊີ່, ແຊບໆ ແລ້ວຈະແນມຕາບໍ່ພັບ, ແຕ່ເລິກໆແລ້ວພາຍໃນຢາກຮູ້ຈັບກັບຜູ້ຍິງທີ່ແຕ່ງໂຕຮຽບຮ້ອຍຫວານໆຫຼາຍກວ່າ(ແຕ່ກໍ່ຂື້ນກັບສະເປັກຂອງໃຜລາວ).

3. (18+) ໜ້າເອິກໃຫ່ຍໆ ບໍ່ແມ່ນປະເດັນທີ່ເຫັນແລ້ວຢາກເປັນຄູ່ຄອງທັນທີ : ແມ່ນຢູ່ວ່າໜ້າເອິກໃຫ່ຍໆຂອງຜູ້ຍິງຈະດຶງດູດຜູ້ຊາຍໄດ້ຫຼາຍ, ແຕ່ຖ້ານິໃສບໍ່ດີ ຫຼື ລົມຫຼາຍຄົນແລ້ວຈະໃຫ້ຄົບເປັນຄູ່ຊີວິດກໍ່ຢາກຍາກ.

4. ຜູ້ຍິງຈີບຜູ້ຊາຍກ່ອນ ບໍ່ແມ່ນເລື່ອງທີ່ແປກ : ຜູ້ຊາຍບໍ່ເຄີຍລັງກຽດຜູ້ຍິງທີ່ເຂົ້າມາຈີບກ່ອນເລີຍ, ແຮ່ງຮູ້ສຶກດີຊ້ຳທີ່ມີຄົນມາຮັກໃນສິ່ງທີ່ເຮົາເປັນຢູ່. ແຕ່ເທົ່າທີ່ເຈິມາ, ມີແຕ່ຜູ້ຍິງທີ່ຄິດໄປເອງວ່າຖ້າເຂົ້າໄປຈີບກ່ອນແລ້ວຈະເບິ່ງບໍ່ດີ.

5. ແມ່ນຢູ່ວ່າມິດກ່ອນ, ແຕ່ບໍ່ໄດ້ໝາຍຄວາມວ່າຍອມ : ຫຼາຍຄັ້ງທີ່ຜິດກັນ, ແລ້ວຜູ້ຊາຍມິດໃສ່, ບໍ່ໄດ້ໝາຍຄວາມວ່າຍອມເລີຍ, ພຽງແຕ່ບໍ່ຢາກໃຫ້ເລື່ອງລາວມັນໄປກັນໃຫ່ຍ, ແລະ ບໍ່ຢາກຜິດກັນໄປຫຼາຍກວ່ານີ້ ເພາະຮູ້ດີວ່າຖຽງໄປກໍ່ບໍ່ຊະນະຜູ້ຍິງ ເລີຍຂໍມິດ, ແຕ່ຜູ້ຍິງບາງຄົນເຂົ້າໃຈຜິດວ່າເປັນຄົນຢ້ານເມຍ ຮະຮະ

6. ຜູ້ຊາຍມັກງ່າຍ, ແຕ່ຮັກຍາກ : ຄວນເຂົ້າໃຈຄຳວ່າມັກ ກັບ ຮັກ ມັນບໍ່ຄືກັນ, ແມ່ນຢູ່ວ່າເຫັນສາວແຕ່ງໂຕດີໆມາ ແລ້ວ ຜູ້ຊາຍຈະມັກ, ຢາກເຂົ້າໄປລົມແຕ່ກະເປັນພຽງແຕ່ການມັກ ແລະ ກະເປັນການມັກຮູບຮ່າງພາຍນອກຊື່ໆ, ສ່ວນເລື່ອງຮັກນັ້ນເປັນອີກເລື່ອງເລີຍ, ເພາະການທີ່ຜູ້ຊາຍຈະຮັກໄດ້ກະຄຳນຶງເຖິງຫຼາຍປັດໃຈ ເອົາງ່າຍໆຄືຕ້ອງເບິ່ງນິໃສນຳ, ນິແຫຼະ ຄືທີ່ມາຂອງຄຳວ່າຮັກຈາກ 100 ຮອດ 0 ຍ້ອນໄປເຫັນນິໃສ ຫຼື ຄວາມເຂົ້າກັນບໍ່ໄດ້ໃນພາຍຫຼັງ.

7. ຜູ້ຊາຍທຸກຄົນບໍ່ໄດ້ຫຼາຍໃຈ ຢ່າງທີ່ຄິດ : ທຸກຄົນມີຄວາມຫຼາຍໃຈ ໃນໂຕ, ເປັນສັນຊາດຕະຍານ, ແຕ່ສິ່ງທີ່ແຕກຕ່າງກັນຄື ຈະຄວມຄຸມໄດ້ດີຊ່ຳໃດ, ບາງຄົນແມ່ນຢູ່ວ່າຫຼາຍໃຈ, ແຕ່ຫຼັງຈາກແຕ່ງງານ ຫຼື ມີແຟນແລ້ວກໍ່ຈະຮັກແຟນຄົນດຽວກໍມີ. ບາງຄົນມີແຟນແລ້ວກໍ່ຄິດເຖິງອານາຄົດເລີຍຢ່າງດຽວ. ສະນັ້ນ ຢ່າເໝົາລວມວ່າຜູ້ຊາຍຫຼາຍໃຈໝົດທຸກຄົນ

8. ຜູ້ຊາຍບໍ່ໄດ່ມັກຜູ້ຍິງຈ່ອຍ ເກີນໄປ ຄຳວ່າຈ່ອຍກັບຫຸ່ນດີມັນຕ່າງກັນ, ຫຸ່ນດີໝາຍເຖິງບໍ່ຈຳເປັນຕ້ອງແອວ 24-25 ເອິກ 32 … ບໍ່ແມ່ນເລີຍ, ຫຸ່ນດີໝາຍເຖິງພໍດິບພໍດີ ກັບຮູບຮ່າງ, ບໍ່ຕຸ້ຍ ແລະ ກະບໍ່ຈ່ອຍຈົນເກີນໄປ. ແຕ່ຜູ້ຍິງຫຼາຍຄົນຫຸ່ນພໍດີກັບຄວາມສູງຢູ່ແລ້ວພັດຍັງຄິດວ່າໂຕເອງຕຸ້ຍ, ຍັງໄປອົດອາຫານ ໄປຫຼຸດນ້ຳໜັກຢູ່.

9. ນອກຈາກໜ້າ, ໜ້າເອິກ ແລະ ບັ້ນທ້າຍແລ້ວ, ຍັງມີອີກບ່ອນທີ່ຜູ້ຊາຍມັກເບິ່ງ : ນັ້ນກໍ່ຄືຕົ້ນຄໍ ກັບໄຮຜົມ, ຄື ຜູ້ຊາຍຫຼາຍຄົນຈະມັກເວລາຜູ້ຍິງເອົາຜົມຂື້ນ ແລ້ວ ຫັນຫຼັງໃຫ້, ຖ້າມີຕົ້ນຄໍທີ່ສະອາດ ບວກ ກັບໄຮຜົມທີ່ເປັນຍອຍລົງມາໃສ່ຕົ້ນຄໍມັນເປັນອີ່ຫຍັງທີ່ເປັນຕາໜ້າແນມ, ມີຜູ້ຊາຍຫຼາຍຄົນທີ່ມັກເບິ່ງ.

10. ຜູ້ຊາຍມັກຜູ້ຍິງທີ່ເອົາໃຈ : ແມ່ນຢູ່ວ່າຜູ້ຊາຍມັກເອົາໃຈຜູ້ຍິງ, ແຕ່ຖ້າຜູ້ຍິງກໍ່ເອົາໃຈຜູ້ຊາຍຄືນ, ແບບນີ້ຮັກສຸດໆເລີຍ

ນອກຈາກຕົວຢ່າງ 10 ຂໍ້ທາງເທິງ ບາງທີຜູ້ຊາຍກະວາງໂຕບໍ່ຖືກ ເພາະບາງຄັ້ງສາຍຕາຜູ້ຍິງກະເບິ່ງຜູ້ຊາຍແບບບໍ່ເຂົ້າໃຈຄື:

=> ຮັກສາຜິວ, ແຕ່ງໂຕດີໆໜ້ອຍໜຶ່ງ : ສົງໃສຈະແມ່ນເກ ລາວຄືຈະບໍ່ມັກຜູ້ຍິງດອກ ຮະຮະ (ບາດທີດາຣາ ເກົາຫຼີ, ແຕ່ງໜ້າທາລິບ, ໄປສັນຍາກຳມາ ພັດວ່າຫຼໍ່, ໜ້າຮັກ.. )

=> ຜູ້ຊາຍສັກລາຍ : ສົງໃສຈະເປັນຂີ້ຢາ,ນັກເລງໃຫ່ຍ (ບາດພວກ ດາຣາ,ນັກຮ້ອງ ສັກເຕັມ ກະຍັງບອກວ່າ ເທ້)

=> ຜູ້ຊາຍຈ່ອຍ: ຈ່ອຍຂີ້ແຫ້ງ, ລົມພັດກະຄືຊິປິວ ຄືຈະບໍ່ມີແຮງເຮັດຫຍັງດອກ ຮະຮະ (ຈະໃຫ້ເຮັດແນວໃດ ແນວກິນເທົ່າໃດມັນກະບໍ່ຕຸ້ຍເດ, ຈ່ອຍລ້າໆແຕ່ແຮງດີເດີ້)

=> ໄປຫຼີ້ນກ້າມ ມາ, ກ້າມເປັນມັດໆ : ກ້າມໃຫ່ຍປານກ້າມປູ, ເປັນຕາຢ້ານ (ເອົາ, ບໍ່ມີກ້າມກະເວົ້່າໃຫ້, ກ້າມໃຫ່ຍກະເວົ້າໃຫ້)

=> ນຸ່ງສົ້ງສັ້ນໆ ຂານ້ອຍໆຂາວໆ : ກະເທີຍ ຮະຮະ (ບໍ່ຈັກ ຊິເຮັດແນວໃດ)

=> ງຽບ, ບໍ່ມັກປາກ: ເບິ່ງລາວຄືຊິຍິ່ງ, ຫຼືບໍ່ກະບໍ່ມັກຜູ້ຍິງຕິເບາະ ບໍ່ເຫັນເຂົ້າມາລົມ (ເອົາ!! ມັນເປັນບຸກຂະລິກເດະ, ກູຄົນຂີ້ອາຍ, ໂອເຄເນາະ)

=> ຝອຍເກັ່ງ, ຢອກສາວເກັ່ງ: ໝໍນີ້ ຄືຊິເປັນຄົນຫຼາຍໃຈ (ງຽບກະເວົ້າ, ຢອກເກັ່ງກະເວົ້າບາດນິ)

ທັງໝົດນັ້ນເປັນພຽງຕົວຢ່າງທີ່ຍົກຂື້ນມາເວົ້າສູ່ຟັງ, ມັນເປັນພຽງສຽງສ່ວນໃຫ່ຍຈາກຜູ້ຊາຍ ອາດຈະບໍ່ຖືກກັບບາງຄົນ, ຜິດພາດປະການໃດຕ້ອງຂໍໂທດ ຂໍອະໄພ ມານະໂອກາດນີ້ດວ້ຍ.