ຂ່າວ

ແຈ້ງເຕືອນດ່ວນ !! ພາກກາງ ແລະພາກໃຕ້ກຽມຮັບມືພະຍຸດີເປຼເຊິນ ໃນລະຫວ່າງ ວັນທີ 29 – 31 ຕຸລາ 2019

ແຈ້ງເຕືອນດ່ວນ !! ພາກກາງ ແລະພາກໃຕ້ກຽມຮັບມືພະຍຸດີເປຼເຊິນ ໃນລະຫວ່າງ ວັນທີ 29 ຫາ 31 ຕຸລາ 2019

ກະຊວງຊັບພະຍາກອນທຳມະຊາດ ແລະສິ່ງແວດລ້ອມ ກົມອຸຕຸນິຍົມ ແລະອຸທົກກະສາດ ອອກແຈ້ງເຕືອນໄພ ພະຍຸດີເປຼເຊິນ ໃນລະຫວ່າງ ວັນທີ 29 ຫາ 31 ຕຸລາ 2019 ສະບັບທີ 1 ໂດຍມີເນື້ອໃນດັ່ງນີ້:

ເນື່ອງຈາກວ່າຄວາມກົດດັນສູງຂອງອາກາດເຢັນຈາກປະເທດຈີນ ໄດ້ເພີ່ມກຳລັງແຮງຂື້ນ ແຜ່ລົງມາປົກຄົມຢູ່ທົ່ວທຸກພາກຂອງປະເທດລາວດ້ວຍກຳລັງແຮງປານກາງ, ສົມທົບກັບພາຍຸດີເປຼເຊິນ ທີ່ກໍ່ຕົວຢູ່ທະເລຈີນໃຕ້ ທີ່ຈຸດໃຈກາງຢູ່ເສັ້ນຂະຫນານທີ 11.7 ອົງສາເໜືອ ແລະເສັ້ນແວງທີ 115.4 ອົງສາຕາເວັນອອກ ພວມເຄື່ອນທີ່ໄປທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງ, ຄາດວ່າພາຍຸຫົວນີ້ຈະເຄື່ອນທີ່ຜ່ານພາກໃຕ້ຂອງປະເທດ ສສ ຫວຽດນາມ ໃນຕອນກາງຄືນຂອງວັນທີ 29 ຕຸລາ 2019, ວົງລັດສະໝີຈະກວມເອົາບັນດາແຂວງພາກກາງຫາ ພາກໃຕ້ຂອງປະເທດລາວ ໃນໄລຍະວັນທີ 30 ຫາ 31 ຕຸລາ 2019 ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫລື້ອມໃນລະດັບປານກາງ ພ້ອມມີລົມພັດແຮງຢູ່ບາງທ້ອງຖິ່ນບັນດາແຂວງ: ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ ແລະອັດຕະປື