ຂ່າວ

ແຂວງ ສາລະວັນ ປິ່ນປົວຜູ້ຕິດເຊື້ອພະຍາດໂຄວິດ-19 ຫາຍດີເພີ່ມອີກ 5 ຄົນ

ແຂວງ ສາລະວັນ ປິ່ນປົວຜູ້ຕິດເຊື້ອພະຍາດໂຄວິດ-19 ຫາຍດີເພີ່ມອີກ 5 ຄົນ

ແຂວງສາລະວັນ ໄດ້ປິ່ນປົວຜູ້ຕິດເຊື້ອພະຍາດໂຄວິດ-19 ຫາຍດີ ເພີ້ມອີກ 5 ຄົນ, ມີຊື່ວ່າ: ທ້າວ ຍົກ ອາຍຸ 26ປີ ບ້ານ ຫຼັກສອງ, ທ້າວ ຄອນສະຫວັນ ອາຍຸ 27 ປີ ບ້ານ: ນາກົກໂພ, ນາງ ຢວນ ອາຍຸ 19 ປີ ບ້ານຫຼັກສອງ, ນາງ ຄໍາຫລ້າ ອາຍຸ 23 ປີ ບ້ານໂພນແກ້ວ, ນາງ ສຸກສາລາຄອນ ອາຍຸ 19 ປີ ບ້ານຂົວເສັດ,

ຈຳນວນຜູ້ກ່ຽວກວດພົບເຊື້ອໂຄວິດ-19 ໃນຄັ້ງວັນທີ 24 ເມສາ 2021 ຈາກນັ້ນໄດ້ເຂົ້າຮັບການປິ່ນປົວຢູ່ທີ່ໂຮງໝໍແຂວງສາລະວັນ ເປັນຈໍານວນ 14 ວັນ ແລະໄດ້ຮັບການເອົາໃຈໃສ່ປິ່ນປົວຈາກທີມງານແພດໝໍຢ່າງປົກກະຕິ ແລະຕໍ່ເນື່ອງຈົນເຮັດໃຫ້ອາການຂອງພວກຜູ້ກ່ຽວດີຂື້ນ, ແລ້ວກວດຫາເຊື້ອຈຳນວນ 4 ຄັ້ງ ໃນນັ້ນຄັ້ງທີ 1 ຜົນກວດແມ່ນພົບເຊື້ອ, ພາຍຫຼັງກວດອີກ 3 ຄັ້ງແມ່ນບໍ່ພົບເຊື້ອ ແລະອາການຂອງພວກຜູ້ກ່ຽວແມ່ນບໍ່ມີໄຂ້, ໄອ,ຈາມ, ບໍ່ເມື່ອຍ, ບໍ່ຫາຍໃຈຜືດ, ກິນ-ດື່ມໄດ້ດີເໝືອນຄົນປົກກະຕິທົ່ວໄປ.

ພິທີຈັດສົ່ງຜູ້ປິ່ນປົວຫາຍດີກັບບ້ານໄດ້ຈັດຂື້ນຕອນແລງວັນທີ 7 ພຶດສະພາ 2021 ທີ່ໂຮງໝໍແຂວງສາລະວັນ, ໂດຍມີິທ່ານດຣ ຄໍາຄ້າຍ ຄໍາສິງສະຫວັດ ຮອງຫົວໜ້າພະແນກ ສາທາລະນະສຸກແຂວງສາລະວັນ ພ້ອມດ້ວຍແພດ, ໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ປະຈຸບັນແຂວງສາລະວັນ ລວມມີຜູ້ຕິດເຊື້ອທັງໝົດ 12 ຄົນ ແລະ ປິ່ນປົວຫາຍດີແລ້ວ 6 ຄົນ ແລະພວມກຳລັງປິນປົວ 6 ຄົນ.

#newspaper salavan
ໂດຍ: ກິນດາວັນ ອ້ວນນາຄູ

ໜັງສືພິມ “ສາລະວັນ”