ຂໍ້ຄິດ

ເຮົາຕ້ອງຮຽນຮູ້ກັບການເດິນຄົນດຽວເພາະຄຳວ່າຕະຫຼອດໄປບໍ່ມີຢູ່ຈິງດອກໃນຊີວິດຈິງ

ເຮົາຕ້ອງຮຽນຮູ້ກັບການເດິນຄົນດຽວເພາະຄຳວ່າຕະຫຼອດໄປບໍ່ມີຢູ່ຈິງດອກໃນຊີວິດຈິງ ມີກະມີແຕ່ໃນຫນັງ ແລະ ນິຍາຍເທົ່ານັ້ນສ່ວນຫຼາຍ

1. ຄວາມຊາບຊື້ງທົດແທນຄວາມຜູກພັນບໍ່ໄດ້ : ບໍ່ວ່າຈະເປັນໃຜໝູ່ຫຼືຄົນແປກໜ້າເຮົາກະຕ້ອງຮູ້ທີ່ຈະຕ້ອງຍີ້ມແຍ້ມແຈ່ມໃສ ເຖີງວ່າໃນໃຈຈະຮ້ອງໄຫ້ສະອື້ນພຽງໃດກໍຕາມ ເພາະຄົນສ່ວນໃຫຍ່ກໍມີຄວາມເຫັນແກ່ຕົວ ຈື່ງບໍ່ຄວນໄປຄາດຫວັງວ່າໃຜຈະມາດີກັບເຮົາ ໂດຍປາສະຈາກເງື່ອນໄຂ ແລະ ຫວັງຜົນປະໂຫຍກ.

2. ແຮງຢືດຕິດເຮົາແຮງສູນເສຍ : ກຳແໜ້ນເທົ່າໃດກໍສູນເສຍຫຼາຍຊ່ຳນັ້ນ ກໍປຽບເໝືອນກຳເມັດຊາຍໃນມື ເຮົາກຳຫຼາຍເທົ່າມັນແຮງລົ່ນຈາກມືເຮົາ ໃນການກຳນີ້ເຮົາປ່ອຍບໍ່ໃຫ້ມືຕ້ອງລົ່ນນຳ ເພາະຍາມໃດທີ່ສູນເສຍໄປສິ່ງດັ່ງກ່າວ ຫຼື ຄົນເຫຼົ່ານັ້ນອາດເປັນສີ່ງທີ່ມີຄ່າເຮັດໃຫ້ເຮົາຕ້ອງເຈັບປວດຫຼາຍເມື່ອເສຍເຂົາໄປ ເມື່ອໃດຮູ້ສຶກສີ້ນຫວັງ ແລະ ເສຍຄວາມຮູ້ສຶກຫຼາຍ.

3.ຢ່າເລືອກຄົບຄົນຢູ່ທີ່ຮູບຮ່າງໜ້າຕາ : ຖ້າຢາກປະສົບຜົນສຳເລັດໃນໄລຍະຍາວ ຈົ່ງຊື່ນຊົມຄົນທີ່ມີຄວາມສາມາດ ຖ້າເຮົາຮູ້ສຶກວ່າຕົວເອງສູ້ເຂົາບໍ່ໄດ້ ຢ່າໄປນ້ອຍໃຈເລີຍ  ເພາະເຮົາກໍເປັນຄົນທຳມະດາຄືກັນກັບຄົນອື່ນໆຫັ້ນລະ ຈົ່ງສູ້ຕໍ່ໄປ.

4. ຫົນທາງຊີວິດນັ້ນມັນຍັງຍາວໄກ : ເມື່ອເຂົາບໍ່ສົນໃຈບໍ່ໃສ່ໃຈເຮົາ ເຮົາກະຢ່າຮຽກຮ້ອງ ແລະ ຢ່າຄິດຫຼາຍ ໃຫ້ຄິດສະວ່າກະຊ່າງມັນ ມັນຄົງຮອດເວລາແລ້ວ ມັນຈະເປັນແນວໃດກໍຕາມ ຢ່າງນ້ອຍເຮົາກໍເຄີຍຮ່ວມທາງມານຳກັນ ຖ້າມັນຈະຈົບກະຈົບໄປ ເພາະຕ່າງຄົນຕ່າງກໍມີເສັ້ນທາງຊີວິດທີ່ແຕກຕ່າງກັນ ບໍ່ມີໃຜຈະມາຍ່າງຕາມຊີວິດເຮົາໄດ້ຫຼາຍທາງ ຄົນຮັກ ຄົນຮູ້ຈັກວັນນີ້ ວັນໜ້າປີໜ້າອາດຕ້ອງກາຍເປັນຄົນແປກໜ້າ.

5. ຄົນທີ່ຮັກແລະປາຖະໜາດີຕໍ່ເຮົາຫຼາຍທີ່ສຸດຄືພໍ່ແມ່ : ຢ່າຄິດເຖີງທ່ານສະເພາະເວລາທີ່ບໍ່ມີເງິນ ຢ່າຄິດວ່າໃນສາຍຕາພໍ່ແມ່ເຮົາຍັງເປັນເດັກນ້ອຍຢູ່ຕະຫຼອດ ແຕ່ສຳລັບພໍ່ແມ່ເຮົາກະຍັງເດັກນ້ອຍສະເໝີຫັ້ນລະ ແຕ່ເຮົາຄວນສົງສານພໍ່ແມ່ທີ່ເຮົາຍັງບໍ່ຈັກໃຫຍ່ຈັກເທື່ອ ອາຍທີ່ຕ້ອງອາໃສພໍ່ແມ່ໃຫຍ່ປານນີ້ແລ້ວ.

6.ບໍ່ມີຫຍັງຈະຄືເກົ່າຕະຫຼອດໄປ : ເພາະທຸກສີ່ງຢ່າງຍອມປ່ຽນໄປໄດ້ທຸກນາທີ ບໍ່ຄວນເອົາວິທີເກົ່າໆມາແກ້ໄຂບັນຫາໃໝ່ໆ  ຄົນເຮົາຮັກກັນອາດບໍ່ໄດ້ຢູ່ນຳກັນຕະຫຼອດເວລາ ຢ່າເເຕ່ຮຽກຮ້ອງເພາະສີ່ງນີ້ ຍີ່ງຮຽກຮ້ອງຍິ່ງມີສິດບໍ່ໄດ້ໄປຢ່າງທີ່ຄາດຫວັງໄວ້.

ສະນັ້ນເຮົາຈົ່ງຮຽນຮູ້ ແລະ ເຂົ້າໃຈໃຫ້ຫຼາຍກັບບົດຊີວິດຂອງເຮົາ ວ່າມີຄົບ ມີເລີກ ມີການຢຸ່ຄົນດຽວ ສະນັ້ນເມື່ອຄົນທີ່ເຮົາຄາດຫວັງບໍ່ໄດ້ດັ່ງຫວັງ ກະຢ່າໂທດເຂົາ ເຮົາຄວນເຂົ້າໃຈວ່າທຸກຢ່າງມີການປ່ຽນແປງ ເຖີງເວລາຕ້ອງຮຽນຮູ້ຢູ່ຄົນດຽວເພາະກ່ອນມີເຂົາ ເຮົາກໍເຄີຍຢູ່ຄົນດຽວມາກ່ອນ ເຮົາພຽງກັບມາສູ່ສະພາບເດີມ ແຕ່ບໍ່ແມ່ນເວລາເກົ່າເທົ່ານັ້ນ ແລະ ເຮົາກໍໄດ້ມີບົດຮຽນເພີ່ມຫຼາຍຢ່າງທີ່ສອນເຮົາ ຮູ້ວ່າການຢູ່ຄົນດຽວມັນກະດີ ຈຶ່ງບໍ່ເສຍໃຈ ບໍ່ເປືອງຄວາມຮູ້ສຶກ ບໍ່ຕ້ອງເປັນຫ່ວງໃຜ ນອກຈາກຄົນໃນຄອບຄົວເຮົາ
ເມື່ອອ່ານຈົບແລ້ວ ສາມາດແບ່ງປັນໃຫ້ໝູ່ຄູ່ຄົນຮອບຂ້າງໄດ້ຮູ້ນຳດ້ວຍການກົດແຊຣ໌…ຂໍຂອບໃຈ.