ຂ່າວ

ເລີ່ມເປັນຮູບປະທຳແລ້ວ !! ສຶກສາແຕ່ງຕັ້ງຄະນະຮັບຜິດຊອບຜະລິດສື່ການສອນຊັ້ນປະຖົມຜ່ານອອນລາຍ

ເລີ່ມເປັນຮູບປະທຳແລ້ວ !! ສຶກສາແຕ່ງຕັ້ງຄະນະຮັບຜິດຊອບຜະລິດສື່ການສອນຊັ້ນປະຖົມຜ່ານອອນລາຍ

ກະຊວງສຶກສາທິການ ແລະ ກິລາ ແຕ່ງຕັ້ງ ຄະນະຮັບຜິດຊອບຜະລິດສື່ການຮຽນການສອນຜ່ານທາງອອນລາຍ ສໍາລັບຊັ້ນປະຖົມສຶກສາ ໃນໄລຍະໂຈະການຮຽນຊົ່ວຄາວ ເພື່ອປ້ອງກັນ, ສະກັດກັ້ນການແຜ່ລະບາດພະຍາດ ໂຄວິດ-19, ເຊິ່ງໄດ້ເລີ່ມຖ່າຍທໍາ ແຕ່ວັນທີ 23 ມີນາ -21 ເມສາ 2020.

ອີງຕາມຂໍ້ຕົກລົງ ເລກທີ ເລກທີ 1136/ສສກ ລົງວັນທີ 31 ມີນາ 2020 ຂອງກະຊວງສຶກສາທິການ ແລະ ກິລາ ວ່າດ້ວຍ ການແຕ່ງຕັ້ງຄະນະຮັບຜິດຊອບການຈັດການສອນ ຜ່ານທາງອອນລາຍ ສໍາລັບຊັ້ນປະຖົມສຶກສາ, ທ່ານລັດຖະມົນຕີກະຊວງສຶກສາທິການ ແລະ ກິລາ ຕົກລົງ ແຕ່ງຕັ້ງຄະນະຮັບຜິດຊອບການຈັດການສອນຜ່ານທາງອອນລາຍ (ໂທລະພາບ, ວິທະຍຸ, YouTube, ແລະ Facebook) ໃນໄລຍະທີ່ໂຈະການຮຽນແຕ່ວັນທີ 19 ມີນາ ເຖິງ 21 ເມສາ 2020 ດັ່ງລາຍລະອຽດລຸ່ມນີ້:

.

ລັດຖະມົນຕີກະຊວງສຶກສາທິການ ແລະ ກິລາ ໄດ້ຕົກລົງ ແຕ່ງຕັ້ງ ຄະນະຮັບຜິດຊອບຊີ້ນໍາລວມ 5 ທ່ານ, ຄະນະຮັບຜິດຊອບດ້ານເຕັກນິກ 15 ທ່ານ, ເປັນຄະນະຮັບຜິດຊອບດ້ານເນື້ອໃນ ແລະ ການສອນ 10 ທ່ານ, ຄະນະຜູ້ຊ່ຽວຊານດ້ານເນື້ອໃນ 7 ທ່ານ, ຄະນະປະສານ ແລະ ການເງິນ 3 ທ່ານ

ສະ​ຖາ​ບັນ​ຄົ້ນຄວ້າ​ວິທະຍາສາດ​ການ​ສຶກ​ສາ ກະຊວງ​ສຶກ​ສາ​ທິ​ການ ແລະ ກີ­ລາ ຈັດ​ຕັ້ງ​ປະຕິບັດ​ຜະລິດ​ສື່​ການ​ຮຽນ​ການ​ສອນ​ອອນ​ລາຍ​ໄລຍະ​ພັກ​ຮຽນ ເພື່ອ​ປ້ອງ​ກັນ ສະກັດ​ກັ້ນ​ການ​ແຜ່​ລະບາດ​ພະຍາດ ໂຄວິດ-19 ເຊິ່ງ​ເລີ່ມ​ຖ່າຍ​ທຳ​ແຕ່​ວັນ​ທີ 23 ມີນາ ຫາ 21 ເມສາ 2020 (ພັກ 12-20 ເມສາ 2020).

ສໍາລັບສື່ການຮຽນການສອນທີ່ຜະລິດໃນຄັ້ງນີ້, ປະກອບມີ ວິຊາຄະນິດສາດ, ພາສາລາວ ຊັ້ນ ປ.1 ແລະ ວິຊາພາສາລາວ, ຄະນິດສາດ, ພາສາອັງກິດ ຊັ້ນ ປ.3, ປ.4, ແລະ ປ.5 ຜ່ານລາຍການໂທລະພາບສຶກສາກິລາ ອອກອາກາດທຸກໆວັນອັງຄານ ພາກເຊົ້າເວລາ 08:45-09:15 ໂມງ ແລະ ພາກແລງ ເວລາ 17:45-18:15 ໂມງ ທາງສະຖານີໂທລະພາບລາວຊ່ອງ 1, ລາຍການສຶກສາໃໝ່ ອອກອາກາດ ວັນພຸດ ເວລາ 08:45-09:15 ໂມງ ແລະ ວັນ ເສົາເວລາ 17:45-18:15 ໂມງ ທາງສະຖານີໂທລະພາບລາວຊ່ອງ 1 ແລະ ລາຍການວິທະຍຸສຶກສາ ອອກອາກາດ ວັນຈັນ, ພຸດ, ສຸກ ເວລາ 09:00-09:30 ໂມງ ທາງຄື້ນ AM 567 KHz ແລະ ວັນເສົາ-ອາທິດ ເວລາ 14:30-15:00 ທາງຄື້ນ FM 103.7 MHz .

ພ້ອມກັນນັ້ນ, ກໍ່ຈະອັບໂຫຼດລົງສື່ອອນລາຍ ເປັນຕົ້ນແມ່ນ ເຟສບຸກແຟນເພຈ໌ “Edu-sport TV online” ແລະ “ສະຖາບັນຄົ້ນຄວ້າວິທະຍາສາດການສຶກສາ” ເຊິ່ງໄດ້ຮັບການສະໜັບສະໜູນໂດຍແຜນງານບິຄວາ.

.

.

ພາບຈາກ: Edu-Sport TV online