ບັນເທີງ

ເມື່ອມີແຟນກໍຕ້ອງເປີດເຜີຍ ເພາະວ່າເຂົາຕ້ອງການຄວາມຈິງໃຈ ຄວາມຊັດເຈນ ບໍ່ແມ່ນປິດບັງ

ເມື່ອມີແຟນກໍຕ້ອງເປີດເຜີຍ ເພາະວ່າເຂົາຕ້ອງການຄວາມຈິງໃຈ ຊັດເຈນ ບໍ່ແມ່ນປິດບັງ

9 ນິໄສຂອງເນື້ອຄູ່ ທີ່ມີໃຫ້ກັນແລະຮັກທີ່ໝັ້ນຄົງ
ຄວາມສຳພັນທີ່ດີບໍ່ຈຳເປັນຕ້ອງໃຊ້ຄວາມພະຍາຍາມ
ແລະທີ່ແນ່ໆ ຄືປາສະຈາກຄວາມຂັດແຍ້ງໂດຍສິ້ນເຊີງ
ຄູ່ສົມລົດທີ່ຮັກກັນກົມກຽວແລະຢູ່ນຳກັນຢ່າງຍາວນານ

ຈະສາມາດຈັດການກັບຄວາມຂັດແຍ້ງໄດ້ດີ
ທີ່ສຳຄັນຂອງພວກເຂົາຍັງເປັນຄູ່ຮັກທີ່ໂຮແມນຕິກສຸດໆອີກດ້ວຍ ແລະຕໍ່ໄປນີ້ຄືລັກສະນະນິໄສທີ່ເຮັດໃຫ້ສາຍສຳພັນ ຂອງຄູ່ຮັກເຫລົ່ານີ້ມີຄວາມແຂງແຮງ.

1. ເອົາໃຈເຂົາມາໃສ່ໃຈເຮົາ : ການກະທຳເຊັ່ນນີ້ຈະເຮັດໃຫ້ຄູ່ຮັກ ສາມາດເອົາຊະນະຄວາມເຂົ້າໃຈຜິດທີ່ເກີດຂຶ້ນ ໃນທຸກໆຄວາມສຳພັນໄດ້ ຄູ່ຮັກຮູ້ສຶກວ່າມີຄົນຮັບຟັງເຂົ້າໃຈ ແລະໃຫ້ຄວາມສຳພັນເມື່ອອີກຝ່າຍເວົ້າ ຢ່າງຈິງໃຈວ່າ ຂ້ອຍອາດບໍ່ເຫັນດ້ວຍກັບເຈົ້າແຕ່ຂ້ອຍເຂົ້າໃຈເຈົ້າ ແລະຮູ້ສຶກວ່າເປັນຫຍັງເຈົ້າຈຶ່ງຮູ້ສຶກແບບນັ້ນ.

2. ຜິດຖຽງກັນມີເຫດຜົນ ຄູ່ຮັກຈະບໍ່ເວົ້າຈາດູຖູກ
ຫລືໃສ່ຮ້າຍປ້າຍສີກັນ ບໍ່ວ່າເຈົ້າຈະຢູ່ນຳກັນ ຫລືບໍ່ຄູ່ຮັກທີ່ມີຄວາມສຳພັນເຂັມແຂວງຈະປະຕິບັດຕໍ່ກັນ
ດ້ວຍຄວາມຮັກແລະເຄົາລົບເຊິ່ງກັນສະເຫມີ.

3. ຊົມເຊີຍກັນແລະກັນຕໍ່ຫນ້າຄົນອື່ນ ຄູ່ຮັກທີ່ມີສາຍສຳພັນແຫນ້ນແຟ້ນຈະຊົມເຊີຍ ອີກຝ່າຍໃຫ້ເພື່ອນໆ ລູກໆ ຍາດຕິພີ່ນ້ອງ ຫລືແມ້ແຕ່ເພື່ອຮ່ວມງານຂອງຕົວເອງຟັງ ມັນຈະຖືວ່າເປັນການໃຫ້ກຽດແລະໃຫ້ຄວາມເຄົາລົບກັນແລະກັນອີກດ້ວຍ.

4. ຫົວຍີ້ມເລື້ອຍໆ : ຂ້ອຍກັບສາມີມັກຫົວເຮາະຫລາຍ ເຮົາບໍ່ຄ່ອຍເສົ້າດົນປານໃດດອກເພາະຝ່າຍໃດຝ່າຍຫນຶ່ງ ມັກຈະຫາຫຍັງບາງຢ່າງມາເພື່ອໃຫ້ສະຖານະການດີຂຶ້ນ ເຮົາສາມາດ ລົດບັນຫາຈິງຈັງກັນໄດ້ຫາກຈຳເປັນ ແຕ່ການມີອາລົມຂັນຖືເປັນຄຸນະສົມບັດອັນລ້ຳຄ່າ ຫາກເຈົ້າຕ້ອງການມີຄວາມສຳພັນແຂງແຮງ.

5. ຫາເວລາເພື່ອລົມກັນສະເຫມີບໍ່ວ່າຊີວິດຈະວຸ້ນວາຍພຽງໃດຄູ່ຮັກທີ່ມີຄວາມສຳພັນແຂງແຮງມັກຈະຫາ ເວລາເພື່ອລົມກັບອີກຝ່າຍເປັນປະຈຳທຸກມື້
ເຊັ່ນ ການພາຫມາໄປຍ່າງຫລີ້ນນຳກັນການຊ່າຍກັນເບິ່ງແຍງລູກໆ ເບິ່ງລາຍການທີ່ມັກຫລືສວດມົນນຳກັນທຸກມື້.

6. ຊື່ນຊົມຂໍ້ດີຂອງຄູ່ຮັກແທນທີ່ຈະຊ້ຳເຕີມຂໍ້ດ້ອຍ
ຄູ່ຮັກຫລາຍຄູ່ມັກຈະຈົ່ມເຖິງຊີວິດການແຕ່ງງານ
ເຊິ່ງປັນສາສ່ວນໃຫ່ຍກໍ່ຄືໆກັນນັ້ນແຫລະ ແຕ່ຄູ່ຮັກທີ່ດີຈະເບິ່ງແຕ່ດ້ານດີໆຂອງຄົນຮັກ ແລະກ່າວຊົມເຊີຍອີກຝ່າຍເປັນປະຈຳ.

7. ບອກຄົນຮັກສະເໝີວ່າກັບບ້ານເມື່ອໃດ ສາເຫດຫນຶ່ງທີ່ເຮັດໃຫ້ຄູ່ຮັກຜິດຖຽງກັນເລື້ອຍໆຄື
ເມື່ອຝ່າຍໃດຝ່າຍຫນຶ່ງຮູ້ສຶກວ່າຕົວເອງບໍ່ມີຄວາມສຳຄັນດັ່ງນັ້ນການໂທ ຫລືສົ່ງຂໍ້ຄວາມເພື່ອບອກວ່າເມື່ອໃດ ເຈົ້າຈະກັບບ້ານຈະຊ່ວຍໃຫ້ຄວາມສຳພັນຈະເລີຍເຕີບໂຕ ແລະເຮັດໃຫ້ຄົນຮັກຂອງເຈົ້າຮູ້ສຶກຫມັ້ນໃຈດ້ວຍ.

8. ໃຫ້ອະໄພແລະກ້າວໄປຂ້າງຫນ້າແທນການຈອງເວນຈອງກຳຄວາມຂັດແຍ້ງບໍ່ໄດ້ເຮັດໃຫ້ເກີດກຳແພງຂວາງກັ້ນທັ້ງສອງຝ່າຍຈະຍອມຮັບຄວາມພິດພາດຂອງຕົວເອງພ້ອມກັບເອີຍຄຳຂໍໂທດ ແລະແຍກຍ້າຍກັນໄປແທ້ໆພວກເຂົາມີຄວາມສຸກທີ່ໄດ້ຢູ່ນຳກັນ
ແມ້ວ່າຊົ່ວໂມງກ່ອນຫນ້ານັ້ນພວກເຂົາຈະຫາກໍ່ຜິດຖຽງກັນມາ.

9. ບໍ່ເຄີຍຢຸດຢອກໃຍກັນ ນີ້ກໍ່ຄືການສະແດງຄວາມຮັກ ຄວາມຕື່ນເຕັ້ນແລະຄວາມມ່ວນຊື່ນ ລະຫວ່າງຄູ່ຮັກຫາກພວກເຂົາເຊົາຢອກໃຍກັນ ຄວາມສຳພັນຂອງຄູ່ຮັກກໍ່ຄົງຫນ້າເບື່ອ ດ່ັງນັ້ນບໍ່ແປກທີ່ຄູ່ຮັກທີ່ມີຄວາມສຳພັນແຫນ້ແຟ້ນ ຈະຍັງຄົງຢອກລໍ້ແລະແຊວຫລີ້ນກັນເລື້ອຍໆ.