ເຖີງຈະເລີກກັນໂດຍດີ ແຕ່ກໍບໍ່ສາມາດເປັນໝູ່ກັບແຟນເກົ່າໄດ້

ເຖີງຈະເລີກກັນໂດຍດີ ແຕ່ກໍບໍ່ສາມາດເປັນໝູ່ກັບແຟນເກົ່າໄດ້

ມີໃຜເຄີຍເປັນບໍ່ ? ອາລົມແບບວ່າເລີກກັບແຟນເກົ່າໂດຍດີ ໂດຍບໍ່ໄດ້ມີເລຶ່ອງບາດໝາງຫຍັງກັນ ແຕ່ບໍ່ສາມາດກັບໄປເປັນໝູ່ນຳເຂົາໄດ້, ບໍ່ສາມາດລົມ ແລະ ເວົ້າກັບເຂົາໄດ້ປົກກະຕິ ແມ້ກະທັ່ງໜ້າເຂົາ ເຮົາຍັງສູ້ບໍ່ໄດ້ເລີຍ

ແຕ່ຖ້າຖາມໃຈໂຕເອງວ່າ ຄຽດໃຫ້ເຂົາບໍ່? ຊັງເຂົາບໍ່ ? ກະບໍ່ໄດ້ຊັງຫຍັງເລີຍ ບໍ່ໄດ້ຄຽດ ແຕ່ເວລາເຫັນໜ້າກັນມັກຫຼົບສາຍຕາ,​ ບໍ່ເວົ້າບໍ່ຕອບຫຍັງ

ບາງຄົນແຮ່ງຄັກ, ຕອນເປັນແຟນກັນຄັນວ່າສະໃໝຮຽນກະຍ່າງໄປໂຕະເຂົານັ່ງ, ຫຼື ໄວເຮັດວຽກກະມັກໄປທີ່ໂຕະ ເຂົາເຮັດວຽກ, ບາດພໍແຕ່ເລີກກັນ ຊິຍ່າງໄປແຖວນັ້ນກະຕ້ອງໄດ້ອອ້ມກາຍໂຕະເຂົາໄປ

ແລ້ວເຮົາເປັນຫຍັງຕ້ອງເປັນແບບນີ້ລະ ?

ງ່າຍໆ ກະຍ້ອນເຮົາຍັງທຳໃຈຍອມຮັບຄວາມຈິງບໍ່ໄດ້, ຄືຈາກທີ່ເຄີຍເປັນແຟນກັນ, ຈາກທີ່ເຄີຍຜູກພັນກັນແບບຊູ້ແບບແຟນ ຢູ່ໆໃຫ້ມາປ່ຽນຄວາມສຳພັນໃຫ້ມາກາຍເປັນໝູ່ແບບນີ້ມັນຍາກທີ່ຈະຍອມຮັບໄດ້. ຈາກທີ່ເຄີຍຫວັງສ້າງອະນາຄົດນຳກັນ, ຈາກທີ່ເຄີຍຈູງແຂນຍ່າງໄປພ້ອມກັນ, ມາປະຈຸບັນ ເຂົາຈູງແຂນອີກຄົນຍ່າງ.. ເປັນໃຜໆ ຈະຍອມຮັບໄດ້ລະ

ແລ້ວຈະຕ້ອງເຮັດແບບໃດ ຈຶ່ງຈະເຮັດໄດ້ ?

ຕ້ອງໃຊ້ເວລາເຂົ້າມາຊ່ວຍ, ກວ່າຈະປັບໂຕໄດ້ກະອີກດົນເຕີບ, ຫຼື ຈົນກວ່າເຮົາກໍ່ມີຄົນໃໝ່ ຮັກຄົນໃໝ່ສຸດໃຈ ເຮົາກໍ່ບໍ່ຄິດຫຍັງກັບເຂົາແລ້ວ ຮອດເວລານັ້ນກໍ່ອາດຈະບໍ່ໄດ້ຄິດຫຍັງກັນແລ້ວ ກະໜ້າຈະເຮັດໄດ້  ຫຼື ຖ້າເຮົາຄິດໄດ້,​ ຖ້າເຮົາຮູ້ຈັກປ່ອຍວາງ, ບໍ່ດົນເຮົາກໍ່ຈະກັບໄປເປັນໝູ່ນຳເຂົາໄດ້.

 

ຂໍ້ຄິດ