ຂໍ້ຄິດ

ເຕືອນສະຕິໄດ້ດີ ! “ ລວຍແລ້ວຢ່າອວດອົ່ງ ຢ່າລືມໂຕ ຢ່າດູຖູກຄົນອື່ນ ຢາມຂື້ນຢ່າຫຼົງ ຢາມລົງຢ່າທໍ້

ເລື່ອງຈິງອ່ານແລ້ວເຕືອນສະຕິໄດ້ດີ ! “ ລວຍແລ້ວຢ່າອວດອົ່ງ ຢ່າລືມໂຕ ຢ່າດູຖູກຄົນອື່ນ ຢາມຂື້ນຢ່າຫຼົງ ຢາມລົງຢ່າທໍ້ ຊີວິດຄົນເຮົາ ມີຂື້ນມີລົງ

ໃນຊ່ວງຊີວິດຄົນເຮົານັ້ນມີທັງ ຂາຂຶ້ນ ແລະ ຂາລົງ ຍາມຂຶ້ນຢ່າຫລົງ ຍາມລົງຢ່າທໍ້ ຄົນຈົນດຸໝັ່ນທຳມາຫາກິນກໍ່ລວຍໄດ້ ຄົນລວຍໃຊ້ຈ່າຍຟຸ່ມເຟືອຍບໍ່ຮູ້ຈັກຫາເພິ່ມກໍ່ຫມົດໂຕໄດ້ ບາງຄົນລວຍແລ້ວລືມໂຕບໍ່ຮູ້ວ່າໂຕເອງມາຈາກໄສ ດູຖູກຄົນອື່ນຢ່າລືມວ່າລວຍໄດ້ກໍ່ຕ້ອງຈົນໄດ້ຄືກັນບໍ່ມີໃຜໂຊກດີຕະຫລອດໄປ ດັ່ງເລື່ອງລາວຕໍ່ໄປນີ້ທີ່ຢາກຈະເລົ່າສູ່ກັນຟັງ
ຊີວິດມີຂຶ້ນມີລົງ ຢ່າດູຖູກໃຜທີ່ດ້ອຍກວ່າ ເພາະມື້ຫນຶ່ງເຈົ້າອາດຕ້ອງໄປຂໍຄວາມຊ່ວຍເຫລືອຈາກເຂົາ ບົດຮຽນຊີວິດຈາກເລື່ອງຈິງທີ່ເຕືອນໃຈເຮົາວ່າ “ ລວຍແລ້ວຢ່າອວດອົ່ງ ແລະ ລືມໂຕ…ລຳບາກຕອນເຖົ້າແຮງລຳບາກໃຈທີ່ສຸດ ”

ມີອາດີດເສດຖີທ່ານຫນຶ່ງເລົ່າໃຫ້ຟັງວ່າ…. ເມື່ອກ່ອນຂ້ອຍມີທີ່ດິນຢູ່ໃນແທບທຸກເຂດ ແລະ ຕາມໂຕເມືອງໃຫຍ່ໆທົ່ວປະເທດ ລວມໆແລ້ວ ປະມານ 500 ໄລ່ເມື່ອ 30 ປີທີ່ແລ້ວ ຂ້ອຍຖືເງິນໃນກະເປົາໄວ້ທ່ຽວຄັ້ງລະເປັນຫຼາຍລ້ານ ທຳມາຄ້າຂາຍໄດ້ເງິນດີ ລູກໆ ຂ້ອຍສົ່ງຮຽນຕ່າງປະເທດຫມົດບໍ່ຕ້ອງເຮັດວຽກໃຫ້ຮຽນຢ່າງດຽວ ເມຍຂ້ອຍມັກຫຼີ້ນຫຸ້ນ ລາຄາຫຸ້ນກໍ່ ຂຶ້ນເອົາໆ ເຮົາກໍ່ໄດ້ກຳໄລມາຢ່າງຫຼວງຫຼາຍ ເຮົາມີເງິນສົດຫລາຍພົນລ້ານຢູ່ມາມື້ຫນຶ່ງ… ມີພີ່ນ້ອງຂ້ອຍຄົນຫນຶ່ງເດືອດຮ້ອນມາຢືມເງິນ ຂ້ອຍໄດ້ດ່າເຂົາແບບເສຍຫາຍໆ ( ດ້ວຍຄວາມທີ່ຄິດວ່າຕົນເອງມີເງິນຫຼາຍຈະເວົ້າຫຍັງກັບໃຜແນວໄດກໍ່ໄດ້ )

ແຕ່ກໍ່ໃຫ້ເງິນລາວຢືມຢູ່ແລ້ວບອກເຂົາວ່າບໍ່ຕ້ອງມາຫາຂ້ອຍອີກ ຂ້ອຍໃຫ້ທານ ເຂົາຮັບເງິນພ້ອມນ້ຳຕາ “ຕອນນັ້ນຂ້ອຍບໍ່ຮູ້ດອກວ່າເຂົາຈະຮູ້ສຶກແນວໄດ”ເມື່ອຂ້ອຍຄິດໃຫຍ່ຕັ້ງໂຮງງານອາໄຫລ່ ປີນັ້ນເກິດວິກິດນ້ຳຖ້ວມຫນັກ ນ້ຳພັດພາທຸກຢ່າງໄປຈາກຊີວິດຂ້ອຍ ລົດຂ້ອຍ 19 ຄັນ ບ້ານອີກ 5 ຫລັງ ທີ່ດິນທັ້ງຫມົດ ແລະ ເງິນສົດທີ່ເຄີຍມີເມຍຂ້ອຍຫຼີ້ນຫຸ້ນເຈັ້ງໄປຫຼາຍຕື້ ພາຍໃນ 2 ປີສິ່ງທີ່ຂ້ອຍມີມັນຫາຍໄປເຫລືອໄວ້ພຽງຫນີ້ສິນ ປັດຈຸບັນຂ້ອຍຄືບຸກຄົນລົ້ມລະລາຍ ເຊົ່າຫ້ອງແຖວຢູ່ພໍໄດ້ຂາຍເຄື່ອງປະຄັບປະຄອງຊີວິດໄປວັນໆ ເມຍຂ້ອຍກໍ່ບໍ່ມີກະຈິດກະໃຈເຮັດຫຍັງລູກຂ້ອຍກໍ່ຕ່າງແຍກຍ້າຍກັນໄປເອົາໂຕລອດຕາມເສັ້ນທາງຊີວິດຂອງໂຕເອງຂ້ອຍບໍ່ໍ່ໄດ້ເຫັນຫນ້າລູກໆອີກເລີຍ

ຕອນນີ້ຂ້ອຍອາຍຸ 76 ປີຍັງຕ້ອງຍົກຫມໍ້ເຝີ ລ້າງຈານ ແຕ່ທຸກມື້ນີ້ຂ້ອຍປົງໄດ້ແລ້ວ ຂ້ອຍມາລຳບາກຕອນເຖົ້າ ແຕ່ກໍ່ເລີ່ມເຂົ້າໃຈຊີວິດຫຼາຍຂຶ້ນເງິນຄ່າເຊົ່າຫ້ອງນີ້ຂ້ອຍໄປຢືມກັບຄົນທີ່ຂ້ອຍເຄີຍດ່າເຂົາ ລູກເຂົາຍື່ນເງິນໃຫ້ແລ້ວບອກຂ້ອຍວ່າ..ພໍ່ຂ້ອຍແບກຫນ້າໄປຢືມເງິນລຸງ ເພາະຕອນນັ້ນຂ້ອຍເຂົ້າໂຮງໝໍຜ່າຕັດ ເພື່ອໃຫ້ລອດ ພໍ່ນັ່ງຮ້ອງໄຫ້ລຸງດ່າແລ້ວໂຍນເງິນໃຫ້ຄືຫມາ ລຸງບອກວ່າຈະຕີພໍ່ພໍ່ກໍ່ຍອມ ເພາະຊີວິດລູກມີຄ່າຫຼາຍກວ່າສິ່ງໃດ ຕໍ່ໃຫ້ທຳຮ້າຍຮ່າງກາຍ ແລະ ຈິດໃຈພໍ່ກໍ່ຍອມ ຖ້າມີເງິນຈະໃຫ້ຫາມາຄືນລຸງເຮົາບໍ່ມີຫນີ້ບຸນຄຸນກັນແຕ່ຖ້າລຸງລຳບາກລຸງມາຢືມກັບຂ້ອຍໄດ້ຂ້ອຍຈະບໍ່ດ່າລຸງຄືກັບທີ່ລຸງດ່າພໍ່ຂ້ອຍ ຖ້າບໍ່ມີເງິນລຸງຂ້ອຍຄົງບໍ່ລອດ ເພາະເງິນທີ່ລຸງໂຍນໃຫ້ພໍ່ຂ້ອຍນີ່ແຫລະ ທີ່ຕໍ່ຊີວິດໃຫ້ຂ້ອຍທຳຕາມທີ່ພໍ່ບອກແລ້ວ ໃຫ້ຕອບແທນຫນີ້ກ້ອນນີ້ໃຫ້ລຸງ ສ່ວນລູກລຸງຂ້ອຍບໍຮູ້ ກຳຂອງໃຜຂອງມັນ

ຂ້ອຍຍ່າງຮ້ອງໄຫ້ມາຮອດບ້ານເອົາເງິນມາຈ່າຍຄ່າເຊົ່າຫ້ອງແຖວ ແລະ ລົງທຶນຮ້ານເຝີເພິ່ມ ມີເງິນເກັບໄວ້ 7,000,000 ກີບ ແລະ ຂ້ອຍເຂົ້າໃຈຄວາມຮູ້ສຶກຂອງຄຳວ່າ “ກຳນັ້ນຕາມສະຫນອງ” ຫລານບໍ່ໄດ້ດ່າຂ້ອຍ ແຕ່ຫລານເວົ້າຄວາມຈິງພຽງແຕ່ຂ້ອຍຮັບຄວາມຈິງບໍ່ໄດ້ແຕ່ຕອນນີ້ຂ້ອຍມີຄວາມສຸກດີມີຂໍທານມາກິນເຝີທີ່ຮ້ານຂ້ອຍ ຂ້ອຍບໍ່ເອົາເງິນປຕອນຂ້ອຍມີເງິນ ຂ້ອຍບໍ່ເຄີຍເຮັດບຸນ ຂ້ອຍທ່ຽວຫຼີ້ນກິນຝຸມເຝືອຍ ຕອນທີ່ຂ້ອຍຫມົດໂຕມີຫນີ້ສິນ ບໍ່ມີຮອດໝູ່ເພື່ອນ ຂ້ອຍຈື່ງໄດ້ຟັງທຳມະ ເຂົ້າວັດເປັນ ຮູ້ຈັກທານຕອນນີ້ຂ້ອຍຫ່ວງແຕ່ເມຍຂ້ອຍ ຂ້ອຍພາວະນາໃຫ້ເມຍໄປກ່ອນຂ້ອຍເພາະບໍ່ຢາກເຫັນເມຍລຳບາກ

ສຳລັບຄົນທີ່ໄດ້ອ່ານເລື່ອງຂ້ອຍຈົນຈົບຫວັງວ່າຈະເປັນຄະຕິເຕືອນໃຈບໍ່ຫຼາຍກໍ່ໜ້ອຍບໍ່ມີຄຳວ່າຈົນສຳຫລັບຄົນດຸໝັ່ນເຮົາຢູ່ສູງສຸດກໍ່ລົງມາຢູ່ຕ່ຳສຸດໄດ້ເລື່ອງນີ້ສອນໃຈໄດ້ດີເຫລືອເກິນ ຖືວ່າເປັນການສອນໃຈສຳລັບຫລາຍໆຄົນທີ່ອວດອົ່ງທະນົງໂຕ ແລະ ລືມໂຕໃຊ່ເພື່ອເຕືອນໃຈຕັວເອງ.