ຮັກກັນໄດ້ກະບໍ່ແມ່ນວ່າຈະສົມຫວັງທຸກຄູ່ !! ສັນຍານໄປກັນບໍ່ລອດ

ຮັກກັນໄດ້ກະບໍ່ແມ່ນວ່າຈະສົມຫວັງທຸກຄູ່ !! ສັນຍານໄປກັນບໍ່ລອດ

ຮັກກັນໄດ້ກະບໍ່ແມ່ນວ່າຈະສົມຫວັງທຸກຄູ່ !! ສັນຍານໄປກັນບໍ່ລອດ

ຄູ່ທີ່ສົມຫວັງກະຖືວ່າໂຊກດີສຸດ.. ຄູ່ທີ່ຜິດຫວັງກໍ່ເດີນໜ້າລຸຍຕໍ່ໄປຈົນກວ່າຈະສົມຫວັງ. ແຕ່ກ່ອນຈະຜິດຫວັງຫຼາຍ ທາງແອັດມິນເອງຈຶ່ງຂໍເອົາສັນຍານການເຕືອນວ່າຄູ່ຮັກຂອງເຮົາຄືຈະໄປກັນບໍ່ລອດມາໃຫ້ອ່ານເພຶ່ອກຽມໂຕກັນ. ຕໍ່ໄປນີ້ຄື 10 ສັນຍານທີ່ບົ່ງບອກວ່າເຈົ້າ ກັບຄົນຮັກຂອງເຈົ້າຈະໄປກັນບໍ່ລອດ:

1. ເລີ່ມລົມກັນໜ້ອຍລົງ : ສັນຍານທຳອິດເລີຍ ຄືຈາກທີ່ລົມກັນຕະຫຼອດ,​ ແຊັດກັນຕະຫຼອດໃນຕອນທຳອິດ ຈົນເຖິງດຽວນີ້ເລິ່ມຈະບໍ່ມີຫຍັງເວົ້າ,​ ກິນເຂົ້າກິນນ້ຳກໍ່ມີແຕ່ກິນ, ເບິ່ງໜັງ ຟັງເພັງກໍ່ພາກັນງຽບ, ບໍ່ໄດ້ລົມກັນຫຼາຍຄືແຕ່ກ່ອນ. ກຽມໂຕໄວ້ເລີຍ, ເພາະມັນເລີ່ມເປັນອາການເລີ່ມຕົ້ນ.

2. ເລີ່ມເສີຍໆ ບໍ່ເວົ້າຫວານຄືແຕ່ກ່ອນລະ : ສະໃໝຈີບກັນໃໝ່ໆນີ້ ຢອດມຸກ, ຢອດຄຳເວົ້າຫວານໆໃສ່ກັນໃຫ້ຮູ້ສຶກຮັກ ແລະ ຫວັ່ນໃຫວ. ດຽວນີ້ບໍ່ຄ່ອຍມີເລີຍ,​ບາງຄັ້ງກໍ່ຖາມແບບເດີມໆ, ລົມກັນແບບເກົ່າ… ລະວັງໃຫ້ດີ.

3. ບໍ່ເວົ້າເລຶ່ອງວາງແຜນອະນາຄົດນຳກັນເລີຍ : ແບບຄົບກັນໄປເລື້ອຍໆ,​ ກິນເຂົ້າ,​ເບິ່ງໜັງ,​ໃຊ້ຄຳວ່າແຟນນຳກັນຢູ່ ແຕ່ກະເປັນແບບເກົ່າບໍ່ມີຫຍັງເພີ່ມຂື້ນ, ແລະ ບໍ່ເຄີຍເວົ້າເລຶ່ອງອະນາຄົດວ່າເຮົາຈະໄປກັນແນວໃດ,​ປະມານປີໃດແຕ່ງ, ຈະວາງແຜນແນວໃດ… ຄົບກັນໄປຕະຫຼອດແບບນີ້ດຽວກະເບື່ອກັນລະ

4. ໄຊ້ເວລາຢູ່ກັບໝູ່ ຫຼາຍກວ່າຢູ່ກັບແຟນ : ຄູ່ຮັກບາງຄົນ ເສີຍຊາຕໍ່ຄົນຮັກ,​ ໄປໃສກະມີແຕ່ໝູ່,​ໄປຫຼິ້ນນຳໝູ່, ໄປຫາໝູ່.. ແຕ່ກີ້ເຮົາກໍ່ເປັນຄົນທຳອິດທີ່ສຳຄັນ, ບາດແລ້ວຕອນນີ້ໄປນຳແຕ່ກັບໝູ່… ລະວັງໄປນຳໝູ່ຫຼາຍດຽວຈະລຶ້ງຢູ່ກັບໝູ່ເດີ້.

5. ເລີ່ມບໍ່ແຄຣ໌ ຄວາມຮູ້ສຶກອີກຝ່າຍ : ຫາກວ່າມາຮອດຂັ້ນທີ່ວ່າບໍ່ແຄຣ໌ ຄວາມຮູ້ສຶກກັນແລ້ວເຊັ່ນວ່າ: ເວລາເຮັດຫຍັງ,​ ຫຼື ເວົາຫຍັງ,​ ຫຼື ຜິດຫຍັງກັນ ກໍ່ບໍ່ເຄີຍຄິດ ແລະ ແຄຣ໌ ຄວາມຮູ້ສຶກອີກຝ່າຍເລີຍ,​ ອັນນີ້ໜ້າເປັນຫວ່ງ.

6. ມັກຜິດກັນຕະຫຼອດ : ຈາກທີ່ເຄີຍມີແຕ່ສິ່ງດີໆໃຫ້ກັນ, ກໍ່ເລີ່ມເອົາເລື່ອງເລັກເລຶ່ອງນ້ອຍມາເປັນເລຶ່ອງໃຫ່ຍ ແລ້ວກໍ່ຜິດກັນຕະຫຼອດ. ອາການນີ້ໜ້າເປັນຫວ່ງຫຼາຍ ເພາະເວລາຜິດກັນມັນໄດ້ເຮັດໃຫ້ຄວາມຮູ້ສຶກທີ່ມີຫຼຸດລົງ.

7. ຮູ້ສຶກວ່າທັງສອງຄົນຕ່າງກັນຫຼາຍເກີນໄປ : ຄືບາງຄູ່ເນາະ,​ ອາດຈະຄົບກັນສະໃໝຮຽນມີຫຍັງກໍ່ຄ້າຍໆຄືກັນ, ບາດແລ້ວພໍຈົບໄປ ແລ້ວເຮັດວຽກເຮັດງານ,​ ເຈິຫຼາຍໆຄົນ,​ ຫຼື ສັງຄົມພາໄປກໍ່ມີແນວເຮັດໃຫ້ຕ່າງໄປຈາກເກົ່າ. ຫຼືບາງຄູ່ກໍ່ແບບມີແນວແຕກຕ່າງກັນເຊັ່ນ: ຖານະ,​ຄອບຄົວ,​ການໄຊ້ເວລາ, ຄົນໜຶ່ງມັກໄປຫຼິ້ນ,​ອີກຄົນບໍ່ມັກໄປໃສ… ອັນນີ້ໃຫ້ລະວັງໄວ້.

8. ຢູ່ໄກກັນ : ອີກຝ່າຍໄປຮຽນຕ່າງແຂວງ, ຫຼື ຕ່າງປະເທດ,​ ຫຼື ຢູ່ຄົນລະບ່ອນ. ເມື່ອບໍ່ໄດ້ເຫັນໜ້າ,​ ບໍ່ໄດ້ໄປນຳກັນ, ກໍ່ເປັນຊ່ອງຫວ່າງເຮັດໃຫ້ຄວາມສຳພັນຈາງຫາຍໄດ້, ເຄີຍໄດ້ຍິນບໍ່ ? ຮັກແທ້ແພ້ໄກ້ຊິດ.. ທິດສະດີນີ້ເປັນຈິງມາແລ້ວ.

9. ຄວາມສະໝ່ຳສະເໝີເລີ່ມຈາງຫາຍໄປ ແລະ ບໍ່ມີເວລາໃຫ້ກັນ :ຈາກທີ່ວ່າໄດ້ໄປກິນເຂົ້ານຳກັນທິດລະ 2-3 ເທຶ່ອ, ໄປຫຼິ້ນແຖວນອກໆນຳກັນຕະຫຼອດ, ໄປນັ້ນໄປນີ້ນຳກັນຕະຫຼອດ,​ ໂທຫາຕະຫຼອດ,​ແຊັດຫາຕະຫຼອດ… ເລີ່ມງຽບໄປ,​ ດົນໆໂທ,​ດົນໆແຊັດ..ດຽວນີ້ງຽບໄປເລີຍ, ຍາມໃດກະບໍ່ມີເວລາ, ຍາມໃດກະຄາ… ກຽມໃຈໄວ້ແນ່ກະດີ

10. ອີກຝ່າຍມີຄົນໃໝ່ : ຖ້າຈັບໄດ້ວ່າເຂົາກຳລັງລົມອີກຄົນ, ກຳລັງມີອີກຄົນຢູ່. ອັນນີ້ເລຶ່ອງທຸກຢ່າງຕຽມຈົບໄວ້ເລີຍ. ແມ່ນຢູ່ວ່າເຂົາອາດຈະບອກວ່າບໍ່ມີຫຍັງ,​ ແຕ່ມັນເປັນສັນຍານຮ້າຍແຮງອັນໜຶ່ງ.ທີ່ເຮັດໃຫ້ບໍ່ເຊຶ່ອໝັ້ນກັນ, ເພາະຄົນເຄີຍເລີ່ມນອກໃຈ ມື້ໜຶ່ງກໍ່ອາດຈະນອກໃຈອີກກໍ່ເປັນໄດ້. ຕຽມທຳໃຈໄວ້ໄດ້ເລີຍ.

ສັນຍານ 10 ຂໍ້ຂ້າງເທິງນັ້ນອາດຈະເປັນການບົ່ງບອກວ່າຄວາມຮັກທີ່ເຮົາມີມັນກຳລັງຈະຈາງຫາຍໄປ ຫຼື ຈົບລົງ. ຍັງມີອີກຫຼາຍໆຂໍ້, ແຕ່ແອັດມິນຂໍສະຫຼຸບມາໃຫ້ 10 ຂໍ້. ເອົາມາໃຫ້ອ່ານເປັນຄວາມຮູ້, ເມື່ອເລີ່ມເປັນຂໍ້ໃດຂໍ້ໜຶ່ງຢ່າຖືເບົາ,​ເພາະມັນອາດເຮັດໃຫ້ຄວາມສຳພັນເຮົາເລິ່ມມີບັນຫາໄດ້,​ຄວນຫາວິທີທາງແກ້ຢ່າງເໝາະສົມ, ແລະ ທີ່ສຳຄັນຢ່າຫາທາງແກ້ທີ່ມັນຫຼາຍ ຈົນລົ້ນຈົນເກີນໄປ,​ເພາະມັນອາດຈະເຮັດໃຫ້ອີກຝາຍອຶດອັດ ແລະ ລຳຄານໄດ້.

 

ບັນເທີງ