ຂ່າວ

ອຸຕຸແຈ້ງ ! ອາກາດຈະຫນາວເຢັນແຕ່ເດືອນທັນວາ 2019 ຫາ ກຸມພາ 2020

ອຸຕຸແຈ້ງການ ! ອາກາດຈະຫນາວເຢັນແຕ່ເດືອນທັນວາ 2019 ຫາ ກຸມພາ 2020

ແຕ່ເດືອນທັນວາ 2019 ຫາ ກຸມພາ 2020 ອາກາດຈະໜາວຫຼາຍຢູ່ເຂດແຂວງພາກເໜືອ, ໄຊສົມບູນ, ເຂດພູພຽງບໍລະເວນ. ສະເພາະເດືອງມັງກອນ ອຸນຫະພູມຕໍ່າສຸດ 6-8 ອົງສາ. ສ່ວນພາກກາງ ແລະ ພາກໃຕ້ ອາກາດເຢັນ ອຸນຫະພູມຕໍ່າສຸດ 14-16 ອົງສາ.

 

ໃນວັນທີ 4 ທັນວາ 2019 ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດປະຈໍາ 3 ເດືອນ ແຕ່ເດືອນທັນວາ 2019 ຫາ ກຸມພາ 2020 ວ່າ:

ສະພາບອາກາດເດືອນທັນວາ 2019 ໃນໄລຍະຕົ້ນເດືອນ, ບໍລິເວນຄວາມກົດດັນສູງຂອງກາດໜາວເຢັນທີ່ມີກຳລັງແຮງຈາກປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບລົມມໍລະສຸາຕາເວັນອອກສ່ຽງເໜືອພັດປົກຄຸ້ມ ພ້ອມດຽວກັນນັ້ນ

ພາຍຸໜູນເຂດຮ້ອນຈະເຄື່ອນທີ່ພັດຜ່ານເຂດທະເລຈີນໃຕ້ຕອນກາງ ເຊິ່ງຈະເຮັດໃຫ້ອາກາດໜາວເຢັນຫຼາຍຢູ່ບັນດາແຂວງພາກເໜືອ ຫາ ພາກກາງ, ສ່ວນພາກໃຕ້ອາກາດໜາວເຢັນພ້ອມມີຝົນຕົກໃນລະດັບຄ່ອຍ ແລະ ມີລົມພັດແຮງ. ໄລຍະກາງເດືອນ ອາກາດຍັງໜາວເຢັນຫຼາຍຢູ່ແຂວງພາກເໜືອ, ໄຊສົມບູນ ແລະ ເຂດພູພຽງບໍລະເວນ ແລະ ພາກໃຕ້ອາກາດເຢັນ ແລະ ຍັງຈະມີຝົນຕົກໃນລະດັບຄ່ອຍ.

ເດືອນມັງກອນ 2020: ໃນໄລຍະຕົ້ນເດືອນອາກາດຍັງຈະໜາວຫຼາຍຢູ່ເຂດແຂວງພາກເໜືອ, ແຂວງໄຊສົມບູນແລະ ເຂດພູພຽງບໍລະເວນ ພ້ອມມີໝອກໜາປົກຫຸ້ມໃນຕອນເຊົ້າ. ອຸນຫະພູມຕໍ່່າສຸດ 6-8 ອົງສາ. ສ່ວນແຂວງພາກກາງ ແລະ ພາກໃຕ້ອາກາດເຢັນ ພ້ອມມີໝອກບາງປົກຫຸ້ມຢູ່ທ່ົວໄປ ອຸນຫະພູມຕໍ່າສຸດ 14-16 ອົງສາ. ໄລຍະກາງເດືອນ ຫາ ທ້າຍເດືອນ ອາກາດຍັງໜາວເຢັນໃນແຂວງພາກເໜືອ, ໄຊສົມບູນ ແລະ ເຂດພູພຽງບໍລະເວນ, ສ່ວນພາກກາງ ອາກາດເຢັນພ້ອມມີໝອກບາງປົກຫຸ້ມຢູ່ທົ່ວໄປ, ສຳລັບພາກໃຕ້ອາກາດເຢັນໃນຕອນເຊົ້າແລະ ຮ້ອນໃນຕອນບ່າຍ.

ເດືອນກຸມພາ: ໄລຍະຕົ້ນເດືອນອາກາດໜາວເຢັນ ຫາ ໜາວເຢັນຫຼາຍຢູ່ໃນບັນດາແຂວງພາກເໜືອ ພ້ອມມີຝົນຕົກໃນລະດັບຄ່ອຍຢູ່ບາງທ້ອງຖິ່ນ, ພາກກາງ ແລະ ພາກໃຕ້ ອາກາດເຢັນໃນຕອນເຊົ້າ. ໄລຍະກາງ ຫາ ທ້າຍເດືອນອາກາດຍັງຈະໜາວໃນແຂວງພາກເໜືອ ພ້ອມມີໝອກໜາປົກຫຸ້ມໃນຕອນເຊົ້າ, ສ່ວນພາກກາງ ແລະພາກໃຕ້ ອາດກາດຮ້ອນພ້ອມມີໝອກບາງປົກຫຸ້ມໃນຕອນເຊົ້າ.

.

Cr : ກົມອຸຕຸນິຍົມ ແລະອຸທົກກະສາດ