ສາລະໜ້າຮູ້

ອັນຕະລາຍແທ້ໆ !! 5 ຜົນເສຍຕໍ່ຮ່າງກາຍຂອງເດັກນ້ອຍ ຫຼີ້ນມືຖື ກ່ອນໄວອັນຄວນ

ປັດຈຸບັນ ສັງຄົມໂລກອອນລາຍ ຖືວ່າ ສ່ວນໜື່ງຂອງໃຜຫຼາຍໆຄົນ ແລະ ໃນນັ້ນ ພໍ່ແມ່ບາງຄົນຕາມໃຈລູກ ໃຫ້ລູກເສບຕິດມືຖືຈົນເກີນໄປ ດັ່ງມາເບີ່ງຕໍ່ໄປນີ້ :

1.ຮ່າງກາຍບໍ່ພັດທະນາຕາມໄວ : ຖ້າລູກຕິດແທັບເລັດລູກຈະນັ່ງເບິ່ງນິ່ງໆໃນທ່າເດີມບໍ່ຮູ້ຈັກເມື່ອຍ ຫລື ຍ້າຍໄປເຮັດກິດຈະກຳອື່ນໆເລີຍ ເຊີ່ງເດັກໄວ 1-5 ປີ. ເປັນໄວທີ່ຕ້ອງຢູ່ບໍ່ນິ່ງ ແຂນຂາຈະຂະຢັບສຳຫຼວດໂລກຕະຫລອດເວລາແຕ່ຖ້າຕ້ອງມານັ່ງເບິ່ງແທັບເລັດ ຈະມີບັນຫາເລື່ອງການຈະເລີນເຕີບໂຕຂອງຮ່າງກາຍແນ່ນອນ ເຊັ່ນ ຮ່າງກາຍບໍ່ແຂງແຮງ ເຄື່ອນໄຫວບໍ່ຄ່ອງແຄ່ວ ເໝື່ອຍງ່າຍ ປ່ວຍຕະຫຼອດເປັນຕົ້ນ ດັ່ງນັ້ນບໍ່ຄວນໃຫ້ລູກນັ່ງໜ້າເບີ່ງຈໍ,ເບິ່ງທີວີ ຫລື ແທັບເລັດຄວນພາລູກເຮັດກິດຈະກຳອື່ນໆຈະດີກວ່າ.

2.ຄວບຄຸມອາລົມບໍ່ໄດ້ ຫງຸດຫງິດງ່າຍ : ເດັກທີ່ຕິດທີວີ ຫລື ແທັບເລັດຈະມີອາການລໍຖ້າບໍ່ໄດ້, ທົນບໍ່ໄຫວ, ໃຈຮ້ອນ, ຄວບຄຸມຕົວເອງບໍ່ຢູ່ຫຸນຫັນພັນແລ່ນ ເປັນເດັກຂີ້ຫງຸດຫງິດ ເພາະໜ້າຈໍທີ່ລູກເບິ່ງເລື່ອຍໆເຄື່ອນໄຫວວ່ອງໄວ ເປັນດັ່ງໃຈຕາມທີ່ລູກຕ້ອງການ ຈຶ່ງເຮັດໃຫ້ລູກເປັນເດັກບໍ່ມີຄວາມອົດທົນ ລໍຄອຍຖ້າບໍ່ເປັນນັ້ນເອງ.

3.ເຂົ້າສັງຄົມປົກກະຕິໄດ້ຍາກ : ຖ້າລູກຕິດອິນເຕີເນັດຫລາຍໆຈະເຮັດໃຫ້ເຂົ້າສັງຄົມບໍ່ໄດ້ ເພາະບໍ່ຄ່ອຍໄດ້ພົບເພື່ອນບ້ານ ບໍ່ມີເພື່ອນໃນຫມູ່ບ້ານ ເຮັດໃຫ້ຂາດການປັບຕົວເມື່ອຕ້ອງເຂົ້າສູ່ສັງຄົມ ປັບຕົວເຂົ້າຫາຜູ້ໃຫຍ່ບໍ່ເປັນ ການໃຊ້ຊີວິດພື້ນຖານໃນການຢູ່ໃນສັງຄົມກໍຈະຮ້າຍກວ່າເກົ່າ ແລະຢູ່ກັບຄົນອື່ນບໍ່ໄດ້ໃນທີ່ສຸດ.

4.ອາດເຮັດໃຫ້ເປັນເດັກຕຸ້ຍ : ເດັກທີ່ຕິດທີວີຫລືແທັບເລັດມັກຈະຕຸ່ຍເກີນໄປ ເວລາຈະກີນເຂົ້າກໍ່ຈະນັ່ງເບິ່ງແທັບເລັດຫລືທີວີໄປນຳ ຈຶ່ງເຮັດໃຫ້ການກີນອາຫານເພີດເພີນກີນໄປໄດ້ເລື່ອຍໆ ມີພໍ່ແມ່ຄອຍຖ້າປ້ອນໃຫ້ກິນ ຫລື ເດັກບາງຄົນກໍ່ບໍ່ຍອມນັ່ງກີນເຂົ້າດີໆ ຈະກີນແຕ່ຂະໜົມທີ່ກີນໄດ້ງ່າຍໆບໍ່ເສຍເວລາໃນການເບີ່ງ ສິ່ງເຫລົ້ານີ້ຈຶ່ງເຮັດໃຫ້ເດັກຕຸ່ຍເກີນໄປນັ້ນເອງ.

5.ຂາດສະມາທິ : ເດັກຈະບໍ່ມີໃຈຈົດຈໍ່ກັບກິດຈະກຳຫຍັງເລີຍ ທີ່ຕ້ອງໃຊ້ສະມາທິຫລືສະຫມອງໃນການແກ້ບັນຫາ ເພາະເຄີຍເຈີແຕ່ໜ້າຈໍທີ່ສະແດງສີສັນສົດໃສ ເຄື່ອນໄຫວໄດ້ວ່ອງໄວທັນໃຈ ຖ້າຕ້ອງເຮັດກິດຈະກຳທີ່ຕ້ອງໃຊ້ເວລາຄິດເດັກຈະເປັນຫຍັງໄດ້ ແລະຈະຫງຸດຫງິດງ່າຍອີກດ້ວຍ.

ອ່ານແລ້ວ ທ່ານສາມາດແບ່ງປັນໃຫ້ຄົນອື່ນໆໄດ້ຮູ້ນຳໄດ້ ດ້ວຍການກົດແຊຣ໌ບົດຄວາມນີ້ອອກໄປຂໍຂອບໃຈ.