ຄວາມເຊື່ອ

ສີກະເປົ໋າເງິນ ຕາມວັນເກິດ ເສີມດວງ ດູດເງິນດູດຄຳ ເຂົ້າກະເປົ໋າໃຫ້ເຮງໆ ລວຍໆ

ສີກະເປົ໋າເງິນ ຕາມວັນເກິດ ເສີມດວງ ດູດເງິນດູດຄຳ ເຂົ້າກະເປົ໋າໃຫ້ເຮງໆ ລວຍໆ

+ ກະເປົ໋າເງິນສຳຫຼັບຄົນທີ່ເກິດວັນອາທິດ:  ແມ່ນສີເຂັ້ມໆ ເຊັ່ນ: ສີດຳ ສີມ່ວງ ສີຂຽວ ກໍ່ໄດ້ ເພາະຈະເຮັດໃຫ້ທ່ານມີລາຍໄດ້ເຂົ້າມາຫາຫຼາຍທາງ ທັງຈາກໜ້າທີ່ການງານ ຫຼື ລາຍໄດ້ພິເສດ ແລະ ຄວນຫຼິກລ່ຽງ ກະເປົ໋າ ສີແດງ, ສີຟ້າ, ສີນຳ້ເງິນ ແລະ ສີນຳ້ຕານ ເພາະຈະເຮັດໃຫ້ເສຍສັບສີນເພື່ອສັງຄົມ ໂດຍທີ່ບໍ່ຈຳເປັນເຊັ່ນ: ງານປາຕີ້, ງານສ້າງສັນອື່ນໆ ເປັນຕົ້ນ.

+ ກະເປົ໋າເງິນສຳຫຼັບຄົນທີ່ເກິດວັນຈັນ: ແມ່ນສີຂາວ, ສີເງິນ ແລະ ສີຄີມ ເພາະຈະຊ່ວຍໃຫ້ການເງິນຄ່ອງໂຕ ບໍ່ຕິດຂັດ ແລະ ເສີມສະເໜ່ນຳດ້ວຍ ແລະ ກະເປົ໋າທີ່ຄວນຫຼີກລ່ຽງແມ່ນສີ ແດງ ສີຊົມພູ ເພາະຈະສົ່ງຜົນໃຫ້ການເຈລະຈາທຸລະກິດມີອຸປະສັກ ແລະ ຫຼຸດສະເໜ່ໃນໂຕທ່ານໄດ້.

+ ກະເປົ໋າເງິນສຳຫຼັບຄົນທີ່ເກິດວັນອັງຄານ: ແມ່ນສີຟ້າ, ສີນຳ້ເງິນ, ສີເທົາ, ສີນຳ້ຕານ, ສີທອງ ເພາະຈະຊ່ວຍໃຫ້ຜູ້ໃຫຍ່ເມດຕາອຸປະທຳ ແລະສາມາດເປີດໂຄງການທຸລະກິດໃຫມ່ໆ ແລະ ໃຫຍ່ໆໄດ້ໂດຍສະເພາະທຸລະກິດກ່ຽວກັບອະສັງລິມະຊັບຈະຍິ່ງເຮັດໃຫ້ເດັ່ນຂື້ນເລີຍລ່ະ ຄວນຫຼີກລ່ຽງສີດຳ ສີມ່ວງ ສີຄີມ ແລະ ສີຂາວ ເພາະຈະເຮັດໃຫ້ເກິດອຸປະສັກໄດ້ໃນເລື່ອງການເງິນ ການງານ ແລະ ຄວາມຮັກໄດ້.

+ ກະເປົ໋າເງິນສຳຫຼັບຄົນທີ່ເກິດວັນພຸດ: ແມ່ນສີທອງ, ສີຄີມ, ສີຂາວ, ສີຟ້າ ແລະ ສີນຳ້ເງິນ ເພາະຈະຊ່ວຍໃຫ້ທຸກໆ ຢ່າງລາບລື່ນ ແລະ ມີໂຊກໃນເລື່ອງການເງິນຢ່າງຕໍ່ເນື່ອງ ແລະ ຄວນຫຼີກລ່ຽງ ສີນຳ້ຕານ ສີເທົາ ເພາະຈະເຮັດໃຫ້ເກີດສັດຕູ ແລະ ອາດຖືກແທງຂ້າງຫຼັງໄດ້.

+ ກະເປົ໋າເງິນສຳຫຼັບຄົນທີ່ເກິດວັນພະຫັດ: ແມ່ນສີແດງ ສີຊົມພູ ສີຂຽວ ສີຟ້າ ແລະ ສີນຳ້ເງິນ ເພາະຈະຊ່ວຍໃນເລື່ອງການເງິນ ໂຊກລາບ ແລະ ເສີມສ້າງອຳນາດບາລະມີໃຫ້ທ່ານໄດ້ ແລ້ ຄວນຫຼີກລ່ຽງສີຂາວ ສີຄີມ  ເພາະຈະເຮັດໃຫ້ຂາດຄົນຊ່ວຍເຫຼືອ ຕ້ອງເຮັດຫຍັງໄດ້ດ້ວຍໂຕທ່ານເອງຢ່າງອິດເມື່ອຍໄດ້.

+ ກະເປົ໋າເງິນສຳຫຼັບຄົນທີ່ເກິດວັນສຸກ: ສຳຫຼັບຄົນທີ່ເກີດວັນສຸກນີ້ຈັດໄດ້ວ່າເປັນບຸກຄົນທີ່ໂຊກດີຫຼາຍເລີຍ ເພາະສາມາດໃຊ້ກະເປົ໋າສີໃດກໍ່ໄດ້ທຸກສີເລີຍ ແຕ່ຖ້າຢາກຈະເສີມດວງໃຫ້ໂຊກຊະຕາເດັ່ນຂື້ນ ໃຫ້ໃຊ້ສີຊົມພູ ສີສົ້ມ ແລະ ນຳ້ຕານ ຈະຊ່ວຍສົ່ງເສີມໃນເລື່ອງຂອງຄວມາມີສະເໜ່ຫາເມດຕາ ການເງິນໝັ່ນຄົງ ແລະ ຄ່ອງໂຕ ສີທີ່ຄວນຫຼີກລ່ຽງແມ່ນສີເທົາ ເພາະຈະເຮັດໃຫ້ມີອຸປະສັກ ແລະ ເກີດທຸກໄດ້.

+ ກະເປົ໋າເງິນສຳຫຼັບຄົນທີ່ເກິດວັນເສົາ: ແມ່ນສີເທົາ ສີແດງ ແລະ ສີເງິນ ແລະ ພະຍາຍາມຫຼີກລ່ຽງກະເປົ໋າ ສີຟ້າ ສີຊົມພູ ເພາະຈະເຮັດໃຫ້ເກີດການປ່ຽນແປງ ຫຼື ຜັນຜວນໃນເລື່ອງຂອງການເງິນ ແລະ ຄວາມຮັກໄດ້.