ບັນເທີງ

ສະເໜ່ຍີງ 6 ຢ່າງນີ້ ທີ່ມັດໃຈຜູ້ຊາຍໃຫ້ຢູ່ໝັດ ສາວໆລອງນຳໄປໃຊ້ເບິ່ງ

ສະເໜ່ຍີງ 6 ຢ່າງນີ້ ທີ່ມັດໃຈຜູ້ຊາຍໃຫ້ຢູ່ໝັດ ສາວໆລອງນຳໄປໃຊ້ເບິ່ງ

ເຊື່ອວ່າສາວໆທຸກຄົນຄົງຢາກໃຫ້ຄວາມຮັກຂອງເຂົາຢູ່ກັບເຮົາໄປດົນໆ ບໍ່ຢາກມີໃຜຢາກເສຍໃຈແມ່ບໍ່? ຖ້າບໍ່ຢາກໃຫ້ຄວາມຮັກຈືດຈາງໄປຢ່າງໄວວາ ເຮົາຈຳເປັນຕ້ອງໃສ່ມາຍາຮ້ອຍເຫຼັ້ມກວຽນຂອງຜູ້ຍິງອອກມາໃຊ້ ເພື່ອຮັກສາຄວາມຮັກຂອງເຮົາໃຫ້ຄົງຢູ່ໄປດົນໆ ເຊື່ອບໍ່ວ່າຜູ້ຍິງທຸກຄົນເຮັດໄດ້ແນ່ນອນ ແຕ່ມື້ນີ້ເຮົາຈະເອົາອອກມາໃຊ້ 6 ເທັກນິກເທົ່ານັ້ນ ມາເບິ່ງກັນວ່າມີຫຍັງແນ່.

1. ເວົ້າຈາອ່ອນຫວານເຂົ້າໄວ້ : ບໍ່ວ່າທັງຜູ້ຍິງ ແລະຜູ້ຊາຍ ທຸກຄົນມັກຄົນເວົ້າມ່ວນໆກັນທັງນັ້ນແຫຼະ ບໍ່ມີໃຜມັກຄົນເວົ້າຈາຫຍາບຄາຍດອກ ໂດຍສະເພາະຄົນນັ້ນເປັນຄົນທີ່ສຳຄັນເຮົາກໍ່ຄວນເວົ້າມ່ວນ ອ່ອນຫວານ ຄວນມີແນ່ເວລາລົມກັບແຟນ ເຮົາຈະໄດ້ເບິ່ງຄືນ່າຮັກ ນ່າທະນຸທະໜອມ.

2.ເຮັດໂຕຂີ້ອ້ອນ ແຕ່ບໍ່ແມ່ນເຮັດໂຕຂີ້ງອນ : ຜູ້ຍິງຂີ້ອ້ອນເວລາອ້ອນແຟນຈະເບິ່ງຄືນ່າຮັກ ພຽງແຕ່ເຮົາເຮັດໂຕໃຫ້ນ່າຮັກ ຕະມຸຕະມິ ອ້ອນນ້ອມໆເວລາຢູ່ກັນ 2 ຄົນ ໜຸ່ມໆທຸກຄົນແພ້ສາວຂີ້ອ້ອນຮູ້ບໍ່? ແຕ່ຢ່າຂີ້ງອນເດັດຂາດ ເພາະຈະເຮັດໃຫ້ເຂົາເບື່ອເຮົາງ່າຍ.

3. ມີມຸມໂຣແມນຕິກແນ່ : ບໍ່ແມ່ນແຕ່ຜູ້ຊາຍເທົ່ານັ້ນທີ່ຈະຕ້ອງໂຣແມນຕິກຢູ່ຝ່າຍດຽວ ເຮົາກໍ່ຄວນໂຣແມນຕິກກັບໜຸ່ມຄົນຂ້າງໆ ໃຫ້ຊຸ່ມຊື່ນຫົວໃຈ ເຊັ່ນຈັບມືຂ້າງໜຶ່ງຕອນຂັບລົດ ແອບຈຸບເບົາໆຕອນເຂົາເຜີ ພຽງເຮັດໂຕນ່າຮັກໆ ຮັບຮອງວ່າຜູ້ຊາຍຄົນຂ້າງໆຈະຕ້ອງຫຼົງເຮົາຢ່າງແນ່ນອນ.

4. ຂໍໂທດເຂົາກ່ອນ : ຖ້າຢາກຈະຮັກສາຄວາມຮັກໃຫ້ດົນໆ ເຮົາຈະຕ້ອງຮຽນເວົ້າຄຳວ່າ “ຂໍໂທດ” ກ່ອນແນ່ກໍ່ດີ ຢ່າຄິດຖ້າໃຫ້ຜູ້ຊາຍງໍ້ຢູ່ຝ່າຍດຽວ ເພາະນັ້ນຈະເຮັດໃຫ້ເຂົາເບື່ອເຮົາງ່າຍໆ ເວລາງອນກັນກໍ່ໃຫ້ຄິດເຖິງສິ່ງທີ່ດີໆທີ່ເຄີຍເຮັດຮ່ວມກັນ ແລ້ວເຮົາຈະຫາຍງອນໄປເອງ ແລ້ວຢ່າລືມໄປງໍ້ເຂົາກ່ອນແນ່ກໍ້ດີ ເຂົາຈະໄດ້ຮູ້ສືກວ່າເຂົາຄືຄົນສຳຄັນ.

5. ບາງຄັ້ງເຮັດໂຕເປັນຜູ້ໃຫ່ຍກວ່າແນ່ກໍ່ດີ : ຜູ້ຊາຍບາງຄົນກໍ່ເຮັດໂຕຄືເດັກນ້ອຍເວລາຢູ່ກັບແຟນ ດັ່ງນັ້ນກໍ່ຄວນເຮັດໂຕເປັນຜູ້ໃຫຍ່ກວ່າເຂົາເບິ່ງແດ່ ບໍ່ແມ່ນເຮັດໂຕເປັນປ້າແກ່ໆ ມັກຈົ່ມ ແຕ່ເປັນຜູ້ໃຫຍ່ທີ່ຮັບຟັງໃຫ້ຄຳປືກສາ ດູແລໃຫ້ກຳລັງໃຈເຂົາເວລາມີບັນຫາ ຫຼື ຈຸບໜ້າຜາກເຂົາແບບເບົາໆ ເວລາຢູ່ນຳກັນ ແຕ່ນີ້ຮັບຮອງວ່າຜູ້ຊາຍເຮົາຈະທັງຮັກທັງຫຼົງເລີຍແຫຼະ.

6. ບອກຮັກກັນທຸກມື້ : ບອກຮັບກັນທຸກມື້ ກອດກັນທຸກມື້ ຫອມກັນທຸກມື້ ເຊື່ອບໍ່ວ່າສິ່ງ ນ້ອຍໆ ເຫຼົ່ານີ້ ມີສຳຄັນຫຼາຍໆຕໍ່ຄວາມຮັກເລີຍລະ ເພາະມັນຈະເຮັດໃຫ້ເກີດຄວາມຜູກພັນແລະຮັກກັນຫຼາຍ ຖ້າບໍ່ເຊື່ອລອງເຮັດລອງເບິ່ງ ແລ້ວຄວາມຮັກຂອງເຈົ້າຈະຫວານ ໂຣແມນຕິກ ໃນທຸກໆວັນເລີຍແຫຼະ.