ວິທີລືມແຟນເກົ່າງ່າຍໆໃຫ້ໄວຂື້ນດ້ວຍ 12 ວິທີດັ່ງຕໍ່ໄປນີ້ 

 ວິທີລືມແຟນເກົ່າງ່າຍໆໃຫ້ໄວຂື້ນດ້ວຍ 12 ວິທີດັ່ງຕໍ່ໄປນີ້ 

ວິທີລືມແຟນເກົ່າງ່າຍໆໃຫ້ໄວຂື້ນດ້ວຍ 12 ວິທີດັ່ງຕໍ່ໄປນີ້

ສືບຕໍ່ຈາກບົດຄວາມທີ່ແລ້ວ, ແລະ ເປັນຄຳຖາມທີ່ຫຼາຍຄົນສົ່ງເຂົ້າມາຖາມ, ມື້ນີ້ເລີຍເອົາໃຈຄົນອົກຫັກແນ່ຈັກບາດ. 12 ວິທີນີ້ເປັນວິທີທີ່ຈະຊ່ວຍໃຫ້ເຈົ້າລືມແຟນເກົ່າທີ່ເຄີຍຖີ້ມເຈົ້າ, ແຕ່ຖ້າເຈົ້າເປັນຝ່າຍຖີ້ມເຂົາ, ຈະເປັນອີກກໍລະນີອື່ນ. ເຮົາມາເບິ່ງນຳກັນວ່າມີຫຍັງແນ່ທີເຮົາຄວນລອງເຮັດ ເພື່ອຈະໄດ້ລືມໃຫ້ໄວຂື້ນກວ່າເກົ່າ.

1. ລຶບເບີໂທອອກຈາກເບີໂທລະສັບ, ອອກຈາກແອັບຕ່າງໆ.
ເປັນຂັ້ນທຳອິດທີ່ຄວນເຮັດ, ມີເບີໄວ້ ຫຼື ເປັນໝູ່ກັນຢູ່ແອັບຕ່າງໆຈະເຮັດໃຫ້ເຮົາທຽວເຂົ້າໄປເບິ່ງຮູບ, ເບິ່ງກະເຈົ້າອອນລາຍສ໌ ຫຼື ເຮັດໃຫ້ເຮົາຢາກໂທຫາ, ສະນັ້ນຄວນລຶບອອກໃຫ້ໝົດ.

2. ຖີ້ມສິ່ງຂອງຕ່າງໆທີ່ເຂົາເຄີຍຊື້ໃຫ້, ເອົາອອກໃຫ້ໝົດ.
ເພາະຖ້າຍັງເກັບໄວ້ເວລາໄປເຫັນແລ້ວຈະເຮັດໃຫ້ເຮົາຄິດເຫັນຕອນທີ່ເຂົາຊື້ໃຫ້ເຮົາ, ສະນັ້ນຄວນຖິ້ມ ຫຼື ໃຫ້ຄົນອື່ນໄປ. ຖ້າເສຍດາຍກະເກັບໃສ່ເປົາຍັດໄວ້ແຈໃດແຈໜຶ່ງຂອງເຮືອນ.

3. ເຊົາຕິດຕໍ່, ບໍ່ເຈິໜ້າ, ເຊົາລົມ. ເມື່ອເຮົາລຶບເບີຖີ້ມ, ເຂົາກໍ່ອາດຈະຍັງໂທມາຫາເຮົາໄດ້, ສະນັ້ນເຫັນເບີໂທກໍ່ບໍ່ຄວນຮັບ, ຫຼື ເປັນໝູ່ກັນຢູ່ ເຟສບຸກ ຫຼື ອື່ນໆກໍ່ຄວນເຊົາລົມ, ບ໋ອກໄວ້ກໍ່ເປັນການດີ, ມື້ໃດທຳໃຈໄດ້ແລ້ວຄ່ອຍພິຈາລະນາໃໝ່.

4. ເຮັດໂຕເອງໃຫ້ຫຍຸ້ງ, ຫາເຮັດນັ້ນເຮັດນີ້ ຢ່າປ່ອຍໂຕເອງຫວ່າງ. ເຄີຍໄດ້ຍິນບໍ່ວ່າ ຢູ່ຄົນດຽວໃຫ້ລະວັງແນວຄິດ … ອັນນີ້ແຫຼະ ອັນຕະລາຍ, ເວລາຢູ່ຄົນດຽວມັກເຮັດໃຫ້ຄິດເລື່ອງນັ້ນເລື່ອງນີ້ຕະຫຼອດເວລາ, ຈັກໜ່ອຍກໍ່ໄປຄິດເຫັນເລື່ອງອະດີດທີ່ຜ່ານມາອີກ, ສະນັ້ນ ຫາເຮັດນັ້ນເຮັດນີ້ ເພື່ອໃຫ້ໂຕເອງລືມ ແລະ ບໍ່ມີເວລາມາຄິດເລື່ອງແນວນີ້.

5. ໃສ່ໃຈເບິ່ງແຍງໂຕເອງໃຫ້ດູດີຂື້ນ, ທີ່ຜ່ານມາກໍ່ໃຫ້ມັນຜ່ານໄປ.ແຕ່ກີ້ອົດທົນອຶດຫຼັບອຶດນອນລົມກັບແຟນເດິກ, ຈົນບໍ່ມີເວລາໃສ່ໃຈເບິ່ງແຍງໂຕເອງ ແລ້ວຈັ່ງໃດລະ? ຖືກຖີ້ມຢູ່ດີ, ຊວ່ງນີ້ບໍ່ໄດ້ລົມກັບໃຜລະ ເວລາຫວ່າງກໍ່ຫຼາຍ, ເຫັນມາເບິ່ງແຍງໂຕເອງໃຫ້ດູດີ ດີກວ່າຈະມານອນໃຫ້ຟູມຟາຍວ່າເຂົາຖີ້ມ, ແລ້ວໄດ້ຫຍັງລະ? ເຂົາຊິກັບມາຊັ້ນຫວາ? ບໍ່ມີທາງ ເສຍໃຈໄປກໍ່ຍິ່ງທຳຮ້າຍໂຕເອງ, ສະນັ້ນ, ຫັນມາເບິ່ງແຍງໂຕເອງ, ດູດີຂື້ນແລ້ວຄົນທີ່ມັນຖິ້ມເຮົາກໍ່ຈະເສຍດາຍທີ່ຖິ້ມເຮົາໄປ.. ສະໃຈບໍ່ລະ ?

6. ລອງເປີດໃຈຮັບຄົນທີ່ເຂົ້າມາຈີບເບິ່ງ ອາດຈະຊ່ວຍໃຫ້ລືມງ່າຍຂື້ນ. ວິທີນີ້ ເປັນຄືມີດສອງຄົມ, ຖ້າຈະລົມຄວນໃຊ້ຄວາມຈິງໃຈເຂົ້າລົມ, ເພາະວ່າ ຖ້າຈະລົມຄົນອື່ນໄວ້ເພື່ອແກ້ເຫງົາ ຈົ່ງຢ່າເຮັດເດັດຂາດ, ຄວນຄຳນຶງເຖິງຈິດໃຈຄົນອື່ນນຳ, ສະນັ້ນ, ຄວນລົມແບບຈິງຈັງແລະເບິ່ງໃຈໄປເລີຍ, ບາງທີ ອາດຈະເປັນຄົນທີ່ແມ່ນສຳລັບເຮົາກໍ່ເປັນໄດ້.

7. ຫາຄົນລະບາຍ.ມີໝູ່ສະໜິດ, ຫຼື ຄົນທີ່ໄວ້ໃຈໄດ້ ຈັກຄົນ, ແລ້ວລະບາຍສິ່ງທີ່ອຶດອັ້ນຕັນໃຈອອກມາຈົນໝົດ ຈະເຮັດໃຫ້ເຮົາດີຂື້ນ. ຂໍ້ນີ້ ຖ້າໃຜທີ່ບໍ່ມີໃຜຮັບຟັງກໍ່ສາມາດສົ່ງມາຫາເພສເຮົາໄດ້, ແອັດມິນເອງຍອມໃຫ້ເປັນທີ່ລະບາຍໄດ້ເຕັມທີ່.

8. ຢ່າຟັງເພງເສົ້າ, ເພງອົກຫັກ.ໄລຍະນີ້ຢ່າຟ້າວຟັງເພງພວກນີ້ເທື່ອ, ຖ້າຈະຟັງແນະນຳຟັງເພງໄວໆ ຫຼື ເພັງທີ່ໃຫ້ກຳລັງໃຈຈະດີກວ່າ.

9. ໄປຫຼີ້ນກັບໝູ່, ຕາກລົມຊົມວິວ. ຢ່າໄປສົນເຫຼົ້າເບຍ, ຫຼືສິ່ງມຶນເມົາ ມັນບໍ່ດີດອກ, ມັນເປັນການລືມຊົ່ວຄາວຊື່ໆ, ການທີ່ອອກໄປຫຼີ້ນກັບໝູ່,ໄປຕ່າງແຂວງ, ຕ່າງປະເທດ, ຕາກລົມຊົມວິວ, ມັນຈະເຮັດໃຫ້ສະພາບຈິດໃຈດີຂື້ນ.

10. ຢ່າຄິດວ່າໂຕເອງອົກຫັກ. ບໍ່ຕ້ອງໄປຄິດວ່າໂຕເອງກຳລັງອົກຫັກຢູ່, ແລະ ບໍ່ຕ້ອງໄປເສຍດາຍເວລາທີ່ຜ່ານມາ, ໃຫ້ຄິດສາວ່າມັນເປັນໂອກາດທີ່ດີແລ້ວ ທີ່ຈະໄດ້ສຶກສາຄົນໃໝ່ໆ, ອອກຈາກສິ່ງເກົ່າໆທີ່ເຮັດໃຫ້ເຮົາຈັບນັ້ນໄດ້ກໍ່ດີສຸດໆແລ້ວ.

11. ຂຽນລະບາຍມັນອອກມາ. ໂພສອີຫຍັງທີ່ຢາກລະບາຍ, ຂຽນມັນລົງໄປໂລດ, ມັນເປັນການລະບາຍເອົາຄວາມຄຽດອອກຈາກສະໝອງ ມັນຈະເຮັດໃຫ້ເຮົາດີຂື້ນ.

12. ໃຫ້ເວລາກັບຄອບຄົວ ກັບຄົນທີ່ອ້ອມຂ້າງເຮົາ. ສະໃໝມີແຟນ ເຄີຍໃສ່ໃຈ ແລະ ສົນໃຈຄົນໃນຄອບຄົວຫຼາຍບໍ່ລະ ? ໄປໃສກະອອກໄປກັບແຟນ, ພໍ່ແມ່ ຫຼື ຄົນອື່ນໆຈະກິນຫຍັງຈະເຮັດຫຍັງກໍ່ບໍ່ຮູ້.. ບາດນີ້ເຮົາມີເວລາກໍ່ຫາຫຍັງເຮັດກັບຄົນອອ້ມຂ້າງ, ເຮັດກິດຈະກຳ, ໄປຫຼີ້ນນຳກັນ, ໄປເຮັດບຸນນຳກັນ, ມັນຈະຍິ່ງເຮັດໃຫ້ເຮົາມີຄວາມສຸກ ສະບາຍໃຈຫຼາຍຂື້ນ.

ທັງໝົດ 12 ຂໍ້ນີ້ເປັນຄຳແນະນຳທີ່ແອັດມິນລວມມາຈາກໂຕເອງທີ່ເຄີຍຜ່ານມາຈາກຊີວິດຈິງ, ແລະ ຈາກຕຳລາບ່ອນອື່ນໆ. ມັນອາດຈະຊວ່ຍໃຫ້ຄົນທີ່ກຳລັງອົກຫັກ ໄດ້ລືມ ແລະ ທຳໃຈໄດ້ໄວຂື້ນ.

ແຕ່ທັງໝົດທັງມວນ, ຂອງການທຳໃຈສິ່ງສຳຄັນຄື “ເວລາ” ຕ້ອງໄຊ້ເວລາເຂົ້າຊວ່ຍ, ອາດຈະໄວຫຼືຊ້າແມ່ນຂື້ນກັບຄວາມຊົງຈຳທີ່ມີວ່າຫຼາຍຊ່ຳໃດ, ຮັກຫຼາຍ ກໍ່ເຈັບຫຼາຍໄປຕາມກົດເກນຂອງມັນ, ແຕ່ແນ່ນອນ ຖ້າໃຊ້ເວລາ ແລະ ສິ່ງທີ່ເວົ້າມາຂ້າງເທິ່ງມາຊ່ວຍ, ແອັດມິນເຊື່ອວ່າ ທຸກຄົນຕ້ອງຜ່ານຜ່າຈຸດນີ້ໄປໄດ້ແນ່ນອນ, ແລະ ເຮັດໃຫ້ເຮົາເຂັ້ມແຂງຂື້ນກວ່າເກົ່າ ຈາກປະສົບການທີ່ເຮົາເຄີຍພົບ. ຂໍເອົາໃຈຊ່ວຍ ໃຫ້ໃຜທີ່ກຳລັງອົກຫັກໃນຕອນນີ້ໃຫ້ເຂັ້ມແຂງແລະ ຝ່າຟັນໄປໂດຍດີ.

ບັນເທີງ