ຄວາມເຊື່ອ

ຈັດອັນດັບ ລະດັບຄວາມເຈົ້າຊູ້ຂອງຜູ້ຊາຍ ຕາມແຕ່ລະວັນເກີດ

ເປັນຜູ້ຊາຍ ເປີເຊັນການເຈົ້າຊູ້ຖືວ່າມີຫຼາຍກວ່າຜູ້ຍິງຢູ່ແລ້ວ ແຕ່ກໍບໍ່ສະເໝີໄປ ດັ່ງນນັ້ນມື້ນີ້ KIDDEE ຈື່ງນຳລະດັບຄວາມເຈົ້າຊູ້ຂອງຜູ້ຊາຍທັງ 7 ວັນເກີດມາໃຫ້ອ່ານ ການຈັດອັນດັບນີ້ບໍ່ແມ່ນຈະຄິດເອງ ແລະ ມົ້ວໄປໄປທົ່ວ ເຊີ່ງທາງເຮົາ ກໍໄດ້ແປຈາກເວັບໄຊ LINE TODAY ຈະໄດ້ຈັດອັນດັບຄວາມເຈົ້າຊູ້ຕາມລຳດັບແຕ່ເຈົ້າຊູ້ນ້ອຍທີ່ສຸດ ຫາ ເຈົ້າຊູ້ຫຼາຍທີ່ສຸດດັ່ງນີ້ :

+ ອັນດັບທີ 7  ຜູ້ຊາຍເກີດວັນພະຫັດ : ໂດຍນິໄສພື້ນຖານຂອງຜູ້ຊາຍທີ່ເກີດວັນພະຫັດນີ້ ເປັນຄົນເອື້ອອາລີ ມີເມດຕາ ເຫັນອົກເຫັນໃຈຄົນອື່ນໆຢູ່ສະເໝີ ເປັນຄົນຈິງໃຈ ຕົງໄປຕົງມາ ອອກແນວຫ້າວຫານວູ່ວາມ ຮັກໃຜຮັກຈິງ ເວລາຊັງໃຜ ກໍບໍ່ແສ້ແຊ້ງ  ດ້ວຍຄວາມເປັນຄົນທີ່ໜ້າຮັກ ສົດໃຈເປີດເຜິຍ ຈື່ງເຮັດໃຫ້ຄົນຮອບຂ້າງຫຼົງຮັກໄດ້ງ່າຍ ແຕ່ດ້ວຍຄວາມເປັນຄົນເປີດເຜີຍຕົງໄປຕົງມາ ຈື່ງເຮັດໃຫ້ຜູ້ຊາຍທີ່ເກີດວັນພະຫັດເຈົ້າຊູ້ນ້ອຍທີ່ສຸດໃນບັນດາ 7 ວັນເກີດ ຢູ່ທີ່ອັນທີ 7 ຈັດໄດ້ວ່າເປັນຄົນບໍ່ເຈົ້າຊູ້ກໍໄດ້ເລີຍ ແລະ ເຈົ້າຊູ້ນ້ອຍ

+ ອັນດັບທີ 6  ຜູ້ຊາຍເກີດວັນເສົາ : ຜູ້ຊາຍທີ່ເກີດວັນເສົາ ນິໄສພື້ນຖານເປັນຄົນສຸຂຸມ ມີລະບຽບ ມີສະເໜ່ ສາມາດເຮັດໃຫ້ຄົນຮອບຂ້າງປະທັບໃຈ ມັກມີດວງເລື່ອງຄວາມຮັກ ດ້ວຍຄວາມເປັນຄົນທີ່ໝັ້ງຄົງ ແນວແນ້ ຈິງໃຈ ຈັດວ່າເປັນຄົນເຈົ້າຊູ້ຫຼົບໃນ ຈະເຮັດອັນໃດກໍຈະເຮັດແບບງຽບໆ ເມື່ອຖືກໃຈຜູ້ຍິງຄົນໃດ ກໍຈະເບີ່ງ ສົ່ງສາຍຕາ ຫຼື ສົ່ງຮ້ອຍຍີ້ມໃຫ້ກັບຄົນທີ່ຕົນປຶ້ມ ບໍ່ແມ່ນມັກໃຜຈະຍ່າງເຂົ້າທຳຄວາມຮູ້ຈັກທັນທີ ດັ່ງນັ້ນຜູ້ຊາຍທີ່ກີດວັນເສົາ ຈຶ່ງຈັດວ່າເຈົ້າຊູ້ ອັນດັບທີ 6 ເຈົ້າຊູ້ໃນໆ

+ ອັນດັບທີ  5 ຜູ້ຊາຍເກີດວັນພຸດ : ຜູ້ຊາຍທີ່ເກີດວັນພຸດ ເປັນລັກສະນະເທບທີພີແຫ່ງຄວາມຮັກ ດວງຈື່ງມັກພົບພັນເລື່ອງຄວາມຮັກຢູ່ສະເໝີ ເປັນຄົນມັກສວຍມັກງາມ ນິໄສພື້ນຖານ ເປັນຄົນຮອບຄອບ ເປັນຄົນຄິດໄຕ່ຕອງກັບທຸກເລື່ອງລາວທີ່ເຂົ້າມາໃນຊີວິດ ສະເໜ່ຜູ້ຊາຍທີ່ເກີດວັນພຸດນີ້ ຢູ່ທີ່ການເປັນຄົນເວົ້າຈາໜ້າຮັກ ໜ້າຟັງ ມີມະນຸດສຳພັນທີ່ດີ ເຮັດໃຫ້ຄົນຮອບຂ້າງປະທັບໃຈ ດ້ວຍເຫດນີ້ຜູ້ຊາຍທີ່ເກີດວັນພຸດ ຈື່ງຈັດເປັນຄົນເຈົ້າຊູ້ ອັນດັບທີ 5 ກໍຖືວ່າຍັງເປັນຄົນຈິງໃຈຢູ່

+ ອັນດັບທີ 4 ຜູ້ຊາຍເກີດວັນອາທິດ : ຜູ້ຊາຍທີ່ເກີດວັນອາທິດ ດ້ວຍນິໄສພື້ນຖານຂອງຜູ້ຊາຍທີ່ເກີດວັນນິ້ ເປັນຄົນກ້າສ່ຽງ ກ້າໄດ້ ກ້າເສຍ ຄິດໄວ ໃຈຮ້ອນ ດ້ວຍຄວາມເປັນຄົນເຈົ້າສະເໜ່ ສົດໃສ ລາເລີງ ສະນຸກສະໜານ ຈື່ງມັກເຮັດໃຫ້ຄົນອື່ນປະທັບໃຈຢູ່ສະເໝີ ອາລົມເຈົ້າຊູ້ຂອງຜູ້ຊາຍທີ່ເກີດວັນນີ້ປະມານວ່າ ສົ່ງຍີ້ມໄປ ແຕ່ບໍ່ໄດ້ຫວັງຫຍັງຫຼາຍຈາກເພດກົງກັນຂ້າມ ຖ້າບໍ່ເເມ່ນຄົນທີ່ຕົນຄິດຈິງຈັງ ເພາະເວລາຄົບໃຜແລ້ວ ກໍຈະຄົບຢູ່ຄົນດຽວ ແລະ ໃຊ້ເວລາໃນການສືກສາເບີ່ງໃຈຢູ່ດົນໆຈື່ງຈະຕົກລົງຄົບກັນຢ່າງເລິກຊື້ງ ດັ່ງນັ້ນຈື່ງຈັດໄດ້ວ່າຜູ້ຊາຍເກີດວັນນິ້ ເຈົ້າຊຸ້ຢູ່ທີ ອັນດັບທີ 4 ໃນ 7 ວັນເກີດ ໂດຍລວມໆແລ້ວ ກໍຖືວ່າເປັນຄົນມີຄວາມຈີງໃຈພໍສົມຄວນ

+ ອັນດັບທີ  3 ຜູ້ຊາຍເກີດວັນສຸກ : ຜູ້ຊາຍທີ່ເກີດວັນສຸກ ເປັນຄົນເຈົ້າສຳອາງ ຮັກສວຍ ຮັກງາມ ຜູ້ຊາຍເກີດວັນສຸກ ຈະສະເເດງອາການເຈົ້າຊູ້ກັບຄົນທີ່ຖືກໃຈ ມັກໃຜ ຮັກໃຜແລ້ວຈະອອກແນວໃຈບຸນ ທຸ້ມເທ ຊ່າງເອົາອົກເອົາໃຈສາລະພັດ ຄົນຮັກຢາກໄດ້ຫຍັງ ກໍພ້ອມຫາມາໃຫ້ຕາມຄວາມສາມາດ ເປັນຄົນໂຣແມນຕິກ ເມື່ອທຸ້ມເທໄປແລ້ວ ກໍຈະຫວັງຜົນຕອບແທນກັບມາ ດັ່ງນັ້ນຈື່ງວ່າຜູ້ຊາຍທີ່ເກີດວັນນີ້ຈື່ງຈັດເປັນຄົນເຈົ້າຊູ້ ອັນດັບທີ 3 ໃນ 7 ວັນເກີດນີ້ ແຕ່ໂດຍລວມໆແລ້ວ ກໍຖືວ່າເປັນຄົນຈິງໃຈບໍ່ນ້ອຍເລີຍລະ

+ ອັນດັບທີ 2 ຜູ້ຊາຍເກີດວັນອັງຄານ : ຜູ້ຊາຍເກີດວັນອັງຄານ ນິໄສພື້ນຖານ ເປັນຄົນສະນຸກສະໜານເຈົ້າສຳລານ ວູ່ວາມ ຕົງໄປຕົງມາ ເຊີ່ງສະເໜ່ຂອງຜູ້ຊາຍທີ່ເກີດວັນອັງຄານ ສາມາດດືງດູດຄວາມສົນໃຈກັບເພດກົງກັນຂ້າມໄດ້ດີຫຼາຍເລີຍລະ ເວລາພົບຄົນທີ່ຖືກໃຈມັກສົ່ງສາຍຕາໄປກ່ອນ ເຖີງວ່າຈະອາລົມຮ້ອນ ແຕ່ກໍບໍ່ເຂົ້າໄປລົມກ່ອນ ສະນັ້ນ ຜູ້ຊາຍເກີດວັນນີ້ຈື່ງຈັດລະດັບຄວາມເຈົ້າຊູ້ຢູ່ໃນລະດັບສູງໃນແງ່ຂອງອາລົມໂດຍບໍ່ໄດ້ເຈົ້າຊູ້ທີ່ນິໄສ ກໍຄື ອັນດັບທີ 2 ໃນ 7 ວັນເກີດ

+ ອັນດັບທີ 1 ຜູ້ຊາຍເກີດວັນຈັນ : ພື້ນຖານນິໄສຂອງຄົນເກີດວັນຈັນ ເປັນຄົນອ່ອນໂຍນສະຫຼາດ ໄຫວພິບດີ ມີສິລະປະໃນການເວົ້າຈາ ສາມາດເຮັດໃຫ້ຄົນຮອບຂ້າງ ຫຼື ເພດກົງກັນຂ້າມຫຼົງໄດ້ງ່າຍທີ່ສຸດ ຄຳເວົ້າທີ່ເເສນອ່ອນໂຍນ ຈື່ງເປັນທີ່ມາຂອງການໂຫ່ຍສະເໜ່ ດ້ວຍການໃຊ້ຄຳເວົ້າ ຈື່ງເຮັດໃຫ້ຄົນຫຼຸມຫຼົງ ເມື່ອມີຄວາມຮັກມັກຈະສະແດງດື້ດັນອອກມາເລື້ອຍໆ ດ້ວຍການເປັນຄົນເອົາແຕ່ໃຈຕົວເອງມັກໃຫ້ແຕ່ຄົນຮັກເອົາໃຈຢູ່ສະເໝີ ຈື່ງຈັດຜຸ້ຊາຍທີ່ເກີດວັນຈັນ ເປັນຜູ້ຊາຍທີ່ມະຫາຄວາມເຈົ້າຊູ້ ເຈົ້າຊູ້ອັນດັບທີ 1 ໃນ 7 ວັນເກີດ