ຂໍ້ຄິດ

ລອງອ່ານເບິ່ງ ! ຫລາຍຄົນມັກເວົ້າວ່າ ຢາກພົບຄົນດີໆ ຢາກພົບຜູ້ຊາຍໃນຝັນ ຜູ້ຍິງໃນຝັນ

ລອງອ່ານເບິ່ງ!! ຫລາຍຄົນມັກຈະເວົ້າວ່າ ຢາກເຈີຄົນດີໆ ຢາກເຈີຜູ້ຊາຍໃນຝັນ ຜູ້ຍິງໃນຝັນ.

ແຟນດີໆ ຄົນດີໆ ຄົນທີ່ແມ່ນ ຄົນທີ່ຖືກສະເປັກ ຂອງເຈົ້າແມ່ນຄົນແບບໃດ ຫລາຍຄົນມັກຈະເວົ້າວ່າຢາກເຈີຄົນດີໆ ຢາກເຈີຜູ້ຊາຍໃນຝັນ ຜູ້ຍິງໃນຝັນ ຂ້າພະເຈົ້າຂໍບອກເລີຍວ່າ ຄົນໃນຝັນຖ້າຢາກຈະເຈີ ເຈົ້າກໍ່ຕ້ອງນອນຫລັບ…ຈິງຈະເຈີ

ເຮົາບໍ່ມີທາງເຈີຄົນໃນຝັນໃນຊີວິດຈິງໄດ້ ມີຄູ່ຮັກຫລາຍຄູ່ເລີກກັນພຽງເພາະຄຳວ່າເຂົ້າກັນບໍ່ໄດ້ ໄລຍ໌ສະໄຕຍ໌ບໍ່ຕົງກັນ ຫລື ພຽງເພາະຄຳເວົ້າທີ່ວ່າຈະຮັກກັນໄດ້ຕ້ອງຍອມຮັບຕົວຕົນ ແລະນິໄສຂອງກັນ ແລະກັນໃຫ້ໄດ້ ເຊື່ອເຖາະວ່າຖ້າເຮົາຍັງຄິດ ແລະ ຍືດມັນໃນຄວາມຄິດເຫລົ່ານີ້ ເຮົາບໍ່ມີທາງເຈີຄົນທີ່ດີ ຫລື ມີຄູ່ຮັກທີ່ດີ ແລະສົມຫວັງແນ່ນອນ ເພາະໃນໂລກໃບນີ້ບໍ່ມີໃຜຮັກຫລືຍອມຮັບທຸກຢ່າງໃນຕົວເຮົາໄດ້ແນ່ນອນ ເພາະຂະຫນາດຕົວເຮົາເອງຍັງບໍ່ສາມາດຮັກ ແລະຍອມຮັບທຸກຢ່າງຂອງຄົນອື່ນໄດ້ ເຊື່ອເຖາະວ່າຄວາມຮັກຖ້າຈະໃຫ້ເປັນຄວາມຮັກທີ່ດີໄດ້ ເຮົາຕ້ອງຮູ້ຈັກປັບຈູນ ແລະ ປ່ຽນແປງບາງສິ່ງບາງຢ່າງໃຫ້ເຂົ້າກັນ

ຢ່າລືມວ່າຖ້າເຮົາເລືອກທີ່ຈະມີຄູ່ ນັ້ນກໍ່ຫມາຍວ່າທຸກຄວາມຄິດ ແລະ ການກະທຳຂອງເຮົາຈະບໍ່ສົ່ງຜົນກະທົບຕໍ່ຕົວເຮົາຫລືໃຈເຮົາດວງດຽວ ແຕ່ມັນຍັງຈະສົ່ງຜົນກະທົບຕໍ່ຄົນອີກຫນື່ງຄົນ ແລະ ໃຈອີກຫນື່ງດວງຂອງຄົນທີ່ພ້ອມຈະຈັບມື ແລະ ຄຽງຂ້າງເຈົ້າໄປຈົນວັນຕາຍ…ຍອມປ່ຽນແປງຕົວເອງໃນວັນນີ້ ວັນທີ່ຍັງມີເຂົາຂ້າງໆກ່ອນທີ່ເຈົ້າຈະບໍ່ມີໂອກາດນັ້ນ ນິໄສ ຕົວຕົນ ຫລື ວ່າໄລຍ໌ສະໄຕຍ໌ ເຈົ້າບໍ່ໄດ້ເອົາມາຈາກໃນທ້ອງແມ່ ສິ່ງເຫລົ່ານີ້ຄືສິ່ງທີ່ເຈົ້າສ້າງ ແລະ ກຳນົດມັນຂື້ນມາຕອນໃຫຍ່ ແລ້ວເປັນຫຍັງເຈົ້າຈະປ່ຽນມັນບໍ່ໄດ້

ສຸດທ້າຍນີ້ຢາກໃຫ້ທຸກຄົນ ເບີ່ງຄົນທີ່ຈິດໃຈ ການກະທຳ ຢ່າເບີ່ງຄົນທີ່ການແຕ່ງຕົວດີໆ ໜ້າຕາດີໆ ຈື່ງຈະມັກ ເພາະນັ້ນມັນເປັນພຽງລັກສະນະພາຍນອກ ຢ່າຝັນໄຝ່ຈົນສູງເກີນໄປ ຢາກໄດ້ຄົນລວຍມາເປັນເເຟນ ມາເປັນຄູ່ຊີວິດ ມັນຈະເຮັດໃຫ້ຊີວິດເປັນທຸກ ຢາກໃຫ້ຊີວິດມີຄວາມສຸກ ກໍຕ້ອງພໍໃຈໃນສີ່ງທີ່ຕົນມີ ຢ່າເອົາຊີວິດຕົວເອງໄປວັດແທກກັບຄົນອື່ນ ເພາະຕົ້ນທຶນຊີວິດຄົນເຮົາມັນບໍ່ຄືກັນ