ມາເບີ່ງ 10 ສັນຍານບົ່ງບອກວ່າອາດເປັນຮັກແທ້ ແລະ ຄູ່ແທ້ໃນຊີວິດ

ມາເບີ່ງ 10 ສັນຍານບົ່ງບອກວ່າອາດເປັນຮັກແທ້ ແລະ ຄູ່ແທ້ໃນຊີວິດ

10 ສັນຍານບົ່ງບອກ ວ່າອາດເປັນຄູ່ແທ້.

ມາອ່ານເບິ່ງນຳກັນວ່າມີຫຍັງແນ່ທີ່ເຮັດໃຫ້ເຈົ້າ ກັບ ຄົນຮັກຂອງເຈົ້າເຂົ້າໃຈກັນ, ແລະ ຢັ້ງຢືນໄດ້ວ່າລາວຜູ້ນັ້ນເກີດມາເພື່ອຄູ່ກັບເຮົາແທ້.

1. ນັ່ງໄກ້ກັນກໍ່ຮູ້ສຶກສະບາຍໃຈ : ບໍ່ຈຳເປັນຕ້ອງເວົ້າຫຍັງຫຼາຍ, ພຽງແຕ່ເວລາທີ່ຢູ່ໄກ້ໆກັນແລ້ວຮູ້ສຶກດີ.

2. ຕ່າງຝ່າຍຕ່າງມັກເລົ່າຄວາມລັບ ຫຼື ຄວາມໃນໃຈໃຫ້ຟັງສະເໝີ ຄືເວລາທີ່ມີຫຍັງ, ມີເລື່ອງ, ມີເຫດການຫຍັງ, ເຂົາຈະມັກເລົ່າໃຫ້ເຮົາຟັງກ່ອນ, ແມ້ກະທັງໂຕເຮົາເອງມີຫຍັງກໍ່ຢາກຈະເລົ່າສູ່ເຂົາຟັງ.

3. ເຖິງແມ່ນວ່າຄວາມແຕກຕ່າງລະຫວ່າງຍິງກັບຊາຍຈະມີຫຼາຍ, ແຕ່ເຈົ້າກັບເຂົາກໍ່ມັກຈະມັກ ແລະ ມີສິ່ງທີ່ຄ້າຍໆກັນຫຼາຍ ແນ່ນອນ, ຕ້ອງມີສິ່ງທີ່ເຮັດໃຫ້ເຂົາກັບເຮົາ ເຂົ້າກັນໄດ້, ໄປກັນໄດ້ ກໍ່ຍອ້ນມັກ ໃນສິ່ງທີ່ຄ້າຍໆກັນ.

4. ຕ່າງຝ່າຍຕ່າງຢາກຈະແຊັດ, ໂທຫາກັນ ທັງໆທີ່ບໍ່ທັນຮູ້ວ່າຈະລົມຫຍັງດີ ຄື ຫຼາຍຄົນອາດຈະເປັນ, ຖ້າເຮົາມີໃຈອີກຝ່າຍໜຶ່ງ, ເວລາເຮົາໄດ້ຫຼີ້ນໂທລະສັບ ເຮົາກໍ່ຢາກຈະສົ່ງ ຢາກໂທຫາຄົນນັ້ນ, ແຕ່ບໍ່ຮູ້ຈະລົມຫຍັງດີ ກໍ່ເລີຍພາກັນໃຊ້ສູດມາດຕະຖານຄື: ເຮັດຫຍັງຢູ່, ຢູ່ໃສ, ກິນເຂົ້າລະ.

5. ເຈົ້າ ກັບ ເຂົາ ມີຄວາມສຸກທຸກຄັ້ງທີ່ໄດ້ເຮັດຫຍັງຮ່ວມກັນ ເຖິງແມ່ນວ່າສິ່່ງທີ່ເຮັດນັ້ນຈະບໍ່ແມ່ນສິ່ງທີ່ດີທີ່ສຸດ ເວລາທີ່ໄປໃສ, ເຮັດຫຍັງຮ່ວມກັນ ຖ້າເຮົາ ແລະ ເຂົາຮູ້ສຶກດີ. ມັນກໍ່ຈະສະສົມຄະແນນຄວາມເຂົ້າໃຈກັນຫຼາຍຂື້ນ.

6. ລາວຈື່ຊື່ໝູ່ເຮົາ, ພໍ່ແມ່ ແລະ ຍາດພີ່ນ້ອງເຮົາໄດ້, ແລະ ເຮົາກໍ່ຈື່ຄົນໄກ້ໂຕເຂົາໄດ້ຄືກັນ ຖ້າບໍ່ໃສ່ໃຈ, ບໍ່ສົນໃຈແລ້ວຈະຈື່ໄປເຮັດຫຍັງ ແມ່ນບໍ່ລະ.

7. ເວລາຖ່າຍຮູບນຳກັນແລ້ວຮູ້ສຶກດີ ເວລາທີ່ຖ່າຍຮູບນຳກັນ ອາດຈະຖ່າຍຫຼາຍຄົນແຕ່ເຮົາຢືນໄກ້ໆກັນ, ຫຼື ຖ່າຍຮູບຄູ່ ຕ່າງຝ່າຍຕ່າງບໍ່ອຶດອັດໃຈ ແລະ ຮູ້ສຶກສະບາຍໃຈ, ອົບອຸ່ນເວລາທີ່ເຫັນຮູບນັ້ນ.. ແມ່ນເລີຍວ່າມັນເປັນອີ່ຫຍັງທີ່ເຂົ້າກັນໄດ້.

8. ເວລາທີ່ເຮັດຫຍັງທຸເລດ, ໜ້າອາຍ ກໍ່ຈະຮັບໄດ້ ແລະ ບໍ່ອາຍໃຜ ແຕ່ລະຄົນຍ່ອມມີຈຸດທີ່ວ່າ ມາຮອດມື້ໜຶ່ງ ຕ້ອງຫຼົງເຮັດຫຍັງທີ່ທຸເລດ, ໜ້າອາຍອອກມາ, ອາດຈະເຮັດແບບຕັ້ງໃຈ ແລະ ບໍ່ໄດ້ຕັ້ງໃຈ. ແຕ່ອີກຝ່າຍກໍ່ຍັງຮັບໄດ້.

9. ເຖິງແມ່ນວ່າອີກຝ່າຍຈະປ່ຽນໄປທາງດ້ານຮູບຮ່າງໜ້າຕາ (ຕຸ້ຍຂື້ນ, ຈ່ອຍລົງ, ສິວຂື້ນ, ໜ້າໂຊມ…) ແຕ່ກໍ່ບໍ່ເຄີຍກະທົບຄວາມຮູ້ສຶກດີໆທີ່ມີໃຫ້ກັນ.

10. ໄປໃສ, ອອກງານຫຍັງ, ມີເຫດການຫຍັງ ກໍ່ຢາກໃຫ້ອີກຝ່າຍໄປນຳ ແລະ ຢູ່ໄກ້ໆ ຄືຖ້າເປັນຈົນເຖິງຂັ້ນນີ້ແລ້ວຖືວ່າ ເຖິງຂັ້ນທີ່ຮັກກັນຫຼາຍ ແລ້ວ.

ທັງໝົດ 10 ຂໍ້ທີ່ເວົ້າມານີ້ ສ່ວນໃຫ່ຍຈະເໝາະກັບຄົນທີ່ກຳລັງຈີບກັນ, ລົມກັນໃໝ່ໆ, ຖ້າມີອາການແບບນີ້ກໍ່ຖືວ່າເຮົາກຳລັງຮັກເຂົາ, ແລ້ວເຮົາກໍ່ຄວນສັງເກດວ່າເຂົາກໍ່ເປັນຄືເຮົາບໍ່, ຖ້າເປັນກໍ່ຖືວ່າຕ່າງຝ່າຍຕ່າງມີໃຈໃຫ້ກັນ ຂໍໃຫ້ຮັກສາ ມາດຕະຖານໄວ້, ແລ້ວ ໃສ່ໃຈເພີ່ມມັນຂື້ນເທື່ອລະໜ້ອຍ, ແນ່ນອນ ເຮົາກໍ່ອາດຈະກາຍເປັນເນື້ອຄູ່ ທີ່ຮັກກັນໄປຕະຫຼອດກໍ່ເປັນໄດ້ ຂໍອວຍພອນໃຫ້ທຸກຄົນສົມຫວັງເດີ້, ບໍ່ຢາກເຫັນໃຜຜິດຫວັງຫຼາຍເກີນໄປອີກແລ້ວ. ຂອບໃຈທີ່ອ່ານ

ບັນເທີງ