ຄວາມເຊື່ອ ບັນເທີງ

ມາເບີ່ງ !! ບຸກຄະຄິກລັກສະນະຜູ້ຊາຍທີ່ແມ່ນສຳລັບສາວໆ ຕາມແຕ່ລະວັນເກີດ

ມື້ນີ້ມາເອົາໃຈບັນດາໜຸ່ມໆ-ສາວໆກັນ ຜູ້ຊາຍກະອ່ານໄວ້ເບິ່ງວ່າຕົງບໍ່, ຜູ້ຍິງກະອ່ານໄດ້ເພື່ອຮູ້ວ່າຜູ້ຊາຍແບບໃດທີ່ທີ່ເໝາະກັບເຮົາ.. ມາເບິ່ງນຳກັນວ່າເປັນແນວໃດ :

1. ຜູ້ຊາຍທີ່ແມ່ນ ສຳລັບສາວໆທີ່ເກີດວັນອາທິດ : ສາວໆທີ່ເກີດວັນອາທິດ ສ່ວນໃຫ່ຍຈະພົບຄົນຮັກໂດຍການທີ່ມີຄົນແນະນຳໃຫ້ຮູ້ຈັກ, ຜູ້ຊາຍໃນຝັນຈະຕ້ອງເປັນຊາຍໜຸ່ມທີ່ເຕັມໄປດ້ວຍຄວາມສາມາດ, ແລະ ມີຄວາມເປັນຜູ້ນຳ,ມັກຈະເຮັດວຽກເປັນຂ້າລາດສະການ,ຫຼື ວຽກປະຈຳທີ່ກ່ຽວກັບການກໍ່ສ້າງ ຫຼື ບາງທີກະເປັນຄົນຕ່າງປະເທດ, ຊາຍຮູບຮ່າງສູງໃຫ່ຍ ຜິວສີຄ້ຳ,ດຳແດງ ຫຼື ດຳກ້ຽງ.

2. ຜູ້ຊາຍທີ່ແມ່ນ ສຳລັບສາວໆທີ່ເກີດວັນຈັນ : ຊາຍໜຸ່ມຂອງສາວໆທີ່ເກີດວັນຈັນ ມັກເປັນຄົນທີ່ມີຮູບຮ່າງປານກາງ, ຖ້າເຕ້ຍກວ່າແລ້ວ ສາວທີ່ເກີດວັນຈັນຈະບໍ່ຄ່ອຍມັກປານໃດ, ດວງຕາຄົມ ຄິ້ວດົກເຂັ້ມ,ຖ້າຫາກເປັນຄົນສູງໃຫ່ຍ ຍິ່ງເປັນການດີ ສາວທີ່ເກີດວັນຈັນມັກຈະມັກຜູ້ຊາຍທີ່ອາຍຸຫຼາຍກວ່າ ຫຼື ເຖິງຈະອາຍຸນ້ອຍກ່ວາ ແຕ່ເລື່ອງຄວາມຄິດຈະຕ້ອງເປັນຜູ້ໃຫ່ຍຈະຖືກໃຈຫຼາຍ. ບໍ່ມັກຄົນທີ່ເວົ້າຫຼາຍແບບບໍ່ມີສາລະ. ດວງຂອງຍິງທີ່ເກີດວັນຈັນນີ້ຈະໄດ້ພົບຄູ່ແທ້ຈາກໝູ່ສະໜິດ ຫຼື ຍາດຜູ້ໃຫ່ຍເປັນຜູ້ແນະນຳ.

3. ຜູ້ຊາຍທີ່ແມ່ນ ສຳລັບສາວໆ ທີ່ເກີດວັນອັງຄານ : ຕ້ອງເປັນຜູ້ຊາຍທີ່ສູງ ຈະກົງກັບລັກສະນະຄູ່ແທ້,ມັກເຈິກັນຈາກໝູ່ຄູ່,ຫຼື ໂອກາດສຳຄັນຕ່າງໆ ຫຼືພົບໃນບ່ອນເຮັດວຽກ ສາວໆທີ່ເກີດວັນຄານນີ້ບາງຄົນອາດຈະພົບຮັກແຕ່ສະໃໝຮຽນແລ້ວຕ້ອງມີເຫດໃຫ້ແຍກທາງກັນໄປ ຜູ້ຍິງທີ່ເກີດວັນອັງຄານນີ້ ມັກຜູ້ຊາຍທີ່ແຕ່ງໂຕສະອາດ ແລະ ມີຣົດສະນິຍົມຫຼາຍສົມຄວນ, ເປັນຄົນທີ່ດູດີ ບໍ່ວ່າຈະເປັນການປາກເວົ້າ ແລະ ການແຕ່ງໂຕ ຖ້າເປັນຄົນທີ່ອາຍຸຫຼາຍກວ່າຈະເປັນໂຕເລືອກທຳອິດ,ແຕ່ຖ້າເປັນຄົນອາຍຸໄກ້ໆກັນມັກຈະມີເຫດໃຫ້ແຕກແຍກກັນ ຍ້ອນຕ່າງຝ່າຍຕ່າງໃຊ້ອາຣົມໃສ່ກັນ,ດັ່ງນັ້ນຍິງທີ່ເກີດໃນວັນອັງຄານນີ້ ຈຶ່ງມັກຜູ້ຊາຍທີ່ໃຈເຢັນ ແລະ ເປັນຜູ້ໃຫ່ຍກວ່າ.ເພາະເປັນຄົນບໍ່ມັນຍອມໃຜງ່າຍໆ.

4. ຜູ້ຊາຍທີ່ແມ່ນ ສຳລັບສາວໆທີ່ເກີດວັນພຸດ : ຜູ້ຍິງທີ່ເກີດວັນພຸດມັກມີຄົນມາລົມມາຈີບຫຼາຍ,ຈຶ່ງມີຫຼາຍຄົນເຂົ້າມາໃນຊີວິດມາໃຫ້ເລືອກ, ເພາະຜູ້ຍິງທີ່ເກີດວັນພຸດຈະວາງໂຕດີ ຈຶ່ງເຮັດໃຫ້ຕົນເອງເບິ່ງເປັນຄົນທີ່ມີກຽດ ແລະ ມີຄ່າ. ເນື້ອຄູ່ຂອງສາວໆທີ່ເກີດວັນພຸດສ່ວນໃຫ່ຍຈະເປັນຄົນສູງ,ດວງດີ,ມີດວງຈະຮັ່ງມີນຳກັນ, ມັກຜູ້ຊາຍທີ່ບໍ່ມັກປາກ, ບໍ່ຈູ້ຈີ້ຈຸກຈິກເພາະຕົນເອງເປັນຄົນແບບນັ້ນຢູ່ແລ້ວ ເລີຍບໍ່ຕ້ອງການໃຫ້ໃຜມາຂົ່ມໂຕເອງ, ຖ້າເປັນຜູ້ຊາຍທີ່ສະຫຼາດ, ມີຄວາມເປັນຜູ້ນຳສູງ, ແລະ ໃຈດີ ຈະເຮັດໃຫ້ເຂົາຕັດສິນໃຈຄົບກັບຜູ້ຊາຍແບບນີ້ໄວຂື້ນ.

5. ຜູ້ຊາຍທີ່ແມ່ນ ສຳລັບສາວໆ ທີ່ເກີດວັນພະຫັດ : ສ່ວນໃຫ່ຍສາວໆທີ່ເກີດວັນພະຫັດຈະມັກຜູ້ຊາຍທີ່ສຸພາບ, ດຸໝັ່ນ ແລະ ມີຄວາມໂຣແມນຕິກ ຈະຈົນຫຼືລວຍ ບໍ່ສຳຄັນ. ສາວທີ່ເກີດວັນນີ້ຈະເປັນຄົນຫົວໄວ, ດຸໝັ່ນແລະມີຄວາມຄິດຄວາມສາມາດແກ້ໄຂບັນຫາໄດ້. ມັກມີໂອກາດຈະໄດ້ເຈິຄືເປັນຄົນອາຍຸຊ່ຳໆ ກັນ,ອາລົມດຽວກັນ ແຕ່ຈະບໍ່ແມ່ນເນື້ອຄູ່ຖ້າຫາກຜູ້ຊາຍຄົນນັ້ນຂາດຄວາມເປັນຜູ້ນຳ ເພາະວ່າເນື້ອຄູ່ຈະຕ້ອງມີຄວາມຄິດເປັນຜູ້ນຳ ຈະເຮັດໃຫ້ສາວທີ່ເກີດວັນນີ້ສົນໃຈສຸດໆ.ສ່ວນໃຫ່ຍມັກຈະໄດ້ກັບຜູ້ຊາຍທີ່ມີອາຍຸຫຼາຍກວ່າ.

6. ຜູ້ຊາຍທີ່ແມ່ນ ສຳລັບສາວໆທີ່ເກີດວັນສຸກ : ສາວໆທີ່ເກີດວັນສຸກ ຖືວ່າເປັນສາວທີ່ມີກຳ ເລື່ອງຄວາມຮັກຫຼາຍສົມຄວນ, ເພາະວ່າດາວສຸກບໍ່ຖືກກັບດາວຣາຫູ ແລະ ດາວເສົາ ສາວໆທີ່ເກີດໃນວັນສຸກນີ້ຈື່ງມັກເສຍໃຈ ແລະ ຜິດຫວັງກັບຄວາມຮັກຕະຫຼອດ. ຍ້ອຍອາລົມອອ່ນໃຫວງ່າຍ ແລະ ເປັນຄົນທີ່ຄວາມຈຳດີ. ຫາກຈະເລືອກໃຜຈັກຄົນມາເປັນເນື້ອຄູ່ແລ້ວຈະຕ້ອງເບິ່ງວ່າ ຊາຍຄົນນັ້ນມີອາລົມເບີກບານມ່ວນຊື່ນຊ່ຳໃດ, ເພາະຍິງທີ່ເກີດວັນສຸກຈະບໍ່ຄ່ອຍມັກຜູ້ຊາຍທີ່ຂືມ,ບໍ່ປາກ. ລັກສະນະເນື້ອຄູ່ຈະເປັນຄົນຮູບຮ່າງສູງ ຫຼື ປານກາງ, ບໍ່ເຕ້ຍ ຫາກ ວ່າຊາຍຄົນນັ້ນເປັນຄົນຄິ້ວດົກ ຈະເສີມບາລະມີຊີວິດຄູ່ໃນການສ້າງຖານະນຳກັນໄດ້ດີ, ຍິ່ງຖ້າເປັນຜູ້ຊາຍທີ່ຮຽນດີ,ມີຄວາມສາມາດສູງຍິ່ງຈະໄດ້ຄະແນນສູງຈາກສາວທີ່ເກີດວັນສຸກນີ້ຫຼາຍແນ່ນອນ.

7. ຜູ້ຊາຍທີ່ແມ່ນ ສຳລັບສາວໆທີ່ເກີດວັນເສົາ : ສ່ວນໃຫ່ຍສາວໆທີ່ເກີດວັນເສົານີ້ຈະມັກຜູ້ຊາຍຜິວຂາວ, ຫຼື ຖ້າຫາກເປັນຄົນດຳກໍ່ຕ້ອງເປັນຄົນທີ່ສະອາດຖ້າບໍ່ດັ່ງນັ້ນຈະບໍ່ຊະນະໃຈສາວທີ່ເກີດວັນເສົາໄດ້ແນ່ນອນ. ສາວທີ່ເກີດວັນເສົາຈະເປັນຄົນແຂງ, ຕົງໆ ຈຶ່ງມັກຈະຫຼົງມັກຜູ້ຊາຍທີ່ໂຣແມນຕິກ, ເພື່ອມາເຕີມເຕັມສິ່ງທີ່ຕົນເອງຂາດຫາຍໄປ, ຜູ້ຊາຍມາດດີ, ສຸຂຸມ ອ່ອນໂຍນ ແລະ ໃຈເຢັນຈະກິນຂາດ. ຫາກຜູ້ຊາຍມີອາຍຸໃຫ່ຍກວ່າຈະເຂົ້າກັນໄດ້ຫຼາຍເປັນພິເສດ, ເພາະຖ້າອາຍຸໄກ້ກັນ ຫຼື ນ້ອຍກ່ວາ ຈະປັບຄວາມເຂົ້າໃຈກັນຍາກຫຼາຍ.

ທັງໝົດນີ້ເປັນພຽງພື້ນຖານດວງຊາຕາຂອງສາວໆທີ່ເກີດຕາມແຕ່ລະວັນເກີດ. ພື້ນດວງຊາຕາ ແລະ ຊີວິດຈິງອາດຈະແຕກຕ່າງກັນໄປ. ອາດຈະຖືກກັບບາງຄົນເທົ່ານັ້ນ, ດັ່ງນັ້ນ ຄວນໃຊ້ວິຈາລະນະຍານ ໃນການອ່ານ