ມາເບີ່ງຄວາມແຕກຕ່າງລະຫວ່າງຮູ້ສຶກຮັກກັບຮູ້ສຶກມັກ ໄປອ່ານພ້ອມກັນເລີຍ

ມາເບີ່ງຄວາມແຕກຕ່າງລະຫວ່າງຮູ້ສຶກຮັກກັບຮູ້ສຶກມັກ ໄປອ່ານພ້ອມກັນເລີຍ

ເຄີຍຖາມໃຜຈັກຄົນບໍ່ ວ່າເຂົາຮູ້ສຶກກັບເຮົາແນວໃດ ? ແລະ ເຊື່ອວ່າຕ້ອງມີຫຼາຍຄົນທີ່ພົບຄຳຕອບທີ່ວ່າ “ກະຮູ້ສຶກດີນຳ ທີ່ໄດ້ລົມ..”

ແລ້ວຄຳວ່າ “ຮູ້ສຶກດີ” ນັ້ນມັນໝາຍຄວາມວ່າ ເຂົາຮັກເຮົາຫຼືບໍ່ລະ ? ອັນນີ້ຍັງຄົງເປັນຄຳຖາມທີ່ຄ້າງຄາໃຈຫຼາຍຄົນ ແອັດມິນເອງກໍ່ຍັງເຈິມາເລີຍ.
ແລ້ວ ຄຳວ່າ ຮູ້ສຶກດີ ມັນຕ່າງກັບ ຮູ້ສຶກຮັກແນວໃດລະ​ ?

ອັນນີ້ກະຕອບຍາກ, ເພາະວ່າ ຄົນທີ່ຕອບກະຍັງ ບາງຄັ້ງເຂົາບໍ່ເຂົ້າໃຈຄວາມໝາຍຂອງສອງຄຳນີ້ເລີຍ, ບາງຄົນກະຮູ້ສຶກຮັກ ແຕ່ເວລາຕອບຈະຕອບໄປວ່າຮູ້ສຶກດີ, ບາງຄົນແຄ່ຮູ້ສຶກດີ ແຕ່ໄປຕອບວ່າ ຮູ້ສຶກຮັກ.. ອັນນີ້ອັນຕະລາຍ ເພາະມັນຈະເຮັດໃຫ້ຄວາມສຳພັນນັ້ນບໍ່ຊັດເຈນ ແລະ ອາດເປັນເຫດໃຫ້ນຳໄປຫາຄຳວ່າເຈັບໄດ້.

ຈາກທີ່ຫາຂໍ້ມູນມາແອັດມິນຂໍ ສະຫຼຸບແບບຫຍໍ້ໆ ເພຶ່ອຄວາມເຂົ້າໃຈງ່າຍດັ່ງນີ້:

# ຮູ້ສຶກດີ : ເປັນຄວາມຮູ້ສຶກເລີ່ມຕົ້ນຂອງຄວາມຮູ້ສຶກ ທຸກໆສິ່ງ. ຄືບໍ່ຕ້ອງການຫຍັງຫຼາຍ ຂໍພຽງແຕ່ວ່າ ມີຄວາມສຸກທຸກຄັ້ງທີ່ໄດ້ລົມ, ໄດ້ເຈິກັນ. ບໍ່ຫຶງ,​ ບໍ່ຫວງ, ບໍ່ຫ່ວງ ບໍ່ຮູ້ສຶກເປັນເຈົ້າຂອງກັນ. ເປັນຄວາມຮູ້ສຶກທີ່ຄົງເສັ້ນຄົງວາ ແຕ່ຍັງບໍ່ເລິກເຊິ່ງຮອດຈິດໃຈ, ແລະ ຄວາມຮູ້ສຶກນີ້ຈະບໍ່ສາມາດປ່ຽນເຮົາໄດ້, ນອກຈາກວ່າ ຄວາມຮູ້ສຶກດີຈະມີການພັດທະນາຄວາມສຳພັນໄປເປັນຄວາມຮັກ.

# ຮູ້ສຶກຮັກ : ເປັນການລວມຄວາມຮູ້ສຶກດີເຂົ້າມານຳ ຄ້າຍໆກັນ ແຕ່ວ່າເປັນຄວາມຮູ້ສຶກທີ່ເລິກເຊິ່ງຮອດຈິດໃຈ, ຄ້າຍໆຄືເຂົາເປັນອີກສ່ວນໜຶ່ງຂອງຊີວິດເຮົາ,​ ເປັນຄອບຄົວເຮົາ… ມີຄວາມຜູກພັນ, ມີຄວາມຄິດຮອດ,​ ​ຫ່ວງໃຍ… ຄວາມຮູ້ສຶກຮັກນີ້ ອາດມີຜົນປ່ຽນເຮົາໃຫ້ກາຍເປັນອີກຄົນໄດ້ ເຊັ່ນວ່າ:​ ບາງຄົນຍອມປ່ຽນແປງໂຕເອງ ກໍ່ຍ້ອນໄດ້ມາເຈິກັບຄຳວ່າຮັກ,​ ຄວາມຮັກເຮັດໃຫ້ໂຕເອງປ່ຽນແປງ ຈາກຂີ້ລ້າຍກະກັບມາໃສ່ໃຈ ເບິ່ງແຍງໂຕເອງ ຢາກໄຫ້ດູດີຂື້ນ,​ ປັບປ່ຽນນິໃສໃຫ້ເຂົ້າກັນຂື້ນ… ມີການຫຶງຫວງເວລາມີອີກຄົນເຂົ້າມາລົມອີກຝ່າຍ, ເວລາຫ່າງກັນກໍ່ຄິດຮອດກັນ, ຢາກໂທລົມ,​ ຢາກແຊັດຫາ,​ ຢາກເຫັນໜ້າ,​ ຢາກໄປຫຼິ້ນນຳກັນ… ຢາກຈັບມືແລ້ວຍ່າງໄປຫາອະນາຄົດນຳກັນ… ນີ້ລະຄື ຄວາມຮູ້ສຶກຮັກ.

ຍັງຄິດພາບບໍ່ອອກຫວາ ? ດຽວແອັດມິນຍົກໂຕຢ່າງງ່າຍໆໃຫ້ເບິ່ງ.

ສົມມຸດ ເຮົາຂື້ນໄປນັ່ງລົດຄັນໜຶ່ງ,​ ຮູ້ສຶກວ່າຄັກ,​ ມັກ, ແລ້ວກະພໍໃຈໃນລົດທີ່ເຮົານັ່ງ,​ ບັນຍາກາດກະເໝາະກັບເຮົາສຸດໆ, ແລ້ວມີອີກຄົນມາ ຂູດສີລົດຄັນນັ້ນ, ມາແກະບາງຢ່າງອອກໄປ ຖ້າເຮົາຮູ້ສຶກວ່າ:

– ລົດນັ້ນຈັ່ງໃດກະບໍ່ແມ່ນຂອງເຮົາ, ເຂົາເຮັດໄປກະເລຶ່ອງຂອງເຂົາ, ເຮົາກະບໍ່ມີສິດເຮັດຫຍັງ. ປ່ອຍເຂົາເຮັດຕໍ່ໄປ… ແປວ່າເຮົາຮູ້ສຶກດີ

– ຮູ້ສຶກບໍ່ຢາກໃຫ້ເຂົາເຮັດ,​ ແລ້ວກໍ່ບອກອອກໄປ ຂໍຮ້ອງ ແລະ ປົກປ້ອງບໍ່ໃຫ້ເຂົາເຮັດ, ພະຍາຍາມຕິດສິ່ງທີ່ເຂົາແກະອອກໄປນັ້ນຄືນ, ແລ້ວກໍ່ຢາກເອົາລົດຄັນນີ້ມາເປັນຂອງໂຕເອງ… ແປວ່າເຮົາຮູ້ສຶກຮັກລົດຄັນນີ້ໄປແລ້ວ…

ສິ່ງທີ່ໄດ້ຍົກໂຕຢ່າງໄປຫວັງວ່າແຟນເພສເຮົາຈະເຂົ້າໃຈເນາະ, ສຸດທ້າຍແລ້ວຂໍເຕືອນອີກຄັ້ງວ່າ: ການທີ່ມີໃຜຈັກຄົນເຂົ້າມາບອກວ່າຮູ້ສຶກດີນຳເຮົາ ຢ່າຫຼົງໄປເຂົ້າໃຈຜິດວ່າເຂົາຮັກເຮົາເດີ້,​ ແມ່ນຢູ່ວ່າການທີ່ຮູ້ສຶກດີເປັນຈຸດເລີ່ມຕົ້ນຂອງຮູ້ສຶກຮັກ, ແຕ່
“ການທີ່ເຂົາຮູ້ສຶກດີ ກໍ່ບໍ່ໝາຍຄວາມວ່າ ເຂົາຈະຮູ້ສຶກຮັກ ”

 

ບັນເທີງ