ບັນເທີງ

ມາເບິ່ງ 9 ເຫດຜົນທີ່ຄົນສ່ວນໃຫ່ຍຍັງໂສດຈົນເຖິງທຸກມື້ນີ້

ມາເບິ່ງ 9 ເຫດຜົນທີ່ຄົນສ່ວນໃຫ່ຍຍັງໂສດຈົນເຖິງທຸກມື້ນີ້

1. ໂສດ ເພາະອົກຫັກຕະຫຼອດຈົນບໍ່ກ້າຮັກໄຜອີກ ຄົນປະເພດນີ້ ແມ່ນເຈິເລື່ອງລາວຂອງຄວາມຮັກມາແບບຜິດຫວັງຕະຫຼອດ, ຍາມໃດກໍ່ເຈັບ ຍາມໃດກໍ່ບໍ່ສົມຫວັງ, ເລີຍເມື່ອຍທີ່ຈະເລີ່ມຕົ້ນນັບໜຶ່ງໃໝ່, ກໍ່ເລີຍຂໍຢູ່ແບບໂສດໆ.

2. ໂສດ ເພາະໃຜກະຄິດວ່າມີແຟນແລ້ວ ໂສດປະເພດນີ້ ແມ່ນໂສດແບບບໍ່ໄດ້ຕັ້ງໃຈ, ໃນສາຍຕາຄົນອຶ່ນໆ ຄິດວ່າເຮົາມີແຟນແລ້ວ, ໄປງານຄົນດຽວກະວ່າເຮົາຕັ້ງບໍ່ເອົາໄປນຳ, ເຮົາບອກວ່າໂສດ ກໍ່ຫາວ່າເຮົາເລືອກຫຼາຍ (ເວົ້າຫຍັງໄປກະບໍ່ເຊື່ອກັນເລີຍ).

3. ໂສດ ເພາະຍັງລໍຖ້າໃຜບາງຄົນ ໂສດ ປະເພດນີ້ແມ່ນ ຢູ່ໃນຊ່ວງເວລາທີ່ໄປຫຼົງຮັກໃຜຈັກຄົນໜຶ່ງແລ້ວ ເຂົາຜູ້ນັ້ນມີຄົນຮູ້ໃຈ ແລ້ວ ຫຼື ເຂົາຄົນນັ້ນຍັງບໍ່ພ້ອມ, ກໍ່ເລີຍຖ້າ ແລະ ຢຸ່ເປັນໂສດໄປກ່ອນ.

4. ໂສດ ເພາະຍັງບໍ່ພ້ອມທີ່ຈະມີໃຜເທື່ອ ໂສດ ປະເພດນີ້ແມ່ນໂສດແບບຍັງບໍ່ພ້ອມຈະມີຄູ່, ອາດຈະຍ້ອນເລື່ອງການຮຽນ, ເລື່ອງວຽກງານ, ເລື່ອງຄອບຄົວ, ແລະ ກໍ່ເລື່ອງທີ່ຫາກະອົກຫັກມາໃໝ່ໆ. ຫຼື ບາງທີກະອາຍຸຍັງບໍ່ຮອດເລີຍບໍ່ຂໍຮັບປາກ ເປັນແຟນກັບໃຜ.

5. ໂສດ ເພາະໜ້າຕາບໍ່ດີບໍ່ມີໃຜມັກ ອັນນີ້ເອີ້ນໂສດແບບ ວາດສະໜາພາສ້າງ, ໂທດຫຍັງບໍ່ໄດ້. ນອກຈາກຊອກເທັກນິກການແຕ່ງໂຕ ແລະ ນິໃສໃຈຄໍມາຊ່ອຍດຶງຂື້ນ.

6. ໂສດ ເພາະຍັງບໍ່ເຈິ ຄົນທີ່ຖືກໃຈ ໂສດແບບນີ້ເອີ້ນວ່າ ບໍ່ຖືກໃຈບໍ່ເອົາ, ເພາະບາງທີວາດສະໜາກັ່ນແກ້ງ, ເຈິບາງຄົນທີ່ຄິດວ່າຈະແມ່ນແລ້ວ, ແຕ່ເບິ່ງໃຈກັນໄປໄລຍະໜຶ່ງຮູ້ສຶກວ່າຍັງບໍ່ແມ່ນ, ຍັງມີຫຼາຍອັນບໍ່ເຂົ້າກັນ, ເລີຍຂໍທີ່ຈະເປີດໃຈເບິ່ງຄົນໃໝ່ໄປອີກ ກະເລີຍເຮັດໃຫ້ໂສດ.

7. ໂສດ ເພາະຄົນທີ່ເຂົ້າມາລົມ ປຽບດັ່ງສາຍລົມທີ່ພັດມາແລ້ວຈາງຫາຍໄປ ໂສດແບບນີ້ກໍ່ງົງໆ ກັບໂຕເອງ, ບາງຄັ້ງກະເບິ່ງຄືມີຫຼາຍຄົນເຂົ້າມາ, ເຂົ້າມາກະຄືແຕ່ຕອນທຳອິດ, ຖັດມາອີກໜ້ອຍໜຶ່ງ ການສົນທະນາກັນ, ການລົມກັນ ກະໜ້ອຍລົງ ແລະ ຈາງຫາຍໄປ, ຈາກທີ່ເຄີຍລົມກັນໝົດມື້, ກໍ່ເຫຼືອພຽງ ສະບາຍດີຕອນເຊົ້າ, ເຮັດຫຍັງຢູ່, ກິນເຂົ້າລະ…. . ແລະ ກະຫາຍໄປເທື່ອລະໜ້ອຍ, ສຸດທ້າຍກະຈາກໄປຊື່ໆ ກະປານກັບສາຍລົມທີ່ພັດມາພໍໃຫ້ເຢັນ ແລ້ວກໍ່ພັດຈາກໄປ.

8. ໂສດເພາະຢູ່ຄົນດຽວຮູ້ສຶກດີ ໂສດແບບນີ້ເອີ້ນວ່າໂສດແບບບໍ່ແຄໃຜ, ເຄີຍໄດ້ຍິນບໍ່ວ່າມີແຟນລະມັກມີຂອບເຂດ, ຢາກໄປໃສກະຍາກ, ຊິແນມໃຜກະບໍ່ໄດ້, ຖ້າຫັ້ນ ຖ້ານີ້,ເຮັດນັ້ນເຮັດນີ້ກະຕ້ອງໄດ້ຢູ່ໃນຂອບເຂດ ເຫັນແລ້ວອຶດອັດ, ກະເລີຍຂໍຢູ່ແບບໂສດນິແລະ ເປັນອິດສະຫຼະດີ, ຢາກໄປໃສກະໄປ.

9. ໂສດ ເພາະຍັງຢາກເລືອກ ຊ່ຳແຟນເອົາຍາມໃດກໍ່ໄດ້ ໂສດ ປະເພດນີ້ຄືໂສດແບບໝັ້ນໃຈຕົວເອງ(ເກີນ)ສ່ວນໃຫ່ຍຈະເປັນຄົນທີ່ຍັງມັກຫຼີ້ນ, ມັກທ່ຽວຢູ່ ຍັງບໍ່ຢາກຜູກມັດ, ຍັງດັງໃນໂລກອອນລາຍ, ຍັງມີຫຼາຍ ຄົນທີ່ມາຈີບແຕ່ກະຂໍເລືອກກ່ອນ, ເພື່ອຈະໄດ້ເອົາດີເລີດ ກ່ວາບັນດາໝູ່ໆໃນກຸ່ມ, ບາງເທື່ອໂຊກດີກໍ່ໄດ້ດັ່ງໃຈໝາຍ (ແຕ່ລະວັງໃນຕອນທ້າຍໆ ສ່ວນໃຫ່ຍຄົນປະເພດນີ້ຈະໄດ້ຄົນອາຍຸແກ່ທີ່ເອົາໃຈເກັ່ງ ແລະ ຕື້ເກັ່ງ, ບາງທີຮອດຍາມຢາກໄດ້ແທ້ໆ ກັບບໍ່ມີໃຜໃຫ້ເອົາເລີຍ).

ທັງໝົດ 9 ຂໍ້ທາງເທິງນີ້, ເປັນເຫດຜົນສ່ວນໃຫ່ຍໆ ທີ່ ສັງເກດຈາກບັນດາຄົນໃນອອ້ມໆຂ້າງທີ່ຍັງໂສດຈົນເຖິງປະຈຸບັນ ອາດຈະຍັງມີຫຼາຍເຫດຜົນ, ຫຼາຍຄົນ, ຫຼາຍປະເພດ ທີ່ແຕກຕ່າງໄປ. ເອົາເປັນວ່າໃຜຖືກຂໍ້ໄດແນ່ກໍ່ມາລາຍງານໂຕໃຫ້ຟັງກໍ່ແລ້ວກັນ.