ຂໍ້ຄິດ

ມາຮູ້ຈັກ 5 ນິໄສຂອງເມຍທີ່ຈະເຮັດ ໃຫ້ຜົວຮັກ ແລະ ເກງໃຈ ທີ່ສຸດ

ມາຮູ້ຈັກ 5 ນິໄສຂອງເມຍທີ່ຈະເຮັດ ໃຫ້ຜົວຮັກ ແລະ ເກງໃຈ ທີ່ສຸດ

1. ບໍ່ດ່າ ບໍ່ຮ້າຍ ໃຊ້ຄວາມງຽບສະຫງົບ : ຜູ້ຊາຍ 1 ໃນ 90% ລ້ວນແຕ່ບອກເປັນສຽງດຽວກັນວ່າ ຄວາມສຳພັນຂອງຄູ່ຜົວເມຍຫລັງແຕ່ງດອງກັນມາດົນນັ້ນ ສິ່ງທີ່ເຮັດໃຫ້ທັງສອງຢູ່ດ້ວຍກັນໄດ້ກໍແມ່ນຄວາມຮັກ, ຄວາມດີ, ຄວາມເຫັນໃຈ ແລະ ຄວາມຜູກພັນຕໍ່ກັນ ທ່ີເຮັດໃຫ້ຄົນສອງຄົນຢູ່ນຳກັນຍືນຍາວ, ແຕ່ຫາກເມຍເປັນແມ່ຍິງທີ່ມີນິໄສປະເພດຊູຊີ, ຈຸກຈິກ, ລຳລິລຳໄລ ເວລາຈະອອກໄປຫາໝູ່ແລ້ວໂທນຳ ຫລື ອາດເຖິງຂັ້ນນຳໄປເບິ່ງກໍມີ ເຊິ່ງເປັນນິໄສຊວນເຮັດໃຫ້ຜິດກັນ ແລະ ເວົ້າບໍ່ຮູ້ເລື່ອງແບບນີ້ ຫາກເປັນກ່ອນແຕ່ງດອງກໍອາດເຖິງຂັ້ນເລີກລາກັນເລີຍ, ແຕ່ຖ້າເປັນຫລັງແຕ່ງດອງອາດເປັນສາເຫດເຮັດໃຫ້ຜູ້ຊາຍຮູ້ສຶກເບື່ອຊີວິດຄູ່ໄວຂຶ້ນ ສະນັ້ນ ແມ່ຍິງຈົ່ງຮູ້ໄວ້ວ່າແມ່ຍິງທີ່ສະຫງົບນິ້ງ ໜ້າຢ້ານທີ່ສຸດສຳລັບຜູ້ຊາຍ ເພາະເຂົາຈະບໍ່ຮູ້ວ່ານາງຄິດຫຍັງ ແລະ ຜູ້ຊາຍກໍມັກຈະຢ້ານແມ່ຍິງແບບນີ້ກັນທຸກຄົນ.

2. ເຮັດໜ້າທີ່ເມຍບໍ່ຂາດຕົກບົກພ່ອງ, ບໍ່ເມົາແຕ່ຈັບຜິດ : ຜູ້ຊາຍບາງຄົນທີ່ມີນິໄສເຈົ້າຊູ້ກ່ອນແຕ່ງດອງນັ້ນ ຫລັງຈາກແຕ່ງ ດອງແລ້ວຍ່ອມເປັນທຳມະດາທີ່ເມຍຈະລະແວງວ່າຜົວອາດຈະຍັງບໍ່ຖິ້ມນິໄສເກົ່າ, ແຕ່ການທີ່ທ່ານພະຍາຍາມນຳຫຶງນຳຫວງ ຈອບແຕ່ຈະຈັບຜິດເຊົາ ກໍບໍ່ໄດ້ເຮັດໃຫ້ຄວາມສຳພັນຮັກຂອງທ່ານທັງສອງປ່ຽນໄປໃນທາງທີ່ດີຂຶ້ນ ຫລື ຜູ້ຊາຍຈະຢຸດນິໄສແບບນີ້ໄປໄດ້ດອກ ເພາະແນວໃດຜູ້ຊາຍກໍຄືຜູ້ຊາຍ ການໃຫ້ອິດສະຫລະໄປພ້ອມກັບຄວາມໄວ້ເນື້ອເຊື່ອໃຈຈະຜູກມັດໃຈເຂົາໄວ້ໄດ້ຫລາຍກ່ວາ ເຊິ່ງແນວໃດເຂົາກໍແມ່ນຄົນຂອງທ່ານ ຫາກທ່ານເຮັດໜ້າທີ່ເມຍທີ່ດີທັງເລື່ອງນອເຮືອນ ແລະ ໃນເຮືອນ ຜົວຍ່ອມຕ້ອງຮັກ ແລະ ຮູ້ສຶກເກງໃຈ ຈະເຮັດຫຍັງກໍຕ້ອງຄິດເຖິງທ່ານແນ່ນອນ ເຊິ່ງໂຕທ່ານເອງກໍຈະມີຄວາມສຸກຫລາຍກ່ວານຳລະແວງ, ເມື່ອຜູ້ຊາຍມີຂອງດີຢູ່ໃນມືແນວໃດກໍກັບມາຕາຍຮັງເກົ່າຢູ່ແລ້ວ.

3. ເປັນພື້ນທີ່ຄວາມສຸກສຳຫລັບເຂົາສະເໝີ : ເທິງພື້ນຖານຂອງຄວາມຮັກ ເຮົາມັກຈະຢາກເຫັນຄົນທີ່ເຮົາຮັກປະສົບຄວາມ ສຳເລັດ ແຕ່ຫາກບໍ່ໄດ້ເປັນດັ່ງທີ່ເຂົາຄິດ ຫລື ທ່ານຄິດໄວ້ ມີຄົນໜຶ່ງກ້າວພາດຂຶ້ນມາ ທ່ານທີ່ເປັນຄູ່ຊີວິດກໍຄວນຈະເປັນພື້ນທ່ີຄວາມ ສຸກນ້ອຍໆໃຫ້ແກ່ກັນ ແລະ ກັນ ບໍ່ແມ່ນຊຳ້ເຕີມ ຫລື ເວົ້າບັ່ນທອນຈິດໃຈອີກຝ່າຍ ເຊິ່ງຜູ້ຊາຍທີ່ຢູ່ກັບເມຍມາດົນຍອມຮັບວ່າ ການຜ່ານຄວາມຍາກລຳບາກມານຳກັນ ຜູ້ຊາຍຈະຮັກ ແລະ ພັກດີຕໍ່ເມຍ ບໍ່ກ້າເຮັດຫຍັງໃຫ້ຮູ້ສຶກເສຍໃຈ.

4. ຜູ້ຊາຍມັກທີ່ເມຍເປັນຜູ້ຍິງເກັ່ງ : ຜູ້ຊາຍມີນິໄສຄືກັນແມ່ນບໍ່ມັກມີພາລະ, ກຽດຄ້ານຮັບຜິດຊອບ ເຊິ່ງແມ່ຍິງເກັ່ງຈະເຮັດໃຫ້ ເຂົາຮູ້ວ່ານາງຊ່ວຍຫຍັງເຂົາໄດ້ແທ້, ແມ່ຍິງເກັ່ງນັບແຕ່ຄວາມສາມາດສ່ວນໂຕ, ວຽກເຮືອນ, ວຽກນອກເຮືອນ, ກິດຈະວັດປະຈຳວັນ ຈົນໄປເຖິງເລື່ອງເພດສຳພັນ ພວກເຂົາຈະຫາໃຜເປັນແບບນາງບໍ່ພົບອີກແລ້ວ, ແຕ່ກໍຕ້ອງບໍ່ເກັ່ງເກີນໄປຄືກັນ ເຊິ່ງການເຮັດວຽກເກັ່ງ ຫລື ເຂັ້ມແຂງຈົນເກີນໜ້າເກີນຕາຜົວແບບທີ່ບໍ່ຕ້ອງເພິ່ງພາຫຍັງເຂົາເລີຍ ກໍລະນີນີ້ເບິ່ງຄືຈະດີ ແຕ່ເຊື່ອຫລືບໍ່ວ່າມັນເຮັດໃຫ້ຄວາມຮັກສັ່ນຄອນມາຫລາຍແລ້ວ ເພາະໂດຍນິໄສເລິກໆຂອງຜູ້ຊາຍແລ້ວ ເຂົາກໍບໍ່ມັກຄວາມເສຍປຽບ ເຖິງຈະມັກໃຫ້ຜູ້ຍິງຂອງຕົນເອງເປັນແມ່ຍິງເກັ່ງ, ແຕ່ແມ່ຍິງກໍຕ້ອງມີໄລຍະອ່ອນແອເພື່ອໃຫ້ເຂົາຮູ້ສຶກວ່າໂຕເອງເພິ່ງພາໄດ້ຄືກັນ.

5. ຜູ້ຊາຍເຖິງຈະເຈົ້າຊູ້ປານໃດກໍແພ້ຄວາມດີ : ອັນນີ້ແມ່ນທີ່ສຸດຂອງທີ່ສຸດແລ້ວ ເຖິງໃຫ້ເຈົ້າຊູ້ປານໃດ ກໍຈະມາຈົບຊີວິດລົງ ດ້ວຍຄຳນີ້, ແຕ່ຕ້ອງດີໃຫ້ຖືກຈຸດນຳ ເຊັ່ນ : ເອົາໃຈໃສ່ບໍ່ເຄີຍປ່ຽນ, ອ່ອນໂຍນ, ລຳບາກມານຳກັນ, ບໍ່ເຄີຍຮ້າຍໃສ່ ເຖິງວ່າຊີວິດຈະພົບເລື່ອງຫຍຸ້ງຍາກປານໃດ ນາງກໍຍັງຢູ່ຄຽງຂ້າງສະເໝີ ອັນນີ້ບໍ່ວ່າຈະໄປຮອດໃສ ສຸດທ້າຍກໍຕ້ອງກັບມາທຸກຄົນ.

ບອກເລີຍວ່າການປະຄັບປະຄອງຊີວິດຄູ່ໃຫ້ຮັກກັນຍາວນານກໍບໍ່ງ່າຍຄືກັນ ແລ້ວຖ້າຈະໃຫ້ຝ່າຍໜຶ່ງຝ່າຍໃດເຮັດໃຫ້ຢູ່ຝ່າຍດຽວກໍບໍ່ໄດ້ ຖ້າຢາກໃຫ້ຄວາມຮັກໝັ້ນຄົງຍືນຍາວ ທັງຜົວ ແລະ ເມຍ ຕ້ອງຈູງມືຍ່າງໄປນຳກັນ ເພາະບໍ່ພຽງແຕ່ເວລາຈະເປັນໂຕພິສູດຄວາມຮັກຢ່າງດຽວ ແນ່ນອນຊີວິດຫລັງແຕ່ງດອງຍັງມີບົດຮັກໃຫ້ພິສູດອີກຫລວງຫລາຍ ບໍ່ແມ່ນແຕ່ເລື່ອງຄວາມເຈົ້າຊູ້ຢ່າງດຽວ.