ບັນເທີງ

ມາວິເຄາະເບີ່ງ ຄຳວ່າ “ລືມແຟນເກົ່າ” ໄດ້ແລ້ວ ແລ້ວເຮົາລືມໄດ້ແທ້ ຫຼື ບໍ່?

ມາວິເຄາະເບີ່ງ ຄຳວ່າ “ລືມແຟນເກົ່າ” ໄດ້ແລ້ວ ແລ້ວເຮົາລືມໄດ້ແທ້ ຫຼື ບໍ່?

ເຊື່ອວ່າຫຼາຍຄົນຄົນເຄີຍມີຄວາມຮັກ ເກີດຈາກການ ແອບຮັກ ລົມກັນຈົນໄດ້ເປັນແຟນກັນກັບໃຜຄົນໃດຫນື່ງ ເມື່ອຄວາມຮັກເຫຼົ່ານັ້ນມັນມາເຖີງຈຸດອີ່ມຕົວ ເຊີ່ງປັດໄຈມີຫຼາຍສາເຫດ ບາງຄູ່ ເບື່ອກັນ ຍ້ອນນິໄສໃຈຄໍ ຄວາມຄິດທີ່ແຕກຕ່າງກັນ ຕ່າງຄົນຕ່າງບໍ່ຍອມກັນ ແລະ ບາງຄູ່ ອີກຝ່າຍປ່ຽນໄປ ຍ້ອນມີຄົນໃຫມ່ ແລະ ອື່ນໆ ມີຫລາຍສາເຫດ.

ເມື່ອມາເຖີງຈຸດເຫຼົ່ານີ້ແລ້ວ ກໍຕ້ອງໄດ້ເລີກລາກັນ ບາງຄູ່ ອີກຝ່າຍຍັງຮັກ ແຕ່ອີກຝ່າຍໝົດຮັກແລ້ວ ເລີຍຈົບຄວາມສຳພັນກັນ ແຕ່ອີກຝ່າຍທີ່ຍັງຮັກ ມັກຈະຈົດຈຳຄວາມຊົງຈຳທີ່ມີຕໍ່ກັນ ບາງຄົນເຄີຍຮອດວາງແຜນອະນາຄົດຮ່ວມກັນ ເຮັດໃຫ້ເຈັບປວດຫຼາຍ

ເມື່ອເລີກກັນໄດ້ໄລຍະໜື່ງ ມີບາງຄົນລະບາຍໂພສຕ໌ວ່າ ລືມແຟນເກົ່າໄດ້ແລ້ວ ບາງຄົນກໍວ່າ ແຟນເກົ່າກໍປຽບເຫມືອນສົ້ນຕິນ ພຽງໄດ້ຍິນຊື່ລາວກໍຂັດຫູແລ້ວ

ນະທີ່ນິ້ຕາມຄວາມຂອງແອັດເອງ ແລະ ຄວາມເປັນຈິງ ຄຳວ່າລືມແຟນເກົ່າໄດ້ແລ້ວ 100% ມັນເປັນຄົງເປັນໄປບໍ່ໄດ້ ເມື່ອມີໃຜຈັກຄົນເຄີຍເຂົ້າມາໃນຊີວິດຊິລືມໄດ້ຄາດ 100 ບໍ່ມີດອກ ພຽງແຕ່ວ່າເມື່ອເວລາຜ່ານໄປຫຼັງຈາກເລີກກັນ ເຮົາອາດຈະບໍ່ຮັກ ບໍ່ຄິດຮອດ ບໍ່ຫ່ວງ ບໍ່ຫວງ ບໍ່ຫືງເຂົາແລ້ວຄືກັບຕອນຄົບກັນ

ນັ້ນລະເອີ້ນວ່າລືມ ແຕ່ທີ່ຈິງບໍ່ແມ່ນລືມດອກ ຢ່າງທີ່ວ່າລະ ໃຜຈັກຄົນເຂົ້າມາໃນຊີວິດບໍ່ມີມື້ລືມໄດ້ ພຽງບໍ່ຮັກລາວຄືເກົ່າ ບໍ່ຄິດຮອດລາວຄືເກົ່າ ເທົ່ານັ້ນລະ ແລະ ຍອມຮັບຄວາມເປັນຈິງໃນສີ່ງທີ່ເກີດຂື້ນ ການປ່ຽນແປງດັ່ງກ່າວ

ສະຫຼຸບວ່າ ຄຳວ່າ ລືມແຟນເກົ່າ ແມ່ນເປັນຄຳທີ່ຜິດ ລືມແນວໃດໄດ້ ບໍ່ແມ່ນແບບຂໍ້ມູນເມື່ອບໍ່ຢາກຈຳລະກະລົບອອກໄດ້ ຖ້າເຮັດແບບນັ້ນໄດ້ຊິໃຊ້ຄຳວ່າລືມ ອາດແມ່ນ.

ທິ່ເວົ້າມາຂ້າງເທີ່ງນັ້ນແມ່ນຄວາມຄິດສ່ວນຕົວ ຖ້າຜິດພາດປະການໃດກໍຂໍອະໄພນະບ່ອນນີ້ ຖ້າຫາກວ່າໃຜມີຄວາມຄິດເຫັນແນວໃດທີ່ແຕກຕ່າງສາມາດສະແດງຄວາມຄິດເຫັນໄດ້ເດີ.