ຂໍ້ຄິດ

ພໍ່ແມ່ນັ້ນລະ ຄືສີ່ງສັກສິດ ທີ່ຄວນເຄົາລົບ ແລະ ບູຊາ ທ່ານທີ່ສຸດ ລູກຄົນໃດເຮັດດີ ຊີວິດຈະເລີນ

ພໍ່ແມ່ນັ້ນລະ ຄືສີ່ງສັກສິດ ທີ່ຄວນເຄົາລົບ ແລະ ບູຊາ ທ່ານທີ່ສຸດ ລູກຄົນໃດເຮັດດີ ຊີວິດຈະເລີນ

ໃນໂລກນີ້ບໍ່ມີສີ່ງໃດ ທີ່ສັກສິດເທົ່າພໍ່ແມ່ຂອງເຮົາອີກແລ້ວ ເພາະທ່ານໃຫ້ຊີວິດແກ່ເຮົາ

ລູກໆຈະເຕີບໂຕໄດ້ໃຫຍ່ສູງໄດ້ ກໍຕ້ອງມີພໍ່ແມ່ນີ້ລະດູແລຍາມເດັກ ກວ່າເຮົາຈະໃຫຍ່ມາໄດ້ທຸກມື້ນີ້ ເຮົາຕ້ອງຄອຍໃຫ້ພໍ່ແມ່ຄ່ອຍຊ່ວຍເຫຼືອຢູ່ຕະຫຼອດ

ສະນັ້ນພໍ່ແມ່ກໍປຽບເໝືອນຜູ້ໃຫ້ຊີວິດແກ່ເຮົາ ແລະ ເຮັດໃຫ້ເຮົາເຕີບໃຫຍ່ ແລະ ທີ່ຢູ່ລອດມາໄດ້ທຸກມື້ນີ້ ກໍຍ້ອນມີພໍ່ແມ່ເປັນຄົນລ້ຽງດູປະຄອງຊີວິດມາຕະຫຼອດ

ແຕ່ລູກບາງຄົນກັບບໍ່ສົນໃຈພໍ່ແມ່  ແຖມບາງຄັ້ງບໍ່ເຮັດໃຫ້ພໍ່ແມ່ສະບາຍໃຈເລີຍ ມີແຕ່ເຮັດໃຫ້ພໍ່ແມ່ເປັນທຸກ ແຖມບາງຄົນເຮັດໃຫ້ພໍ່ແມ່ເສຍຫນ້າຕາ ເສຍຊື່ສຽງວົງຕະກຸນ

ລູກບາງຄົນເຄີຍກາບ ແຕ່ພຣະພຸດທະຮູບ ແລະ ພຣະສົງມາຕະຫຼອດ ແຕ່ກັບບໍ່ເຄີຍກາບພໍ່ແມ່ ບໍ່ເຄີຍຂໍພອນຈາກພໍ່ແມ່ ບໍ່ເຄີຍຂໍຂະມາພໍ່ແມ່ ທີ່ທ່ານຜູ້ມີບຸນແກ່ເຮົາ ໃຫ້ຊີວິດແກ່ເຮົາ

ທີ່ຈິງແລ້ວ ພໍ່ແມ່ກໍຄືພຣະໃນບ້ານເຮືອນ ທີ່ເຮົາສາມາດ ເຄົາລົບບູຊາ ໃຫ້ຄວາມຮັກ ຄວາມອົບອຸ່ນ ຂອງເຮົາຕໍ່ທ່ານໄດ້ເຕັມທີ

ຫາກວັນນີ້ທ່ານຍັງມີພໍ່ແມ່ ຂໍໃຫ້ນຶກເຖີງທ່ານໄວ້ ແລະ ຕອບແທນບຸນຄຸນທ່ານ ຂາບ ກາບທ່ານ ຂໍຂະມາລາໂທດ ຂໍພອນຈາກພໍ່ແມ່ ຕອນທີ່ຍັງມີໂອກາດເຮັດ ກ່ອນທີ່ທຸກຢ່າງມັນຈະສາຍເກີນໄປ

ມາຄິດຕອບແທນບຸນຄຸນທ່ານ ຕອນທີ່ທ່ານຈາກໄປແລ້ວ ມັນອາດຈະໄດ້ຢູ່ ແຕ່ບໍ່ໄດ້ດີເທົ່າຕອບແທນລາວ ຕອນຍັງມີຊີວິດຢູ່

ຝາກເຖີງລູກໆທຸກຄົນ ພໍ່ແມ່ຄືພຣະອໍລະຫັນໃນເຮືອນ ຢ່າໄປເຫັນຄົນອື່ນດີກວ່າພໍ່ແມ່ ຈົ່ງເຮັດດີກັບພໍ່ແມ່ຫຼາຍໆແລ້ວຊີວິດນີ້ຈະ ຈະເລີນກ້າວໜ້າຍີ່ງໆຂື້ນ.