ຜູ້ຕິດເຊື້ອຄົນທີ່ 11 ອາດເຮັດໃຫ້ຫຼາຍ 100 ຄົນຕິດເຊື້ອ ໂຄວິດ-19 ຍ້ອນຕົນບໍ່ຍອມກັກຕົວ

ຜູ້ຕິດເຊື້ອຄົນທີ່ 11 ອາດເຮັດໃຫ້ຫຼາຍ 100 ຄົນຕິດເຊື້ອ ໂຄວິດ-19 ຍ້ອນຕົນບໍ່ຍອມກັກຕົວ

ຜູ້ຕິດເຊື້ອຄົນທີ່ 11 ອາດເຮັດໃຫ້ຫຼາຍ 100 ຄົນຕິດເຊື້ອ ໂຄວິດ-19 ຍ້ອນຕົນບໍ່ຍອມກັກຕົວ

ພາບປະກອບຂ່າວເທົ່ານັ້ນ

ໃນວັນທີ 5 ເມສາ 2020 ທີ່ຜ່ານມາ, ທ່ານ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ພ້ອມດ້ວຍ ທ່ານຫົວໜ້າສູນອານາໄມ ແລະ ຮອງຜູ້ອໍານວຍການໂຮງໝໍມິດຕະພາບ, ໄດ້ຕາງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ ໂຄວິດ-19 ໄດ້ຖະແຫລງຢ່າງເປັນທາງການວ່າ: ໄດ້ກວດພົບຜູ້ຕິດເຊື້ອພະຍາດໂຄວິດ ເພີ່ມອີກ 1 ຄົນ ເປັນເພດຊາຍ, ອາຍຸ 55 ປີ ສັນຊາດ ປາປົວນິວກີນີ ແລະ ເປັນພະນັກງານບໍລິສັດພູເບ້ຍ, ໂດຍຜູ້ກ່ຽວໄດ້ເດີນທາງ ມາຈາກປະເທດດັ່ງກ່າວ, ຜ່ານ ສິງກະໂປ ໃນວັນທີ 21 ມີນາ ແລະ ພັກຢູ່ສິງກະໂປໃນວັນທີ 22 ມີນາ, ວັນທີ 23 ມີນາ ເດີນທາງເຂົ້າມາລາວ ຜ່ານສະໜາມບິນປະເທດໄທ ແລະ ເຂົ້າພັກຢູ່ໂຮງແຮມຄລາວພລາຊາ ໃນວັນດຽວກັນ.

ພາບປະກອບຂ່າວເທົ່ານັ້ນ

ວັນທີ 25 ມີນາ 2020 ເດີນທາງດ້ວຍລົດຂອງບໍລິສັດ ໄປພູເບ້ຍມາຍນິງ ແລະ ມີ 11 ຄົນທີ່ໄດ້ໃກ້ຊິດ, ພ້ອມທັງໄດ້ພົວພັນກັບຄົນ ຢູ່ບ່ອນເຮັດວຽກປະມານ 100 ຄົນ. ວັນທີ 3 ເມສາ 2020 ໄດ້ເລີ້ມມີອາການໄຂ້, ໄອ, ເຈັບຄໍ, ເຈັບຫົວ, ວັນທີ 4 ເມສາ 2020 ເວລາ 10:00 ໂມງໄດ້ເຂົ້າມາກວດຢູ່ໂຮງໝໍມິດຕະພາບ ໄດ້ເກັບຕົວຢ່າງມາກວດ ແລະ ພົບວ່າຕິດເຊື້ອໂຄວິດ-19, ເຊິ່ງນັບເປັນຄົນຕ່າງປະເທດກໍລະນີທໍາອິດ ທີ່ກວດພົບເຊື້ອພະຍາດດັ່ງກ່າວຢູ່ລາວ ແລະ ເປັນຜູ້ຕິດເຊື້ອລາຍທີ 11 ຢູ່ປະເທດລາວເຮົາ. ປັດຈຸບັນຜູ້ກ່ຽວ, ແມ່ນນອນປິ່ນປົວຢູ່ຫ້ອງແຍກປ່ຽວ ໂຮງໝໍມິດຕະພາບ.

ພາບປະກອບຂ່າວເທົ່ານັ້ນ

ຈະເຫັນວ່າ, ຜູ່ກ່ຽວມາຮອດລາວ ວັນທີ 23 ມີນາ ທີ່ຕ້ອງກັກຕົນເອງ 14 ມື້ ແຕ່ພັດວ່າເດີນທາງໄປເຮັດວຽກ ໃນວັນທີ 25 ມີນາ ໄດ້ມີການພົບ ແລະ ພົວພັນກັບຄົນອື່ນຫຼາຍກວ່າ 100 ຄົນ. ເຊິ່ງຕອນນີ້ ຜູ່ທີ່ໃກ້ຊິດ ແລະ ພົວພັນ ອາດມີຄວາມສ່ຽງຕິດເຊື້ອຈໍານວນຫຼາຍ. ດັ່ງນັ້ນ, ຮຽກຮ້ອງ ໃຫ້ທຸກຄົນ ທີ່ໄດ້ພົວພັນ, ໃກ້ຊິດ ເຊັ່ນ: ພະນັກງານໂຮງແຮມ, ຄົນຂັບລົດ, ພະນັກງານພູເບ້ຍມາຍນິງ ຕ້ອງໄດ້ກັກຕົນເອງດ່ວນ ແລະ ລາຍງານໃຫ້ສາຍດ່ວນ 165 ຫຼື 166 ໂດຍດ່ວນ.

ພາບປະກອບຂ່າວເທົ່ານັ້ນ

 

ຂ່າວ