ບັນເທີງ

ຜູ້ຍີງຢ່າພາດຕ້ອງຮູ້ ! 6 ຈຸດເດັ່ນທີ່ຜູ້ຊາຍສົນໃຈມັກແນມຫຼາຍທີ່ສຸດ

ຜູ້ຍີງຢ່າພາດຕ້ອງຮູ້ ! 6 ຈຸດເດັ່ນທີ່ຜູ້ຊາຍສົນໃຈມັກແນມຫຼາຍທີ່ສຸດ ວ່າແຕ່ຈະມີຫຍັງນັ້ນມາເບີ່ງດັ່ງເລີຍ :

1. ຜີວພັນ : ພຽງແຕ່ຜີວດີກໍ່ມີໄຊໄປກວ່າເຄິ່ງແລ້ວ ຢ່າງທີ່ຮູ້ໆກັນວ່າຄ່ານິຍົມຂອງຫນຸ່ມສ່ວນຫລາຍຈະມັກຜູ້ຍິງຜີວຂາວໃສ ນວນນຽນ ເບິ່ງມີອໍລ້າ ເອີ້ນວ່າເຖິງຫນ້າຕາຈະທໍາມະດາ ແຕ່ພຽງມີຜີວຂາວນຽນລະອຽດ ກໍ່ສາມາດຊະນະໃຈຫນຸ່ມໆໄດ້ແລ້ວ ແຕ່ສາວໆທີ່ມີຜີວຄໍ້າ ຫລື ຜີວສອງສີກໍ່ຢ່າຟ້າວນ້ອຍໃຈ ຢ່າໄປສ່ຽງອັນຕະລາຍດ້ວຍການສີດຜີວຂາວເລີຍ ເພາະເຖິງແມ່ນຜີວຈະບໍ່ຂາວ ແຕ່ຖ້າຮູ້ຈັກດູແລຜີວພັນໃຫ້ສຸກຂະພາບດີ ເປັ່ງປັ່ງຢູ່ສະເຫມີ ຢ່າໃຫ້ແຫ້ງແຕກ ຫລື ມີຮ່ອງຮອຍສີວຝ້າ ເທົ່ານີ້ກໍ່ເອີ້ນວ່າມີຜີວງາມໄດ້ບໍ່ແພ້ໃຜ ແຕ່ຕ້ອງບໍ່ລືມໃຊ້ຄີມບໍາລຸງ ຄີມກັນແດດ ແລະ ອາຫານທີ່ມີປະໂຫຍດຕໍ່ສຸກຂະພາບຜີວ

2. ຜົມ : ຄົງບໍ່ມີຫນຸ່ມຄົນໃດມັກສາວທີ່ມີຜົມແຫ້ງເສຍແຕກປາຍ ຖ້າສາວໆເປັນຄົນມັກດັດ ຢືດ ຍ້ອມຜົມ ເຮັດເຄມີປະຈໍາແລ້ວບໍ່ດູແລສຸກຂະພາບຜົມ ນອກຈາກຈະເຮັດໃຫ້ຜົມເສຍ ຜົມຫລົ່ນ ຈັດຊົງຍາກແລ້ວ ຍັງເຮັດໃຫ້ເຮົາບຸກຄະລິກບໍ່ດີອີກດ້ວຍ ດັ່ງນັ້ນຕ້ອງບໍ່ລືມດູແລຮັກສາສຸກຂະພາບເສັ້ນຜົມໃຫ້ນຸ້ມ ແລະ ເງົງາມຢູ່ສະເຫມີ

3. ຫນ້າເອິກ : ຫນ້າເອິກຫນ້າໃຈຂອງສາວໆນີ້ແຫລະທີ່ເປັນຈຸດສົນໃຈຂອງຫນຸ່ມໆເຂົາເລີຍ ແຕ່ສາວໆບໍ່ຈໍາເປັນຕ້ອງລົງທຶນເຈັບໂຕໄປຂື້ນຂຽງໃຫ້ຫມໍຜ່າ ບໍ່ຈໍາເປັນຕ້ອງໄປອັບໄຊໃຫ້ມີຂະຫນາດ 36,38 ກໍ່ໄດ້ ເພາະຜູ້ຊາຍທີ່ມີລົດນິຍົມດີໆເຂົາກໍ່ບໍ່ໄດ້ມັກຜູ້ຍິງທີ່ມີຫນ້າເອິກຫນ້າໃຈໃຫຍ່ເວີ້ເກີນໂຕສະເຫມີໄປ ແຕ່ດູແລໃຫ້ຫນ້າເອິກເປັນຊົງງາມ ກະຊັບອວບອຶມກໍ່ພໍແລ້ວ

4. ດວງຕາ : ເພາະດວງຕາເປັນຫນ້າຕ່າງຂອງຫົວໃຈ ເວລາເຮົາເບິ່ງເທິງໃບຫນ້າໃຜກໍ່ມັກຈະໃຫ້ຄວາມສົນໃຈກັບດວງຕາຫລາຍກວ່າສ່ວນອື່ນໆສະເຫມີ ເວລາຫນຸ່ມໆເຂົາເບິ່ງເຮົາກໍ່ຄືກັນ ດັ່ງນັ້ນການຮັກສາຜີວພັນຮອບດວງຕາກໍ່ສໍາຄັນ ນອກຈາກຈະຕ້ອງເຂົ້ານອນໃຫ້ເປັນເວລາ ແລະ ນອນຫລັບພັກຜ່ອນໃຫ້ພຽງພໍ ຕາຈະໄດ້ບໍ່ຄໍ້າ ບໍ່ເບິ່ງໂຊມເປັນຫມີແພນດ້າ ສາວໆຄວນທາຄີມບໍາລຸງຮອບດວງຕາຢ່າງສະຫມໍ່າສະເຫມີ

5. ຂາ : ເວລາສາວໆໃສ່ໂສ້ງຂາສັ້ນ ຫນຸ່ມໆເຂົາກໍ່ມັກເບິ່ງກັນເປັນທໍາມະດາ ເພາະຂາທີ່ຍາວລຽວສວຍງາມ ກໍ່ເປັນຈຸດສົນໃຈຫລັກໆທີ່ສາມາດດຶງດູດຫນຸ່ມໆໄດ້ດີເຊັ່ນກັນ ດັ່ງນັ້ນສາວໆທີ່ໂຕສູງ ແລະ ມີຂາລຽວຍາວກໍ່ມັກຈະໄດ້ປຽບຢູ່ສະເຫມີໃນຈຸດນີ້ ທີ່ສໍາຄັນຂາຕ້ອງເບິ່ງມີນໍ້າມີນວນ ກະຊັບ ໂດຍປາສະຈາກໄຂມັນສະສົມ ຫລື ເຊວລູໄລກວນໃຈ

6. ບັ້ນທ້າຍ : ສະໂພກງາມໆ ບັ້ນທ້າຍເດັ້ງໆ ບໍ່ແມ່ນພຽງແຕ່ຜູ້ຊາຍເທົ່ານັ້ນທີ່ມັກ ຜູ້ຍິງເອງກໍ່ຍັງມັກເລີຍ ເພາະນອກຈາກເລື້ອງຫນ້າເອິກແລ້ວ ຄວາມໂຄ້ງເວົ້າຂອງສະໂພກນີ້ແຫລະ ທີ່ສາມາດສ້າງສະເຫນ່ເຢົ້າຢວນໃນແບບຂອງເພດແມ່ໄດ້ຢ່າງແທ້ຈິງ