ປະເພດແຟນເກົ່າ ທີ່ເຮົາບໍ່ຄວນເສຍດາຍ ແລະ ດີແລ້ວທີ່ໄດ້ອອກຈາກຊີວິດຂອງຄົນປະເພດນີ້

ປະເພດແຟນເກົ່າ ທີ່ເຮົາບໍ່ຄວນເສຍດາຍ ແລະ ດີແລ້ວທີ່ໄດ້ອອກຈາກຊີວິດຂອງຄົນປະເພດນີ້

ປະເພດແຟນເກົ່າ ທີ່ເຮົາບໍ່ຄວນເສຍດາຍ ແລະ ດີແລ້ວທີ່ໄດ້ອອກຈາກຊີວິດຂອງຄົນປະເພດນີ້

ລອງອ່ານເບິ່ງ ເພື່ອເຈົ້າທີ່ກຳລັງຄິດລືມແຟນເກົ່າຢູ່, ລອງສົມທຽບວ່າແຟນເກົ່າເຮົານອນຢູ່ໃນປະເພດນີ້ບໍ່, ສົມທຽບເບິ່ງເພື່ອຈະໄດ້ຊ່ອຍລືມແຟນເກົ່າໄດ້ຫຼາຍຂື້ນ.

1. ແຟນເກົ່າທີ່ນິໃສ ຫຼາຍໃຈ,ມັກນອກໃຈໄປມີຄົນໃໝ່ : ບຸກຄົນແນວນີ້ເກັບໄວ້ກໍ່ເປັນໜາມແທງໃຈ, ແມ່ນຢູ່ວ່າເຄີຍຮັກ, ເລີກກັນໄປກໍ່ດີແລ້ວແຫຼະ, ເພາະວ່າຫຍັງ ? ເພາະວ່າເກັບໄວ້ດົນໆໄປເຮົາຮັກເຂົາຫຼາຍຂື້ນ ຫຼື ຈົນເຖິງຂັ້ນແຕ່ງງານກັນ, ມີລູກນຳກັນ ແລ້ວເຂົາໄປມີຄົນອື່ນເດ? ຮອດຕອນນັ້ນເຮົາແຮ່ງຈະເຈັບຫຼາຍຊ່ຳໃດ ? ແລ້ວຈັກເທື່ອລະ ທີ່ເຮົາຈະເສຍໃຈຍ້ອນມັນ ? ສະນັ້ນ ບໍ່ຄວນເສຍດາຍເລີຍ, ແຮ່ງດີຊ້ຳທີ່ຕັດມັນອອກໄປຈາກຊີວິດ, ຕັດໄຟແຕ່ຕົ້ນລົມ, ໄດ້ປ່ອຍມານຫົວໃຈໄປກັດກິນຄົນອື່ນແທນ ຮະຮະ

2. ແຟນເກົ່າທີ່ຂີ້ເຫຼົ້າ, ຕິດການພະນັນ, ຫຼີ້ນໃພ້,ຂີ້ຢາ… ສາລະພັດ : ບຸກຄົນປະເພດນີ້ ບໍ່ຄວນເກັບໄວ້ໃກ້ໂຕ, ເຄີຍຄິດຢູ່ຫວາ ວ່າຄົນຕິດເຫຼົ້າ, ຕິດຢາ, ຕິດການພະນັນ.. ນັ້ນຈະຮູ້ຈັກທ້ອນເງິນ ? ມັນຈະພາເຮົາໄປກັບອະນາຄົດທີ່ຈະເລີນ ສົດໃສ ? ການພະນັນ, ເຫຼົ້າ, ຢາ… ປຽບສະເໝືອນໄຟໃໝ້ເລົ້າເຂົ້າ, ມີຫຍັງກໍ່ໝົດວອດວາຍໄປກັບມັນ. ນອກຈາກຊິເຮັດໃຫ້ເຈົ້າຕົກຕ່ຳລົງແລ້ວ, ເມົາຢາ, ເມົາເຫຼົ້າ ມັກເຮັດໃຫ້ຄົນຂາດສະຕິ, ຕິດການພະນັນກໍ່ເຮັດໃຫ້ໝົດໂຕ… ແລ້ວມື້ໜຶ່ງມັນຕ້ອງມາຢືມເງິນເຮົາ… ແລ້ວເຮົາກໍ່ຈະຫາເງິນໃຫ້ມັນໃຊ້ ?ລອງຄິດໃຫ້ດີວ່າເຂົາຮັກເຮົາແທ້ ຫຼື ພຽງແຕ່ຕ້ອງການເງິນ? ເປັນຕາເອົາມາເປັນຄູ່ຊີວິດບໍ່ລະ ?

3. ແຟນເກົ່າທີ່ບ້າເລື່ອງວຽກ : ໂທຫາຍາມໃດກໍ່ຄາວຽກ, ແຊັດກັນກໍ່ວ່າຄາວຽກ, ຊວນໄປໃສກະວ່າຄາວຽກ… ທັງໆທີ່ເປັນມື້ພັກ. ຖ້າເຈົ້າເປັນຄົນຕ້ອງການຄວາມອົບອຸ່ນຈາກແຟນ, ເປັນຄົນຕິດແຟນ, ຕ້ອງການຄວາມຮັກ ແລະ ກຳລັງໃຈ… ກໍ່ຄວນຍ່າງໜີ ແລະ ລືມຄົນແບບນີ້ໄປໄດ້ເລີຍ, ໄປນຳກັນກໍ່ໄປບໍ່ລອດດອກ. ຍາມໃດກະ ວຽກ, ວຽກ, ວຽກ…. ບາງທີບໍ່ມີວຽກກໍ່ເອົາວຽກມາບັງໜ້າ ແລ້ວ ຫາທາງໄປທາງອື່ນ.. ຄົນແບບນີ້ຈະບໍ່ເຄີຍແຄ ຄວາມຮູ້ສຶກເຮົາເລີຍ. ຖ້າຕັດໃຈໄດ້ກໍຄວນເປີດໂອກາດໄປຫາສິ່ງທີ່ດີກວ່າ, ຢ່າຈົມກັບຄວາມທຸກກາຍບໍ່ສະບາຍໃຈ.

4. ແຟນເກົ່າທີ່ຢູ່ດີໆກໍ່ມິດໄປເລີຍ : ຫຼາຍຄົນຄົງເຄີຍເຈິ ຄົນປະເພດນີ້, ທີ່ວ່າຄົບກັນຢູ່ດີໆ ມິດ ແລະ ຫາຍສາບສູນໄປເລີຍ. ຄືແບບວ່າບໍ່ໄດ້ຜິດກັນ, ບໍ່ໄດ້ຊັງກັນ, ມີຫຍັງກະບໍ່ບອກ ບໍ່ເວົ້າໃຫ້ຟັງຈັກຄຳ…ເຫຼືອໃຫ້ເຮົາພຽງຄຳດຽວຄື ງົງ… ງົງແລະເຮັດໃຫ້ເຮົາຕ້ັງຄຳຖາມວ່າ “ກູເຮັດຫຍັງຜິດ ?” ເຮົາບໍ່ໄດ້ເຮັດຫຍັງຜິດກະບໍ່ໄດ້ວ່າຊິໄປງ້ໍໄປສົນໃດ໋ ເນາະ, ແລ້ວມັນກໍ່ຫາຍສາບສູນໄປເລີຍ.. ລອງຄິດພາບເບິ່ງວ່າສົມມຸດແຕ່ງງານກັນໄປແລ້ວ ຢູ່ດີໆບໍ່ມານອນເຮືອນ, ໄປໃສກະບໍ່ຮູ້, ໂທຫາບໍ່ຮັບ… ແລ້ວກໍ່ຫາຍໄປເລີຍເດ ? ຜູ້ເສຍຫາຍແມ່ນໃຜລະ ?ກະເຮົາຮັບເຕັມໆ.. ຕອນທີ່ຍັງມຶນງົງຢູ່ແນວນີ້ກໍ່ໃຫ້ງົງມີສະຕິ ຄືບໍ່ຕ້ອງໄປຄາດຫວັງຫຍັງນຳຄົນປະເພດນີ້, ບໍ່ຕ້ອງໄປເດົາວ່າເຂົາຈະເປັນແນວນັ້ນ, ແນວນີ້.. ມີແຕ່ຄິດວ່າ ຖ້າເຂົາຮັກເຮົາ, ເຂົາບໍ່ເຮັດແບບນີ້ກັບເຮົາດອກ, ເຮັດແບບນີ້ກໍ່ເປັນການບອກເລີກເຮົາແບບບໍ່ມີສຽງ, ບອກເລີກແບບໃຊ້ການກະທຳ. ເປັນການບອກເລີກອີກປະເພດໜຶ່ງທີ່ຄົນແປກໆກະເຈົ້າມັກເຮັດ. ສະນັ້ນ, ບໍ່ຄວນໄປເສຍດາຍ ຫຼື ເສຍເວລາ ແລະ ເສຍໃຈທີ່ຖືກເລີກ. ໃຫ້ຄິດສາວ່າ ເລີກໄດ້ກະດີ ຈື່ງຈະບໍ່ທຸກໃຈໃນອະນາຄົດ.

5. ແຟນເກົ່າ ທີ່ມັກເຊັກ Rating ຫຼົງໂຕເອງວ່າກຳລັງດັງ : ປະເພດນີ້ເປັນຕາຈິກກອກຈັກບາດເນາະ, ຄົນປະເພດນີ້ບໍ່ມັກຮັກຈິງ, ແຕ່ລະມື້ມີແຕ່ເຊັກ ເຫຼດຕິ້ງ ໂຕເອງ, ຊິຮັກກໍ່ບໍ່ຮັກ, ຊິບອກເລີກກໍ່ບໍ່ບອກ, ຊິຖິ້ມກໍ່ບໍ່ຖິ້ມ, ກັກຄວາມສຳພັນໃວ້ ແລ້ວ ໃຫ້ຄວາມຫວັງໄປວັນໆ. ບາງທີກໍ່ຄິດອີ່ຕົນຢູ່ ວ່າຄົນປະເພດນີ້ເບິ່ງຄືເປັນຄົນຂາດຄວາມອົບອຸ່ນ, ຕ້ອງການຄວາມຮັກ ຄວາມເອັນດູ ຈາກຄົນນັ້ນ ຄົນນີ້. ແຕ່ເຮົາກໍ່ປ່ອຍໃຫ້ເຂົາເຮັດແບບນັ້ນຕໍ່ໄປ, ບໍ່ຄວນໄປເສຍເວລາ, ເສຍດາຍ ຫຍັງກັບຄົນປະເພດນີ້, ເຮັດຕາມທີ່ເຮົາສະບາຍໃຈກໍພໍ.

6. ແຟນເກົ່າປະເພດ ໂຕກິນເງິນ : ຕອນລົມກັນໃໝ່ໆ ເຮັດມາໃຈສະປອດ, ຊື້ນັ້ນຊື້ນີ້ມາໃຫ້, ພາໄປກິນເຂົ້າ, ພາໄປຫຼີ້ນບ່ອນຄັກໆ.. ດົນໄປກະເຮົາຮັກແລ້ວກໍ່ມາເລີ່ມເຜົາຜານເງິນຄຳເຮົາ. ໄປໃສກະວ່າ ອອກກ່ອນເດີ້ດຽວມື້ໜ້າໃຊ້, ຢາກໄດ້ອັນນີ້ເວີ້ຍ ແຕ່ບໍ່ມີເງິນ, ຢາກໄປກິນບ່ອນນີ້, ຢາກໄປທ່ຽວບ່ອນນັ້ນ… ແຕ່ຮອດຕອນຈົກເງິນຈ່າຍລະນັ່ງເສີຍ.. ແບບນີ້ບໍ່ໃຫວ, ບໍ່ຄວນໄປເສຍດາຍຫຍັງ, ເຖິງຈະໜ້າຕາດີກໍ່ຢ່າເຖາະ. ຢູ່ກັນໄປກໍ່ມີແຕ່ດຶງເຮົາຈົມລົງດິນ. ບໍ່ຄວນໄປເສຍດາຍ.

7. ແຟນເກົ່າປະເພດ ຕິດໝູ່ : ແມ່ນຢູ່ວ່າຄົນທີ່ຮັກໝູ່, ຕິດໝູ່ ເປັນຄົນດີ, ແຕ່ມັນຜິດຫຼາຍບໍ່ ? ຖ້າບໍ່ຮູ້ຈັກແຍກວ່າອັນໃດໝູ່ ອັນໃດແຟນ ? ມີຫຍັງກະໝູ່, ຖືກເລກກະເອີ້ນໝູ່, ໄປຫຼີ້ນກະເອີ້ນໝູ່ໄປຕະຫຼອດ, ເຮັດຫຍັງໜ້ອຍໜຶ່ງກະແຄຣ໌ ໝູ່ກ່ອນ.. ປະເພດແບບມີຫຍັງໜ້ອຍໜຶ່ງກະຄິດເຫັນໝູ່ກ່ອນ, ແຟນນິເອົາໄວ້ຕາມຫຼັງ. ຖ້າເຈິແບບນີ້ກໍຄວນ ປ່ອຍໃຫ້ເຂົາໄປກັບໝູ່ເຂົາກ່ອນ, ເບິ່ງລາວຄືຊິບໍ່ພ້ອມມີແຟນດອກ. ຖ້າຮັກກັນແລ້ວບໍ່ມີຫຍັງພິເສດ ແລະ ເຮັດໃຫ້ເຮົາບໍ່ເປັນສຸກ ກໍ່ບໍ່ຄວນໄປເສຍດາຍຫຍັງຫຼາຍ, ຖອຍອອກມາຫາສິ່ງໃໝ່ໆຈະດີກວ່າ.

8. ແຟນເກົ່າປະເພດຄວາມຮັກອິ່ມໂຕ : ຄືຮັກກັນໄປໄລຍະໜຶ່ງແລ້ວ ກໍ່ເລີ່ມປ່ຽນຈາກຝ່າມືເປັນຫຼັງມື, ຖ້າເຮົາຖາມເຮົາສໍ້ຫຍັງຫຼາຍກໍ່ເວົ້າໃຫ້ ແລະ ເປັນຂໍ້ອ້າງໃນການບອກເລີກ, ປະເພດນີ້ຄືໄວຣຸ້ນລາວເຮົາເຈິຫຼາຍສຸດ,ແລະ ສົ່ງມາປຶກສານຳແອັດມິນຫຼາຍທີ່ສຸດເຊັ່ນກັນ. ເຫດຜົນເພາະ ໝົດຮັກ, ບໍ່ຢາກຄົບຕໍ່, ໄປກັນບໍ່ໄດ້, ມີແຟນໃໝ່… ມີຫຼາຍໆຢ່າງທີ່ເຮັດໃຫ້ຢາກເລີກລາກັນໄປ, ຄົນທີ່ໝົດຮັກກໍ່ຈາກໄປ ແບບ ສະບາຍໃຈ, ຄົນທີຍັງບໍ່ໝົດຮັກຫັ້ນຕິ ຢູ່ລຳບາກ… ສະນັ້ນ, ຖ້າເຮົາເຈິແບບນີ້, ເຂົາຖິ້ມເຮົາໄປແບບນີ້, ຄວາມຮັກທີ່ມີໃຫ້ກັນມັນກາຍເປັນແບບນີ້ ກໍ່ຄວນຈະຍອມຮັບ, ທຳໃຈ, ເພາະຝືນຫຍັງໄປກໍ່ບໍ່ໄດ້ຫຍັງກັບມາ. ເຮົາບໍ່ຄວນໄປເສຍໃຈອາໄລອາວອນ ໃຫ້ເສຍເວລາ, ເຂົາຢາກໄປກໍ່ໃຫ້ເຂົາໄປ, ຄິດສາວ່າຖ້າເປັນຄູ່ກັນແທ້ບໍ່ເປັນແບບນີ້ດອກ, ບາງຄົນຄິດເສຍດາຍຍັງພະຍາຍາມໄປດຶງເຂົາໄວ້, ດຶງກໍ່ດຶງໄດ້ແຕ່ໂຕ, ໃຈເຂົາກໍ່ບໍ່ຢູ່ແລ້ວ, ສະນັ້ນ, ຄວນປ່ອຍໄປ, ອາດຈະທຳໃຈໄດ້ຍາກ, ແຕ່ໃຊ້ເວລາຈັກໜ້ອຍກໍ່ອາດຈະດີຂື້ນ. ບໍ່ຄວນໄປເສຍດາຍເດີ້.

9. ແຟນເກົ່າປະເພດ ຮັກແທ້ແພ້ໃກ້ຊິດ, ຢູ່ໄກກັນ : ດຽວນີ້ກຳລັງເປັນຫຼາຍເຕີບ, ບາງຄົນບໍ່ເຫັນກັນ, ຫຼື ເຫັນກັນໜ້ອຍດຽວ, ຢູ່ຄົນລະແຂວງ, ຄົນລະປະເທດ.. ແຊັດກັນໄປແຊັດກັນມາລະວ່າ ຂໍເປັນແຟນກັນເອົາຊື່ໆ.. ຫຼື ບໍ່ກໍ່ແບບ ຄົບກັນສະໃໝຮຽນ ຈົບໄປ ກໍ່ກັບບ້ານໃຜລາວ, ຝັ່ງນັ້ນກໍ່ໃຫ້ກັບ, ຝັ່ງນີ້ກໍ່ບໍ່ໃຫ້ໄປ.. ກືນບໍ່ເຂົ້າ ຄາຍກໍ່ບໍ່ອອກ, ກະເລີຍຕ້ອງໄດ້ເລີກກັນເອົາຊື່ໆ, ຫຼື ບາງຄົນກໍ່ຄົບກັນດີໆ, ວັນໜຶ່ງ ຝ່າຍໜຶ່ງໄດ້ໄປຮຽນຕ່າງຖິ່ນ, ຕ່າງປະເທດ, ແລ້ວກະໄດ້ຢູ່ໄກກັນ, ສຸດທ້າຍຄົນທີ່ໃກ້ຊິດກໍ່ໄດ້ໃຈໄປຄອງ.. ເວນກຳ. ເຮົາມາລອງຕັ້ງສະຕິ ຄິດເບິ່ງງ່າຍໆ:

– ສຳລັບຄົນໄປຮຽນຕ່າງປະເທດ: ຖ້າຮັກກັນ ເປັນຫຍັງບໍ່ໄວ້ໃຈກັນ, ເປັນຫຍັງຕ້ອງແພ້ທາງໃຫ້ຄົນອື່ນລະ ???

– ສຳລັບຄົນທີ່ຮຽນຈົບ ແລ້ວ ກັບບ້ານ, ມາຢູ່ນຳກັນບໍ່ສະດວກ: ອັນນີ້ ມີກໍລະນີທີ່ຍ່ອຍອອກໄປອີກ ຄື ບາງຄົນມີເງື່ອນໃຂຢູ່ໄດ້ ກໍ່ບໍ່ຍອມຢູ່, ທັງໆທີ່ອີກຝ່າຍມີເງື່ອນໄຂໄປໃສບໍ່ໄດ້,ອັນນີ້ກໍ່ຂື້ນກັບຄວາມຮັກລະ, ຖ້າເຂົາຮັກແທ້ເຂົາກໍ່ຄວນຢູ່, ຖ້າບໍ່ຮັກກໍຄວນປ່ອຍໄປຢ່າເສຍດາຍ. ອີກກໍລະນີໜຶ່ງແມ່ນຕ່າງຝ່າຍຕ່າງເປັນລູກຄົນດຽວ, ໄປກະໄປບໍ່ໄດ້ ອັນນີ້ກໍຄວນທຳໃຈເພາະ ຢູ່ກັນໄປກໍ່ບໍ່ໃດ້.

ຄືຖ້າເຮົາອົກຫັກຍ້ອນເຈິແບບນີ້, ກໍ່ບໍ່ຄວນໄປເສຍດາຍ, ເພາະຈັ່ງໃດກໍຢູ່ໄກກັນ, ຖ້າຈິດໃຈໝັ້່ນຄົງ, ຮັກແທ້, ບໍ່ຄອນແຄນ.. ກໍໜ້າຈະສົມຫວັງເອງ, ຫຼື ຖ້າເປັນເນື້ອຄູ່ກັນແທ້ ກໍ່ຫາກໄດ້ກັນເອງດອກ, ສະນັນ ຢ່າໄປຄິດເສຍດາຍອາໄລອາວອນຫຍັງເລີຍ.

10. ແຟນເກົ່າປະເພດແຟນເກົ່າ ໃຈຮ້ອນ, ວື່ວ່າ, ເອົາເຮົາເປັນໂຕລະບາຍ : ເຮັດຫຍັງບໍ່ຖືກ ດ່າ,ໂວຍວາຍ, ບາງຄັ້ງຈົນລົງມື ຕີ… ແບບມີຫຍັງໜ້ອຍໜຶ່ງກໍ່ຂື້ນສຽງ, ໃຈຮ້າຍ.. ອາດຈະເຈິສຳລັບຄົນທີ່ເຄີຍຢູ່ນຳກັນມາໄລຍະໜຶ່ງ ແລ້ວເຈິແບບນີ້. ຄົນປະເພດນີ້ເຮົາກໍ່ບໍ່ຄວນໄປເສຍດາຍເລີຍ, ແມ່ນຢູ່ວ່າຍາມດີກະດີ, ບາດເວລາມີບັນຫາຫຍັງມາ, ບໍ່ພໍໃຈຫຍັງ, ໃຈຮ້າຍໃຫ້ໃຜລະມາລົງທີ່ເຮົາ, ບາງທີກໍ່ດຶກນັ້ນດຶກນີ້ຖິ້ມ.. ອາດຈະເຮັດໃຫ້ເຮົາອັນຕະລາຍໄດ້. ສະນັ້ນໄດ້ຖອຍອອກມາຖືວ່າໂຊກດີສຸດໆແລ້ວ ບໍ່ຄວນໄປອາໄລອາວອນຫຍັງໃຫ້ເສຍເວລາອີກເລີຍ..

ທັງໝົດນີ້ເປັນ 10 ປະເພດສ່ວນໃຫ່ຍ ທີ່ແອັດມິນເອົາມາຝາກ. ອັນທີ່ຈິງແລ້ວມີຫຼາຍກ່ວານີ້, ແຕ່ຂໍຄັດເລືອກມາ 10 ປະເພດ, ເອົາມາຫຼາຍຄົນ
ເອົາເປັນວ່າ ລອງອ່ານໆເບິ່ງ, ມັນອາດຊ່ອຍເຮົາໄດ້ຫຼາຍໃນການຕັດສິນໃຈເລີກລາ, ແລະ ອາດຊ່ອຍຄົນທິ່ກຳລັງອົກຫັກ ທຳໃຈຢູ່.. ເຖິງຈະເຈິຫຍັງກໍ່ຂໍໃຫ້ທຸກຄົນມີສະຕິ, ແລະ ກຳລັງໃຈສູ້ຕໍ່ໄປ. ທີ່ຂຽນມາກໍ່ອາດຈະຖືກ ແລະ ບໍ່ຖືກປົນເປກັນໄປ, ຄວນໃຊ້ວິຈາລະນະຍານໃນການອ່ານ.

 

ບັນເທີງ