ບັນເທີງ

ບາງຄົນເໝາະກັບການເກີດມາໃຫ້ເຮົາຮັກ ແຕ່ໄດ້ເກີດມາໃຫ້ເຮົາຄອບຄອງເພື່ອຄູ່ກັບເຮົາ

ແນ່ນອນ ບາງຄົນເໝາະກັບການເກີດມາໃຫ້ເຮົາຮັກ ແຕ່ໄດ້ເກີດມາໃຫ້ເຮົາຄອບຄອງເພື່ອຄູ່ກັບເຮົາ

ຄວາມຮັກອາດບໍ່ເຄີຍປ່ຽນຄຸນຄ່າ ເວລາບໍ່ເຄີຍປ່ຽນໃຜ ຄົນຕ່າງຫາກທີ່ປ່ຽນໄປ ເພາະຄົນມັນໝົດໃຈອັນໃດມັນກໍປ່ຽນແປງໄດ້ ໃນຊີວີດເຮົາກໍຕ້ອງມີຄົນທີ່ເຂົ້າມາເຮັດໃຫ້ເຮົາຮູ້ສຶກປະທັບໃຈ  ເຖີງວ່າຈະບໍ່ແມ່ນເລື່ອງ່າຍເລີຍທີ່ເຮົາຈະໄດ້ພົບ ແລະ ຄົນນັ້ນຈະຕ້ອງສາມາດຕອບຕົວເອງໄດ້ວ່າເປັນຄົນທີ່ຕາມຫາມາຕະຫຼອດ ແລະ ກໍຍາກພໍໆຢູ່ກັບການທີ່ເຮົາຕ້ອງຕັດສິນໃຈ

ຄວາມຮັກເປັນຄວາມຮູ້ສຶກ ທີ່ບາງຄັ້ງກໍຢູ່ນອກເໜືອການຄວບຄຸມຂອງຄວາມຄິດ ເຮົາຈຶ່ງສາມາດຮູ້ສຶກໄດ້ຮັກໂດຍໃຊ້ຫົວໃຈຮັກ  ແຕ່ຂະນະດຽວກັນການສະແເດງອອກ ແລະ ການກະທຳຕ່າງໆ ກັບຕ້ອງໃຊ້ສະໝອງ ແລະ ຫົວໃຈໄປພ້ອມໆກັນ ເຊີ່ງຫົວໃຈຈະຄອຍບອກວ່າຮັກໄດ້ ເພາະມີສິດທີ່ຈະໄດ້ຮັກ

ແຕ່ສະໝອງບອກວ່າຮັກແລ້ວສາມາດສະແດງອອກໄດ້ສ່ຳໃດນັ້ນຢ່າລືມວ່າຄົນບາງຄົນເກີດມາໃຫ້ເຮົາຮັກໄດ້ແຕ່ບໍ່ໄດ້ເກີດມາໃຫ້ເຮົາໄດ້ຄອບຄອງ ເປັນຂອງເຮົາ ແລ້ວເຮົາຈະເຮັດໄດ້ບໍ ຍອມຮັບໄດ້ບໍທີ່ຕ້ອງຮັກແບບບໍ່ໄດ້ຮຽກຮ້ອງ ບໍ່ຕອ້ງການຮັກຕອບກັບມາກໍໄດ້ ຮັກເພາະຮູ້ສຶກຮັກ ເພາະວ່າຮັກເຕັມຕື້ນໃນຫົວໃຈ ແລ້ວ ເຮົາຍອມຮັບໄດ້ບໍ່ ຕ້ອງປ່ອຍຄົນທີ່ຮັກມີຊີວິດໃນແບບຂອງເຂົາເປັນຢູ່ໂດຍທີ່ບໍ່ມີເຮົາ ຢູ່ບົນເສັ້ນທາງຂອງເຂົາ

ໃນຂະນະທີ່ຄວາມຮັກຂອງເຮົາກຳລັງດຳເນີນໄປໃຫ້ຄວາມຖືກຕ້ອງຍີ່ງໃຫຍ່ຢູ່ໃນສະໝອງ ໃຫ້ຄວາມຮັກງົດງາມຢູ່ໃນຫົວໃຈຕະຫຼອດໄປ ເຮົາຍອມແບບນັ້ນບໍ່ ບາງຄັ້ງຫຼາຍຄົນຖາມຕົວເອງແບບນີ້

ແຕ່ເຮົາກໍບໍ່ສາມາດເຮັດຫຍັງໄດ້ຫຼາຍໄປກວ່າການແອບຮັກ ແອບຊືນຊົມເຂົາໄປວັນໆ ເຊີ່ງມັນກໍມີຫຼາຍກໍລະນີ ທີ່ບໍ່ລົງຕົວທີ່ຕອບສະໜອງຕໍ່ຄວາມຮູ້ສຶກ ທີ່ຈະຕ້ອງບອກໃຫ້ເຂົາໄດ້ຮູ້ ວ່າເຮົາຮັກເຂົາ ເຊິ່ງມີຫຼາຍກໍນີ ທັງຖານະຄວາມແຕກຕ່າງການດຳລົງຊີວິດ ຮູບຮ່າງໜ້າຕາ ອັນນີ້ຢູ່ໃນໂໝດແອບຮັກ.

ແຕ່ຖ້າຢູ່ໃນໂໝດການເປັນແຟນກັນແລ້ວ ກໍຕ້ອງເຂົ້າໃຈງ່າຍໆວ່າ ມີຫຼາຍຢ່າງທີ່ບໍ່ລົງຕົວ ຈຳເປັນຕ້ອງປ່ອຍໃຫ້ເຂົາໄປພົບຄົນທີ່ດີກວ່າຢູ່ກັບເຮົາ ເຖີງເຮົາຈະຮັກເຂົາຫຼາຍປານໃດກໍຕາມ ກໍຕ້ອງຍອມໃຫ້ເຂົາມີອະຄົດທີ່ດີ ແລະ ມີຄວາມສຸກ ເຮົາກໍດີໃຈນຳ ເຮົາບໍ່ຄອບຄອງກໍໄດ້ ແຕ່ໃນໃຈເລິກໆເຮົາກໍຢາກໄດ້ຄອບຄອງຢູ່ແລ້ວ ແຕ່ເຮັດຫຍັງໄດ້ບໍ່ຫຼາຍໄປກວ່ານິ້.

 

ເມື່ອອ່ານແລ້ວທຸກຄົນສາມາດແບ່ງປັນໃຫ້ໝູ່ຄູ່ຄົນຮອບຂ້າງໄດ້ຮູ້ນຳດ້ວຍການກົດແຊຣ໌ ຂໍຂອບໃຈ.