ບັນເທີງ

ນິໄສຜູ້ຊາຍມີ 4 ຂໍ້ນີ້ ທີ່ບໍ່ມີວັນນອກໃຈຄົນຮັກຢ່າງແນ່ນອນ ຄືຜູ້ຊາຍທີ່ຮັກຈິງ

ນິໄສຜູ້ຊາຍມີ 4 ຂໍ້ນີ້ ທີ່ບໍ່ມີວັນນອກໃຈຄົນຮັກຢ່າງແນ່ນອນ ຄືຜູ້ຊາຍທີ່ຮັກຈິງ

ຜູ້ຍິງຫຼາຍໆຄົນອາດຈະຕ້ອງເຄີຍເລີກກັບແຟນດ້ວຍເຫດຜົນທີ່ວ່າ ເຂົານອກໃຈ ແຖມຍັງຖີ້ມບາດແຜໄວ້ໃຫ້ໃນໃຈຈົນບໍ່ກ້າທີ່ຈະເຊື່ອໃຈຜູ້ຊາຍຄົນໃດອີກ ແຕ່ແທ້ຈິງແລ້ວ ບໍ່ວ່າໃຜຖ້າຈະຄິດຫາແຟນ ກໍ່ຢາກໄດ້ແຟນທີ່ບໍ່ນອກໃຈເຮົາແຕ່ປັນຫາມັນຢູ່ທີ່ຈະເບິ່ງແບບໃດ ແຕ່ດຽວກ່ອນ ເຖິງແມ່ນວ່າຈະຟັງເປັນເລື່ອງຍາກ ແຕ່ຄວາມຈິງແລ້ວມັນມີຫຼັກການໃນການເບິ່ງຢູ່ ເຮົາໄປເບິ່ງກັນເລີຍ:

1. ໃຫ້ຄວາມສຳຄັນກັບສິ່ງຂອງ : ນິໄສຕໍ່ສິ່ງຂອງເຄື່ອງໃຊ້ ກໍ່ສະແດງໃຫ້ເຫັນເຖິງການປະຕິບັດຕໍ່ຄົນໃກ້ຕົວເຊັ່ນກັນ ລອງກວດສອບເບິ່ງເຄື່ອງໃຊ້ຂອງເຂົາແລ້ວຈະຮູ້ວ່າເຂົາຮັກດຽວໃນດຽວຫລືບໍ່ ເພາະຜູ້ຊາຍທີ່ໃຫ້ຄວາມສຳຄົນກັບສິ່ງຂອງ ກໍ່ມັກຈະໃຫ້ຄວາມສຳຄັນກັບແຟນຂອງເຂົາເຊັ່ນດຽວກັນ ລອງຫາຈັງຫວະ ຢອກຖາມເບິ່ງວ່າເຄື່ອງໂຕນັ້ນໃຊ້ງານມາດົນປານໃດແລ້ວ ຖາມແບບຕົງໆເລີຍ.

2. ມີວຽກທີ່ມັກທີ່ເຮັດມາດົນແລ້ວ : ຄົນທີ່ເຮັດບາງຢ່າງໄດ້ດົນໆ ກັບຄົນທີ່ດຸໜັ່ນປ່ຽນເລື່ອງທີ່ເຮັດໄປຕາມກະແສບໍ່ຕ້ອງບອກກໍ່ນ່າຈະຮູ້ວ່າໃຜເປັນຄົນທີ່ເບື່ອງ່າຍຫຼາຍກວ່າກັນ ບໍ່ວ່າຈະເປັນງານອະດິເລກແບບໃນບ້ານ ຫຼື ນອກບ້ານ ເພາະສິ່ງສຳຄັນຄືເຂົາຕັ້ງໃຈເຮັດວຽກນັ້ນຫຼືບໍ່ ເພາະມັນກໍ່ບໍ່ຕ່າງຈາກເວລາເຂົາເກິດຖືກໃຈ ແລະ ເລືອກສາວຄົນໃດເປັນແຟນຂື້ນມາ ເຂົາກໍ່ຈະບໍ່ປ່ຽນໄປຫາຄົນອື່ນ.

3. ກ້າອອກຄວາມຄິດເຫັນ : ລະວັງຜູ້ຊາຍທີ່ປະຕິເສດຄົນບໍ່ເປັນເອົາໄວ້ໃຫ້ດີ ນັ້ນເພາະເຂົາບໍ່ກ້າປະຕິເສດເມື່ອມີຜູ້ຍິງເຂົ້າມາຫາ ແລ້ວມັກຈະພັດທະນາໄປສູ່ການນອກໃຈໄດ້ ແຕ່ຖ້າເປັນຜູ້ຊາຍທີ່ກ້າອອກຄວາມຄິດເຫັນຂອງຕົວເອງ ມັກກໍ່ບອກວ່າມັກ ບໍ່ມັກກໍ່ບອກວ່າບໍ່ມັກ ມັກຈະບໍ່ນອກໃຈໃຜງ່າຍໆ.

4. ບໍ່ດື່ມສີ່ງມືນເມົາ ແລະ ສີ່ງເສບຕິດ : ເຄື່ອງດື່ມທີ່ເປັນເຫຼົ້າເປັນເບຍ ແລະ ສີ່ງເສບຕິດໃຜໆກໍ່ຮູ້ກັນວ່າເປັນສິ່ງທີ່ດື່ມແລ້ວ ເສບຕິດແລ້ວ ນິໄສຄົນປ່ຽນ ແຖມກໍ່ເລື່ອງໄດ້ຫຼາຍ ສະນັ້ນຜູ້ຊາຍທີ່ເບິ່ງແຍງຕົວເອງດີ ແລະ ບໍ່ດື້ມເຫຼົ້າດື່ມເບຍຈົນຫຼາຍເກີນໄປ ແລະ ບໍ່ເສບສີ່ງເສບຕິດ  ສະແດງໃຫ້ເຫັນວ່າເຂົາຮູ້ຈັກລິດຂອງມັນດີ ແລະ ຈະບໍ່ນອກໃຈແນ່ນອນ ເພາະເຂົາຮູ້ວ່າອັນໃດຄວນບໍ່ຄວນ.