ຄວາມເຊື່ອ

ທ່າຈັບ ແລະ ພິມໂທລະສັບມືຖື ບົ່ງບອກເຖິງນິໄສເລິກໆໄດ້

ທ່າຈັບ ແລະ ພິມໂທລະສັບມືຖື ບົ່ງບອກເຖິງນິໄສເລິກໆໄດ້

ເວລານີ້ເຈົ້າຈັບມືຖືທ່າໃດ ບົ່ງບອກເຖິງນິໄສເລິກໆ ທີ່ເຈົ້າອາດບໍ່ຮູ້ມາກ່ອນໄດ້ ຮູ້ບໍ່ວ່າລັກສະນະທ່າທາງການພິມມືຖືຂອງເຮົານັ້ນສາມາດນຳມາທຳນາຍລັກສະນະນິໄສໄດ້ເດີ ຫຼືແມ້ແຕ່ ຢາກຮູ້ວ່າຄົນທີ່ເຮົາຢາກຮູ້ຈັກເປັນຄົນລັກສະນະນິໄສແນວໃດກໍໃຫ້ລອງສັງເກດຈາກທ່າພິມມືຖືຂອງ ເຂົາຄົນນັ້ນເບິ່ງນີ້ແລະ ຈະໄດ້ປັບຕົວເຂົ້າຫາໄດ້ຖືກ ຂັ້ນເຮົາໄປເບິ່ງກັນດີກວ່າວ່າຄຳທຳນາຍຈະອອກມາເປັນແນວໃດ

+ ທ່າຈັບ ແລະ ພິມ ແບບທີ 1 :

– ນິໄສທີ່ເຊື່ອງໄວ້ : ບ່ອຍຄັ້ງທີ່ເຈົ້າມັກຈະເລືອກທີ່ຈະຢູ່ມິດໆ ແຕ່ນັ້ນບໍ່ແມ່ນເລື່ອງບໍ່ດີ ເພາະມັນຖືເປັນດ້ານທີ່ອົບອຸ່ນຂອງເຈົ້າ ເຈົ້າເບິ່ງເປັນຄົນຊິວໆ ສະບາຍໆ ບໍ່ມັກມີບັນຫາ ຍອມທີ່ຈະເສຍສະຫຼະບໍ່ມັກໃຫ້ໃຜໄດ້ຮັບຄວາມເຈັບປວດສິ່ງທີ່ເຈົ້າຕ້ອງການຄືການອະລຸ່ມອະລ່ວຍ ການເຮັດຕາມຄວາມຝັນແລະ ຂໍຄົນທີ່ເຂົ້າໃຈເຈົ້າກໍພໍ

– ນິໄສດ້ານຄວາມຮັກ : ເຈົ້າບໍ່ມັກຫຍັງທີ່ມັນເວີວັງ ອຶກກະທຶກ ບໍ່ມັກເລື່ອງຫຍັງທີ່ມັກຈະກາຍເປັນບັນຫາໃຫຍ່ຫຼືຕ້ອງປັບຕົວໃຫມ່ຕະຫຼອດ ດັ່ງນັ້ນເຈົ້າຈຶ່ງມັກບັນຍາກາດສະບາຍໆ ທີ່ຕົວເອງຄຸ້ນເຄີຍດີຢູ່ແລ້ວ ສຳລັບເລື່ອງຄວາມຮັກກໍຄືກັນ ເຈົ້າມີຈຸດອ່ອນທີ່ເປັນຄົນຂີ້ໃຈອ່ອນ ແມ້ຈະຖືກທຳຮ້າຍມາແລ້ວ ພຽງແຕ່ຄົນຮັກຍອມຂໍໂທດເຈົ້າກໍອົດບໍ່ໄດ້ທີ່ຈະບອກວ່າບໍ່ເປັນຫຍັງ ແລ້ວໂດຍຢ່າງຍິ່ງເຈົ້າບໍ່ມັກເຫັນນໍ້າຕາ ພໍເຫັນໃຜຮ້ອງໄຫ້ກໍຈະສົງສານ ແລະ ໃຫ້ອະໄພສະເໝີ.

+ ທ່າຈັບ ແລະ ພິມ ແບບທີ 2

– ນິໄສທີ່ເຊື່ອງໄວ້ : ສຳຫຼັບໃຜທີ່ຕົງກັບຂໍ້ນີ້ ເຈົ້າເປັນຄົນທີ່ແອບປ໊ອດຢູ່ນິດໆເປັນຄົນທີ່ບາງຄັ້ງກໍບໍ່ກ້າສ່ຽງແທ້ໆແລ້ວຢາກຈະເຮັດແຕ່ກໍຢ້ານຜິດຫວັງ ຢ້ານເຈັບປວດຢາກຈະຂຶ້ນທີ່ສູງ ແຕ່ກໍຢ້ານຕົກລົງມາ ເພາະເຫດນີ້ເຈົ້າເລີຍເປັນຄົນທີ່ຕ້ອງການກຳລັງໃຈຫຼາຍເປັນພິເສດ ສິ່ງທີ່ເຈົ້າຕ້ອງການຈຶ່ງບໍ່ມີຫຍັງທຽບເທົ່າຄວາມເຂົ້າໃຈ ດັ່ງນັ້ນເຈົ້າຈຶ່ງຢາກຈະພົບໃຜສັກຄົນທີ່ເຂົ້າໃຈເຈົ້າ ຈິງໃຈກັບເຈົ້າ ແລະ ມັກຕົວຕົນຂອງເຈົ້າແທ້ໆ

– ນິໄສດ້ານຄວາມຮັກ: ຄວາມຊົງຈຳທີ່ເຈັບປວດ ມັນຍາກທີ່ຈະເຮັດໃຫ້ເຈົ້ານັ້ນລືມເລືອນໄປໄດ້ ເຈົ້າຈຶ່ງເປັນຄົນທີ່ຄ່ອນຂ້າງຈະລັງເລ ເຊິ່ງແທ້ໆ ແລ້ວເຈົ້າປາຖະໜາຢາກໃຫ້ມີຄົນຢູ່ຂ້າງໆ ແຕ່ຈິດໃຕ້ສຳນຶກກັບສັ່ງຕົວເອງບໍ່ໃຫ້ເຮັດແບບນັ້ນ ເພາະເຈົ້າມັກຈະຮັກອີກຝ່າຍຫຼາຍເກີນໄປ ຈົນບໍ່ຢາກໃຫ້ເຂົາຊັງ ເຖິງແມ້ເຈົ້າຈະຮັກຫຼາຍໆ ແລະ ແທ້ໆ ແລ້ວຢາກຈະໃກ້ຊິດຄົນທີ່ເຈົ້າຮັກຕະຫຼອດເວລາຢາກໃຫ້ເຂົາເອົາໃຈໃສ່ຫຼາຍກວ່ານີ້ ຢາກໃຫ້ເຂົາເຮັດໃຫ້ເຈົ້າ ຮູ້ສຶກດີຫຼາຍກວ່ານີ້ແຕ່ການສະແດງອອກຂອງເຈົ້າກໍອາດຈະອອກມາເປັນວ່າ ເຮັດຄືບໍ່ໄດ້ສົນໃຈ ໃຫ້ອີກຝ່າຍຄິດວ່າເຈົ້າເດີ ແນວໃດກໍໄດ້ ພຽງເພາະວ່າຢ້ານຈະຕ້ອງເຈັບປວດອີກ.

+ ທ່າຈັບ ແລະ ພິມ ແບບທີ 3

– ນິໄສທີ່ເຊື່ອງໄວ້: ເລິກໆ ແລ້ວເຈົ້າເປັນຄົນທີ່ແອບຮຽກຮ້ອງຢູ່ສະເໝີ ເຈົ້າປາຖະໜາທີ່ຈະຖືກປົກປ້ອງ ຖືກປະນິບັດ ຖືກເບິ່ງແຍງເອົາໃຈໃສ່ ແຕ່ທັງນີ້ທັງນັ້ນຕ້ອງດ້ວຍຄວາມຈິງໃຈດ້ວຍ ເຈົ້າມັກຄວາມຮູ້ສຶກທີ່ວ່າໄດ້ຮັບການຍອມຮັບ ແຕ່ບາງຄັ້ງເຈົ້າກໍເບິ່ງຄືຈະເປັນຄົນທີ່ດີເກີນໄປ ບໍ່ຄ່ອຍຕໍ່ຕ້ານຫຼືແຂ່ງຂໍ້ກັບໃຜ ຈຶ່ງມັກຖືກໃຊ້ປະໂຫຍດຢູ່ຕະຫຼອດ ການຈະຊະນະໃຈເຈົ້າໄດ້ນັ້ນບໍ່ແມ່ນເລື່ອງຍາກ ພຽງແຕ່ອີກຝ່າຍຊືສັດກັບອາລົມຂອງເຈົ້າເທົ່ານັ້ນ

– ນິໄສດ້ານຄວາມຮັກ: ເຈົ້າບໍ່ຄ່ອຍສະແດງອອກເທົ່າໃດ ຫຼືບໍ່ກໍເພາະສະແດງອອກບໍ່ເກັ່ງ ຖ້າອີກຝ່າຍເດົາໃຈເຈົ້າ ກໍບໍ່ສາມາດເດົາໃຈໄດ້ຖືກໝົດ ຖ້າອີກຝ່າຍສັງເກດໄດ້ວ່າສິ່ງທີ່ເຈົ້າມັກຫຼາຍມີສາມຢ່າງ ແຕ່ແທ້ໆແລ້ວມັນມີຫ້າ ເພາະເຈົ້າເປັນຄົນບໍ່ຄ່ອຍຕົງໄປຕົງມາກັບຄວາມຮູ້ສຶກ ແລະ ສະແດງອອກມາໄດ້ນ້ອຍກວ່າທີ່ຕົວເອງຮູ້ສຶກແທ້ໆ ເຈົ້າເປັນຄົນປິດບັງຕົວເອງ ບໍ່ແມ່ນວ່າຢາກເຊື່ອງ ຫຼືບໍ່ມີອາລົມ ແຕ່ເປັນເພາະເຈົ້າເຮັດເພື່ອຄວາມຮັກຕ່າງຫາກເລີຍບໍ່ຍອມສະແດງອອກມາ.

+ ທ່າຈັບ ແລະ ພິມ ແບບທີ 4

– ນິໄສທີ່ເຊື່ອງໄວ້: ເຈົ້າບໍ່ແມ່ນຄົນທຳມະດາ ຊິວໆເຖິງບາງຄັ້ງອາດຈະເບິ່ງຄືກໍເທາະ ແຕ່ທີ່ຈິງແລ້ວເຈົ້ານະຮູ້ດີວ່າ ໃຜດີກັບເຈົ້າ ແລ້ວໃຜທີ່ບໍ່ດີກັບເຈົ້າສາມາດແບ່ງແຍກໄດ້ຢ່າງຊັດເຈນ ລວມໄປເຖິງເລື່ອງຄວາມຮັກ ຖ້າເຈົ້າຮັກໃຜຈະຮັກຫຼາຍແລ້ວຖ້າຊັງໃຜກໍຈະຊັງຫຼາຍດ້ວຍ ອີກຢ່າງບາງທີເຈົ້າອາດຈະເປັນຄົນປາກໄວຫຼາຍໄປແດ່ ທັ້ງທີ່ຄວາມຈິງແລ້ວເຈົ້າອາດຈະບໍ່ໄດ້ຄິດຫຍັງແບບທີ່ເວົ້າໄປ ໂດຍເລິກໆ ແລ້ວເຈົ້າປາຖະໜາໃຫ້ໂລກນີ້ສວຍງາມ ມີແຕ່ຄວາມສຸກ

– ນິໄສດ້ານຄວາມຮັກ: ຢ່າງທີ່ບອກວ່າເຈົ້າເປັນຄົນຮັກໃຜຮັກແທ້ ຖ້າຊັງແລ້ວກໍຈະຊັງຫຼາຍ ເຈົ້າຈະເອີ້ນວ່າແຄ້ນໄດ້ເລີຍ ສະນັ້ນໃນເລື່ອງຂອງຄວາມຮັກຫາກເຈົ້າໄດ້ລອງຮັກໃຜ ແລະ ໄດ້ເຊື່ອໃຈໃຜຈັກຄົນແລ້ວ ເຈົ້າຈະເຊື່ອເຂົາຄົນນັ້ນຈົນສຸດຫົວໃຈ ຈົນບາງຄັ້ງຫາກເກີດການຜິດຫຍັງ ມັນກໍຈະເຮັດໃຫ້ເຈົ້າເຈັບຫຼາຍກວ່າຄົນອື່ນ ແຕ່ເຈົ້າກໍມີພະລັງໃນການປ້ອງກັນຕົວເອງສູງຫາກເມື່ອເຈົ້າຖືກທຳຮ້າຍມາຈັກຄັ້ງແລ້ວ ເຈົ້າຈະຈົດຈຳໄປອີກດົນ ແລະ ຕັ້ງໃຈຢ່າງແຮງກ້າວ່າ ຈະບໍ່ມີວັນຖືກທຳຮ້າຍຊໍ້າສອງອີກ ຖ້າຈະເຮັດໃຫ້ກັບໄປເຊື່ອໃຈໄດ້ອີກລະກໍ່…ຍາກ ເຫັນແບບນີ້ແລ້ວເຈົ້າເປັນຄົນທີ່ໃຫ້ຄວາມສຳຄັນ ກັບຄວາມຮູ້ສຶກສຸດໆ ຫາກເຈົ້າຕົກຫຼຸມຮັກໃຜແລ້ວຈະຍອມເສຍສະຫຼະທຸກຢ່າງ ເພາະເຈົ້າເປັນຄົນຮັກແສນດີ ທີ່ຫາໄດ້ຍາກ.