ຂໍ້ຄິດ

ຖ້າລືມເຂົາບໍ່ໄດ້ວ່າເຄີຍຮັກເຂົາ ເຮົາກໍຄວນຈຳເອົາໄວ້ວ່າເຂົາບໍ່ໄດ້ຮັກ ບໍ່ໄດ້ແຄເຮົາເຮົາແລ້ວ

ຖ້າລືມເຂົາບໍ່ໄດ້ວ່າເຄີຍຮັກເຂົາ ເຮົາກໍຄວນຈຳເອົາໄວ້ວ່າເຂົາບໍ່ໄດ້ຮັກ ບໍ່ໄດ້ແຄເຮົາແລ້ວ ເຂົາບໍ່ເຄີຍຮັກເຮົາເລີຍ ຢ່າໄປຄາດຫວັງອີຫຍັງລົ້ມໆແລ້ງໆ

ຄວາມຮັກໃຜໆກໍເຄີຍມີ ແຕ່ຈະມີຈັກຄົນທີ່ເຂັ້ມແຂງ ແລະ ອົດທົນກັບຮັກໃຫ້ຍາວນານຕໍ່ໄປ  ຫຼາຍໆຄົນຄົງເຄີຍຜິດຫວັງກັບຄົນຮັກ ເຊີ່ງມັນກໍເກີດຂື້ນກັບຄົນແທບຈະທຸກຄົນ  ແລະ ມັນກໍສາມາດຜ່ານໄປແທບຈະທຸກຄົນເຊັນກັນ

ຖ້າເຮົາກຳລັງອົກຫັກກັບເລື່ອງຄວາມຮັກທີ່ສ້າງຄວາມສຳພັນມາດົນ ແນ່ນອນເຮົາຕ້ອງໃຊ້ເວລາຈັກໄລຍະໜື່ງ ແຕ່ມັນກະບໍ່ໄດ້ເຮັດໃຫ້ລືມດອກ ແຕ່ທຳໃຈຍອມຮັບສີ່ງທີ່ເກີດຂື້ນໄດ້ ແລະ ຕ້ອງໃຊ້ເວລາເຮົາຈື່ງຈະເຂົ້າໃຈເອງ ສີ່ງທີ່ເກີດຂື້ນຕອນນີ້ມັນສາມາດສອນໃຫ້ເຮົາໄດ້ຮູ້ຫຼາຍເລື່ອງຄວາມກັບຮັກ

ເຮົາຈະຕ້ອງອົດທົນທຸກຢ່າງທີ່ເກີດຂື້ນມັນເປັນບົດຮຽນທີ່ຈະຕ້ອງໄດ້ຮຽນຮູ້  ແລະ ເມື່ອເຮົາເຂົ້າໃຈມັນແລ້ວ ຄວາມທຸກທີ່ມີມັນກໍຈະຫາຍໄປຈາກເຮົາເອງ

ແນ່ນອນຫຼາຍຄົນເມື່ອເລີກກັນກັບແຟນໃໝ່ໆ ຮູ້ສຶກວ່າຕົວເອງໄຮ້ຄ່າ ດູຖູກຕົວເອງ ແລະ ຖາມຕົວເອງວ່າ ເຮົາຜິດບ່ອນໃດ ເປັນຫຍັງຄົນທີ່ເຮົາຮັກ ແລະ ເຊື່ອໃຈ ສຸດທ້າຍກໍນອກໃຈຖີ້ມເຮົາໄປ

ເຊີ່ງສິ່ງທີ່ເຮົາຄິດນີ້ອີກບໍ່ດົນ ກໍຈະເຂົ້າໃຈເອງ ທີ່ຈິງແລ້ວເຮົາບໍ່ໄດ້ເຈັບເພາະເຂົາດອກ ແຕ່ເຮົາເຈັບເພາະຄວາມຄິດຂອງເຮົາເອງຕ່າງຫາກ

ບາງຄູ່ທັດສະນະຄະຕິຄວາມຮັກບໍ່ຄືກັນ ໃນຈຸດທີ່ໃຫຍ່ທີ່ສຸດ ເຮົາຢາກໄດ້ຄົນຮັກທີ່ຮັກດຽວໃຈດຽວ ຢູ່ນຳກັນດູແລກັນ ແລະ ກັນ ແຕ່ເຂົາອາດບໍ່ໄດ້ເຫັນຄວາມສຳຄັນຢູ່ບ່ອນນັ້ນເທົ່າໃດ ເຂົາຈຶ່ງບໍ່ລັງເລທີ່ຈະຖີ້ມເຮົາໄປ

ແຕ່ສີ່ງເຫຼົ່ານີ້ຈະໂທດໃຜຝ່າຍໃດຝ່າຍໜື່ງບໍ່ໄດ້ ເພາະບໍ່ມີໃຜຜິດໃຜຖືກ ມັນເປັນພຽງຄວາມຕ້ອງການລຳດັບຄວາມສຳຄັນໃຫ້ຊີວິດເທົ່ານັ້ນ ທີ່ນີ້ເຮົາຕ້ອງຕັດສິນໃຈແລ້ວວ່າເຮົາຈະຕັດໃຈຍອມຮັບຄວາມເຈັບປວດຕອນນີ້ ແລະ ເບີ່ງຫາຄົນອື່ນທີ່ເຂົາພ້ອມຈະຈິງໃຈກັບເຮົາໃນອະນາຄົດ

ສະນັ້ນເມື່ອມີຄວາມຮັກ ມີເລີກ ມີຄວາມຊົງຈຳ ທັງໜ້າປະທັບໃຈ ແລະ ໜ້າເສຍໃຈ ເມື່ອໄດ້ເລີກກັນແລ້ວ ດ້ວຍເຫດໃດກໍຕາມ ແນ່ນອນອີກຝ່າຍຍັງຕ້ອງຮັກ ແລະ ຄິດຮອດເຂົາສະເໝີ

ບາງຄັ້ງຈົນຮູ້ສຶກຢາກໃຫ້ເຂົາກັບມາ ແຕ່ຢ່າລືມວ່າເຂົາບໍ່ຮັກເຮົາແລ້ວ ເຂົາບໍ່ໃສ່ເຮົາຕອນຄົບກັນ ເຂົາບໍ່ຄືເກົ່າ ເຂົາປ່ຽນໄປ ເຂົາບໍ່ແຄຄວາມຮູ້ສຶກເຮົາຈະເປັນແນວໃດ ຖ້າເຂົາກັບມາເຂົາກັບມາແຕ່ຕົວຫົວໃຈບໍ່ກັບນຳ ແຮງຈະເຮັດໃຫ້ເຮົາເຈັບຕື່ມອີກ ໃຫ້ເຂົາໄປດີແລ້ວ ຕ່າງຄົນຕ່າງເດີ່ນໜ້າຕໍ່ໄປ.