ຄວາມເຊື່ອ

ດວງ 5 ວັນເກີດແຕ່ກາງປີ ຈົນທ້າຍປີ 2020 ມີໂຊກວາສະໜາດີ

ດວງ 5 ວັນເກີດແຕ່ກາງປີ ຈົນທ້າຍປີ 2020 ມີໂຊກວາສະໜາດີ

ເຊັກດວງຊາຕາ ທັງ ວັນເກີດ ແຕ່ກາງປີ 2020 ຈົນທ້າຍປີນີ້ ຕາມຄຳທຳນາຍ ຈາກການທຳນາຍທາຍທັກ ຈາກອາຈານຄົນໜື່ງໄດ້ເຜີຍແຜ່ ດວງຊາຕາທັງ 5 ວັນເກີດ ຕະຫຼອດແຕ່ກາງ ປີ 2020 ວ່າແຕ່ຈະເປັນແນວໃດນັ້ນ ມາອ່ານແຕ່ລະວັນເກີດດັ່ງນີ້ເລີຍ :

+ ຄົນເກີດວັນອາທິດ : ຕາມຄຳທຳນາຍວ່າ ແຕ່ກາງປີ 2020 ຕະຫຼອດທັງທ້າຍປີນີ້ ເປັນປີໂຊກມະຫາຊັບຂອງຄົນເກີດວັນນີ້ ແຂກໄປໄທມາຈະນຳໂຊກມາໃຫ້ທ່ານ ມີຜູ້ໃຫຍ່ເຫັນໃຈ ຊ່ອຍອຸປະຖຳ ການງານຈະເປັນຫຼັກປັກຖານໄດ້ ໃຫ້ລະຄົນຜິວດຳ ອາດບໍ່ຫວັງດີຕໍ່ທ່ານ ເລື່ອງ ຄົນມີຄູ່ ຄວາມຮັກມີຄວາມສຸກ ຄົນໂສດອາດຈະໄດ້ພົບຄູ່ ຄົນໃກ້ສິດຈະຂໍເພີ່ງພາທ່ານ ການງານ ການເງິນດີ ຮັ່ງມີ ລ້ຳລວຍແທ້ແລ.

+ ຄົນເກີດວັນພຸດ : ຕາມຄຳທຳນາຍແຕ່ກາງ ປີ 2020 ຕະຫຼອດທັງທ້າຍປີນີ້ ທ່ານຈະໄດ້ຮັບໂຊກໃຫຍ່ ກຳລັງຈະມາຫາ ການງານ ການເງິນຈະດີ ມີຄົນພໍໃຫ້ເພີ່ງພາ ມີຜູ້ໃຫຍ່ເຫັນໃຈອຸປະຖຳທ່ານ ຄົນພານກາຍມາເປັນມິດ ຄົນໃກ້ສິດ ເພີ່ງພາອາໃສໄດ້ດີ ທ່ານຄວນລະວັງໃນການເວົ້າຈາກວ່າເກົ່າ ດ້ານຄວາມຮັກເປັນປີແຫ່ງຄວາມສຸກ ຄົນໂສດກໍໄດ້ພົບຮັກແທ້ ສ່ວນຄົນມີຄູ່ ຮັກກັນເລື້ຍໆຈົນຄົນອື່ນໆອິດສາ.

+ ຄົນເກີດວັນພະຫັດ : ຕາມຄຳທຳນາຍແຕ່ກາງ ປີ 2020 ຕະຫຼອດທັງທ້າຍປີ ນີ້ ຈະເປັນປີແຫ່ງໂຊກແກ່ທ່ານ ດວງເຮັງດວງດີ ການງານ ການເງິນຈະສົມໃຈນືກ ແຕ່ທ່ານຄວນລະວັງໂພຍໄພເລັກນ້ອຍ ບໍ່ພໍເປັນໂທດຍ້ອນ ພີ່ນ້ອງເພີ່ງພາໄດ້ ດ້ານຄວາມຮັກ ຄົນມີຄູ່ລະວັງມືທີສາມເຂົ້າມາເຮັດໃຫ້ມີຄວາມຜິດຖຽງກັນໃຫ້ໃຊ້ສະຕິວະລັງຄຳເວົ້າ ສ່ວນຄົນໂສດ ຈະມີຄູ່ ເປັນປີແຫ່ງມະຫາຊັບແກ່ຄົນເກີດວັນນີ້ແທ້ແລ.

+ ຄົນເກີດວັນສຸກ : ຕາມຄຳທຳນາຍແຕ່ກາງ ປີ 2020 ຕະຫຼອດທັງທ້າຍປີ ນີ້ ເປັນປີແຫ່ງໂຊກໃຫຍ່ແກ່ທ່ານມະຫາຊັບເຂົ້າມາຫາ ການງານ ການເງິນກໍຈະດີຂື້ນເລື້ອຍໆ ໃຫ້ລະວັງການເດີນທາງໃນທິດປັດສີມ ແລະ ຄົນຜີວຂາວ ອາດມີອັກຄະຕິຕໍ່ທ່ານ ດ້ານຄວາມຮັກເປັນປີແຫ່ງຄວາມສຸກ ຄົນໂສດກໍຈະສົມຫວັງ ສ່ວນຄົນມີຄູ່ ຮັກກັນເພີ່ມຂື້ນເລື້ອຍໆ ຍາດພີ່ນ້ອງກໍສາມາດເພີ່ງພາໄດ້ ວາສະໜາດີ ຮັ່ງມີລ້ຳລວຍແທ້ແລ.

+  ຄົນເກີດວັນເສົາ : ຕາມຄຳທຳນາຍ ແຕ່ກາງ ປີ 2020 ຕະຫຼອດທັງທ້າຍປີນີ້ ເປັນແຫ່ງຄວາມສຸກຂອງທ່ານ ເປັນປີແຫ່ງໂຊກມະຫາສານ ມີເງິນຄຳຈະເຂົ້າມາມື ແຕ່ລະວັງດ້ານຄວາມຮັກໃນປີນີ້ ຄົນມິຄູ່ອາດຈະເຖີງຈຸດອີ່ມຕົວ ສ່ວນຄົນໂສດ ອາດຈະໂສດໄປອີກ ດ້ານສຸຂະພາບດີ ຄ້າຂາຍດີມີກຳໄລ ສັດຕູກາຍເປັນມິດ ຄົນໃກ້ສິດຈະໄດ້ເພີ່ງພາແທ້ແລ.