ຄວາມເຊື່ອ

ດວງທັງ 12 ປີນັກສັດ ທ້າຍປີ 2020 ມີໂຊກມີໄຊ ແຕກຕ່າງກັນ ການງານ,ການເງິນ,ຄວາມຮັກ

ເຊັກດວງຊະຕາທັງ 12 ປີນັກສັດ ທ້າຍປີ 2020 ມີໂຊກມີໄຊ ແຕກຕ່າງກັນ ການງານ,ການເງິນ,ຄວາມຮັກ

+ ຄົນເກີດຂານ (ປີເສືອ ) ດວງຊາຕາໃນ ທ້າຍປີ2020 : ຄົນທີ່ເກີດປີເສືອປີນີ້ເປັນປີທີ່ຖືວ່າເປັນປີທອງ ປີນີ້ຄົນປີເສືອຈະດຸໝັ່ນກວ່າປົກກະຕິ ຈະມີຄວາມຄິດ ມີສະຕິປັນຍາໃນການໃຊ້ຊີວິດຫຼາຍກວ່າປີທີ່ຜ່ານໆມາ ຄືຮູ້ແລ້ວວ່າສິ່ງໃດດີສິ່ງໃດບໍ່ດີ ຈະມີວຽກງານເຂົ້າຕະຫຼອດປີມີໂປເຈັກໃຫເຮັດຕະຫຼອດເຈົ້ານາຍມອບໜ້າທີ່ໃຫ້ ມີເກນຈະໄດ້ຂຶ້ນຕໍາແໜ່ງ ສໍາລັບຄົນທີ່ເຮັດວຽກປະຈໍາ ຫຼື ເຮັດວຽກນໍາພັກ-ລັດ ປີນີ້ຈະໄດ້ລາບຍົດເພີ່ມຂຶ້ນ. ສ່ວນໃນເລື່ອງຂອງຄວາມຮັກໃນປີນີ້ ຄົນທີ່ເກີດປີເສືອ ມີໂອກາດໄດ້ພົບຄວາມຮັກດີໆ ຮັກແທ້ກໍ່ວ່າໄດ້ ຮັກແທ້ໝາຍເຖິງປີນີ້ທ່ານອາດຈະຮັກຄົນອື່ນເປັນ ເພາະທີ່ຜ່ານມາທ່ານຮັກໃຜບໍ່ຄ່ອຍເປັນ.

+ ຄົນເກີດປີກຸນ (ປີໝູ ) ໃນທ້າຍປີ 2020 : ປີນີ້ເປັນປີໝູ ສົດຊື່ນແຈ່ມໃສ່ ບໍ່ຕຶງຄຽດຄືປີທີ່ຜ່ານໆມາ ສິ່ງໃດທີ່ທຸກກໍ່ເລີ່ມຫຼຸດຜ່ອນລົງໃນປີ 2563 ສິ່ງໃດທີ່ບໍ່ດີກໍ່ຈະເລີ່ມອອກໄປສິ່ງດີໆຈະເຂົ້າມາທົດແທນ ທຸກຢ່າງຈະປ່ຽນແປງໄປໃນທິດທາງທີ່ດີຂຶ້ນ ໂດຍສະເພາະຄົນທີ່ເຮັດບຸນຫຼາຍ ຜົນບຸນບາຣະມີຍິ່ງຈະສົ່ງເສີມໃຫ້ໃຫ້ຕົວເຮົາ ແລະ ຄົນທີ່ເຮົາຮັກຈະເລີນຍິ່ງຂຶ້ນອີກ ພະຍາຍາມສວດມົນຫຼາຍໆ ແຜ່ເມດຕາຫຼາຍໆ ໃຜທີ່ເຮັດບໍ່ດີກັບເຮົາກໍ່ຂໍໃຫ້ອະໂຫສິກໍາໃຫ້ກັບເຂົາ ເພື່ອຊີວິດເຮົາຈະໄດ້ສູງຍິ່ງຂຶ້ນ. ໃນເລື່ອງຂອງຄວາມຮັກປີນີ້ຈະມີສະເໜ່ຫຼາຍ ຄົນຈະເຂົ້າມາໃນຊີວິດຫຼາຍ ມາທຸກຮູບແບບ ແຕ່ມີເກນຈະພົບຄົນຮັກໃນຮູບແບບຄົນໃນອາດີດເຊັ່ນ : ອາດຈະເຄີຍຮູ້ຈັກກັນມາກ່ອນ ສ່ວນຄົນທີ່ມີຄູ່ ຄູ່ຄອງເອົາໃຈໃສ່ຫຼາຍໃນປີນີ້ ຢາກໄດ້ຫຍັງກໍ່ຈະຫາມາໃຫ້ໄດ້ທຸກຢ່າງ ແຟນຮັກແຟນຫຼົງຫຼາຍ.

+ ຄົນເກີດປີມະແມ (ປີແບ້ ) ໃນທ້າຍປິ 2020 : ປີນີ້ເປັນປີທອງ ເປັນປີທີ່ໂຊກຊະຕາປ່ຽນແປງໄປໃນທິດທາງທີ່ດີຫຼາຍຂຶ້ນ ໂດຍສະເພາະໃນເລື່ອງຂອງການເງິນ ການເຮັດທຸລະກິດມີໂອກາດຈະໄດ້ເຮືອນໃໝ່ໄດ້ລົດໃໝ່ ຊີວິດໃໝ່ໆ.ໃນເລື່ອງຂອງຄວາມຮັກ ເປັນປີທີ່ໂຊກດີໃນເລື່ອງຄວາມຮັກຢູ່ແລ້ວແຕ່ອາດຈະໂຊກຮ້າຍເພາະບາງເທື່ອກໍ່ເລືອກຄົນຜິດ.ສໍາລັບຄົນໂສດຈະມີຄົນເຂົ້າມາໃຫ້ເລືອກຫຼາຍ ເພາະເຮົາເປັນຄົນທີ່ມີສະເໜ່ ກໍ່ເລືອກຄົນດີໆຄົນທີ່ຢູ່ກັບເຮົາໄດ້້ ຄົນທີ່ຮັບໃນຕົວຄົນທີ່ເກີດປີແບ້ໄດ້ ຄົນທີ່ເກີດໃນປີແບ້ຂ້ອນຂ້າງທີ່ຈະເຮັດຫຍັງວ່ອງໄວ ໃຈຮ້ອນ ຂີ້ເບື່ອ ຫງຸດຫງິດງ່າຍ ຖ້າໃຜຍອມເຮົາໄດ້ໃນສ່ວນນີ້ຄືຮັບເຮົາໄດ້ໃນສ່ວນນີ້ໃຫ້ເລືອກເລີຍ

+ ຄົນເກີດປີມະເມຍ (ປີມ້າ) ໃນທ້າຍປີ 2020: ຄົນທີ່ເກີດປີມ້າປີນີ້ອາດຈະໃຈຮ້ອນ ແລະ ຂີ້ຫງຸດຫງິດຫຼາຍກວ່າປີທີ່ຜ່ານມາ ດ້ວຍຄວາມທີ່ເປັນໂລກສ່ວນຕົວສູງ ເມື່ອມາພົບກັບຄົນປີໜູປີໜູ ປີ 2563 ອາດຈະເຮັດໃຫ້ຄົນທີ່ເກີດໃນປີມ້າເກີດອາລົມຫງຸດຫງິດເພາະໜູກວນນັ້ນເອງ ການເງິນປີນີ້ບໍ່ຄວນທີ່ຈະລົງທຶນກັບຫຍັງຫຼາຍ ເພາະເປັນປີທີ່ຫາກໍ່ເລີ່ມຂະຫຍັບຂະຫຍາຍ ຢ່າຟ້າວໃຈໃຫຍ່ ໃຫ້ເບິ່ງເສດຖະກິດກ່ອນເລື່ອງຄວາມຮັກ ພະຍາຍາມເອົາໃຈໃສ່ຄົນຮັກໃຫ້ຫຼາຍໆ ຢ່າປ່ອຍປະລະເລີຍ ຖ້າເຮົາປ່ອຍເຂົາກໍ່ຈະໄປສ່ວນຄົນທີ່ໂສດ ຈະມີຄົນທີ່ເຂົ້າມາຫຼາຍ ໃຫ້ເລືອກດີໆ ເລືອກເອົາຄົນທີ່ເຂົາຮັກເຮົາ ຢ່າເບິ່ງຄົນທີ່ພາ

+ ຄົນເກີດປີຊວດ (ປີໜູ ) ໃນທ້າຍປີ 2020 : ຄົນທີ່ເກີດປີໜູ ປີ 2563 ເປັນປີໜູ ເຊິ່ງເປັນປີໜູ ແລະ ປີໜູມາພົບກັນ ສະນັ້ນເມື່ອໜູມາພົບກັນກໍ່ຄືກັບສັງຄົມໜຶ່ງທີ່ຕ້ອງມາພົບປະກັນກໍ່ຕ້ອງມີເລື່ອງເວົ້າເລື່ອງລົມກັນ ເລື່ອງເດືອດເນື້ອຮ້ອນໃຈເປັນທໍາມະດາ ເພາະຢູ່ກັບຄົນໝູ່ຫຼາຍ ເຮົາອາດຈະຕ້ອງໃຈເຢັນ.
ສໍາລັບຄົນທີ່ເກີດໃນປີໜູ ໃນເລືອງຂອງການເຮັດທຸລະກິດຖືວ່າດີ ລົງທຶນໄດ້ ສ່ວນເລື່ອງຄວາມຮັກໃນປີນີ້ ເລື່ອງຫົວໃຈກໍາລັງຈະວຸ້ນວາຍ ມີຄົນເຂົ້າມາຫຼາຍສໍາລັບຄົນທີ່ໂສດ ສ່ວນຄົນທີ່ມີຄູ່ຢາກໃຫ້ລົດທິດຖິລົງ ແລ້ວຈະມີຄວາມສຸກໃນການໃຊ້ຊີວິດຄູ່ ບໍ່ມີໃຜດີຮ້ອຍເປີເຊັນສໍາລັບໃຜ ເມື່ອເຂົ້າມາຢູ່ໃນຊີວິດຂອງກັນ ແລະ ກັນ ແລ້ວເຮົາຕ້ອງເບິ່ງແຍງຮັກສາກັນໃຫ້ດີທີ່ສຸດ.
ໃນເລື່ອງຂອງສຸຂະພາບຮ່າງກາຍໃຫ້ລະວັງກ່ຽວກັບເລື່ອງຂອງອາການປວດໄມເກນ ຄິດຫຼາຍ ຄຽດກັງວົນ ສິ່ງໃດທີ່ປ່ອຍວາງໄດ້ໃຫ້ປ່ອຍວາງແດ່.

+ ຄົນເກີດປີສະຫຼູ ( ປີງົວ ) ໃນທ້າຍປີ 2020 : ໃນປີນີ້ຫວັງວ່າຈະເປັນປີທີ່ດີກວ່າປີທີ່ຜ່ານມາ ເປັນປີທີ່ຈະໄດ້ເລີ່ມຜ່ອນຄາຍໃຊ້ຊີວິດສະບາຍ ບໍ່ເມື່ອຍຫຼາຍ ສິ່ງໃດທີ່ມັນທຸກເຮົາກໍ່ປ່ອຍວາງ ສິ່ງໃດທີ່ມັນສຸກເຮົາກໍ່ເກັບໄວ້ ຢ່າໃຊ້ຊີວິດໃນຄວາມປະໝາດ ໃນປີ 2020 ຈະມີໂຊກຈາກການຕິດຕໍ່ປະສານງານ ຫຼື ຈາກທຸລະກິດການງານຂະໜາດໃຫຍ່ ໂດຍສະເພາະຄົນທີ່ເຮັດທຸລະກິດກ່ຽວກັບວົງການຮັບເໝົາກໍ່ສ້າງນາຍໜ້າທີ່ດິນ ນາຍໜ້າຕ່າງໆ ຈະໄດ້ຜົນກໍາໄລໃນປີນີ້ ແຕ່ຢ່າໜ້າມືດລົງທຶນແບບໜັກໆ ຫຼື ໃຈສະປອດຄືທີ່ຜ່ານມາ ເພາະໂອກາດທີ່ຈະຂາດທຶນກໍ່ມີຫຼາຍເຊັ່ນກັນ
ແລະທີ່ສໍາຄັນໃນປີນີ້ ຢ່າໄວ້ໃຈ ຄົນໄກ້ຕົວຫຼາຍ ມີຫຍັງກໍ່ໃຫ້ເກັບໄວ້ເປັນຄວາມລັບຈະເປັນການດີທີ່ສຸດ ບໍ່ວ່າຈະເປັນເລື່ອງໃດກໍ່ຕາມມີເກນທີ່ຈະໄດ້ເດີນທາງໄກໃນປີນີ້.
ສ່ວນເລື່ອງຄວາມຮັກ ຄົນໂສດຈະຕ້ອງປ່ຽນແປງໃຫ້ຕົວເອງເປັນຄົນທີ່ກະຕືລືລົ້ນ ອາດຈະຕ້ອງເລີ່ມປ່ຽນຕັ້ງແຕ່ບຸກຄະລິກກະພາບພາຍນອກໃຫ້ຕົວເອງເບິ່ງຄືເປັນຄົນມີສະເໜ່ ໃຫ້ດຶງດູດໃຈຄົນຫຼາຍຂຶ້ນ ພະຍາຍາມໃສ່ເສື້ອຜ້າສີເຂັ້ມ ບໍ່ຄວນໃສ່ເສື້ອຜ້າສີສັ້ນຫຼາຍເກີນໄປ ສໍາລັບຄົນມີຄູ່ ປີນີ້ຄູ່ຄອງຈະໜຸນທ່ານໃຫ້ທ່ານມີສະຕິປັນຍາ ຊ່ວຍເຫຼືອເກື້ອກູນກັນ ເພາະຜ່ານຫຼາຍຢ່າງມານໍາກັນແລ້ວ.
ໃນເລື່ອງຂອງສຸຂະພາບໃຫ້ລະວັງລະບົບທາງເດີນຫາຍໃຈ ການເຈັບປ່ວຍຮ່າງກາຍ ແລະ ກ້າມເນື້ອໃຫ້ລະວັງເສັ້ນເອັນຂໍ້ກະດູກອັກເສບ.

+ ຄົນເກີດປີເຖາະ ( ປີກະຕ່າຍ ) ໃນທ້າຍປີ 2020 : ຄົນເກີດປີກະຕ່າຍຈະຕ້ອງຄິດໃຫ້ຫຼາຍຂຶ້ນເບິ່ງແຍງຕົວເອງໃຫ້ຫຼາຍຂຶ້ນ ແລະ ໃສ່ໃຈຄົນຮອບຂ້າງໃຫ້ຫຼາຍຂຶ້ນ ຕ້ອງເຂັ້ມແຂງໃຫ້ຫຼາຍຂຶ້ນ ເພາະໃນຫຼາຍປີທີ່ຜ່ານມາຄົນທີ່ເກີດໃນປີກະຕ່າຍ ຢູ່ໃນສະພາວະອອ່ນແອຫຼາຍຄົນຕຶງຄຽດ ເກີດຄວາມຊຶມເສົ້າ ທຸກສິ່ງລ້ວນມາຈາກຄວາມຄິດຂອງເຮົາເອງທັງໝົດ ເພາະສະນັ້ນປ່ຽນແປງຕົວເອງໃໝ່ໃຫ້ດີກວ່າເກົ່າ ແລ້ວສິ່ງດີໆຈະຕາມມາ ສິ່ງທີ່ເຮົາປາດຖະໜາສິ່ງທີ່ເຮົາຝັນກໍ່ຈະຕາມມາເຊັ່ນກັນ ບໍ່ວ່າຈະເປັນເງິນ ວຽກງານ ຫຼື ຄວາມຮັກ.
ສ່ວນໃນເລື່ອງຄວາມຮັກ ສິ່ງໃດທີ່ເຮັດໃຫ້ເຮົາເສຍໃຈກໍ່ຕ້ອງປ່ອຍ ແຕ່ສິ່ງໃດທີ່ເຮັດໃຫ້ເຮົາມີຄວາມສຸກກໍ່ຕ້ອງເກັບເອົາໄວ້ຢ່າທໍລະມານຕົວເອງ ພຽງເທົ່ານີ້ຄົນທີ່ເກີດປີກະຕ່າຍກໍ່ຈະມີຄວາມຈະມີຄວາມສຸກແລ້ວ.

+ຄົນເກີດປີມະໂລງ ( ປິມັງກອນ ) ໃນທ້າຍປີ 2020 : ໃນປີນີ້ຖືວ່າເປັນອີກປີທີ່ດີສໍາລັບຄົນເກີດປີມັງກອນ ເປັນປີທີ່ເຮັດຫຍັງກໍ່ຈະສໍາເລັດ ມີຊື່ສຽງ ແລະ ໂດ່ງດັງ ໃນເລື່ອງຂອງເຮັດການຄ້າກໍ່ຈະໂດດເດັ່ນ ມີຜົນກໍາໄລທີ່ຊັດເຈນ.
ໃນເລື່ອງຂອງຄວາມຮັກ ມີເກນຈະໄດ້ແຕ່ງງານ ຫຼື ມີເກນພົບຮັກກັບຄົນດີໆ ຄົນທີ່ເປັນຄູ່ບຸນບາຣະມີ ບໍ່ທໍາຮ້າຍຫັກຫານນໍ້າໃຈກັັນຄືຄູ່ທີ່ຜ່ານມາ ສ່ວນຄົນທີ່ມີຄູ່ຄອງ ຄູ່ຮັກຊ່ວຍເຫຼືອກິດຈະງານງານດີ ຢ່າຜິດຖຽງກັນ ສິ່ງໃດທີ່ປ່ອຍຜ່ານໄດ້ໃຫ້ປ່ອຍເພາະຈະມາຂັດຂວາງຄວາມຈະເລີນ.
ໃນປີນີ້ພະຍາຍາມເວົ້າໃຫ້ໜ້ອຍເຮັດໃຫ້ຫຼາຍ ເຮັດໃຫ້ຄົນເຫັນເພາະຄົນອິດສາຄົນທີ່ເກີດປີງູໃຫຍ່ຂ້ອນຂ້າງຈະຫຼາຍ ເນື່ອງຈາກວ່າດວງຊະຕາເປັນຄົນທີ່ມີວາດສະໜາດີຢູ່ແລ້ວຕັ້ງແຕ່ເກີດ ເຖິງແມ່ນຈະເກີດມາໃນຖານະຍາກຈົນແຕ່ເມື່ອເຕີບໂຕຂຶ້ນກໍ່ມີໂອກາດປະສົບຄວາມສໍາເລັດມັ່ງຄັ່ງ ແລະ ລໍ່າລວຍ ຫຼື ໂດດເດັ່ນເກີນໜ້າເກີນຕາໃຜ ຫຼື ບາງຄົນກໍ່ໂຊກດີ ເກີດລວຍແລ້ວລວຍອີກ ສໍາລັບຄົນທີ່ຍັງບໍ່ລວຍຕ້ອງພິຈາລະນາໃນເລື່ອງຂອງກໍາເກົ່າ.

+ ຄົນເກີດປີມະເສັງ ( ປີງູ ) ໃນທ້າຍປີ 2020 : ຄົນທີ່ເກີດປີງູສ່ວນໃຫຍ່ເປັນຄົນທີ່ນິໃສຮັກນວນສະຫງວນຕົວ ຈອງຫອງ ເປັນຄົນເອົາການເອົາງານ ເວລາເຮັດຫຍັງຈະຕັ້ງໃຈເຮັດເຕັມທີ່ ເປັນຄົນມຸ່ງໝັ້ນ ມີທິດຖິໃນໃຈຂ້ອນຂ້າງຫຼາຍ ເປັນຄົນຂີ້ໃຈນ້ອຍ ແຕ່ບໍ່ມັກສະແດງອອກຍ້ອນສັກສີ ເປັນຄົນຄຽດງ່າຍເຊົາໄວ ມັກຢູ່ໃນສະຖານທີ່ສະຫງົບທີ່ເປັນທໍາມະຊາດ ເປັນຄົນທີ່ເວົ້າຈາເຊືອດເສືອນບໍ່ລະວັງປາກ ຖ້າຊັງໃຜຈະສະແດງອອກດ້ວຍສີໜ້າ ມັກມີສັດຕູຫຼາຍ ເພາະເປັນຄົນທີ່ເຮັດຫຍັງກໍ່ດີໄປໝົດ ໂດດເດັ່ນຈົນເປັນທີ່ອິດສາໃຫ້ເຮົາເບິ່ງ.

+ ຄົນເກີດປີວອກ (ປີລີງ) ໃນທ້າຍປີ 2020 : ຄົນທີ່ເກີດໃນປີລີງໃຫ້ລະວັງສັດຕູທີ່ເປັນຍາດຜູ້ໃຫຍ່ ຫຼື ຜູ້ໃຫຍ່ທີ່ເຂົ້າມາເຮັດຕົວເປັນມິດເຂົ້້າມາເພື່ອຫວັງຜົນປະໂຫຍດກັບເຮົາເທົ່ານັ້ນ ຢ່າຄິດຮ່ວມຫຸ້ນເຮັດທຸລະກິດກັບຍາດພີ່ນ້ອງ ຫຼື ຄົນທີ່ອາຍຸຫຼາຍກວ່າເພາະເຮົາອາດຈະຖືກຫັກຫຼັງໄດ້.
ຄົນເກີດປີລີງເປັນຄົນເຈົ້າຄວາມຄິດ ຫົວແຫຼມ ເວລາເຮັດຫຍັງຈະເຮັດຢູ່ແນວນັ້ນ ຈິງຈັງກັບງານ ແລະ ການຫາເງິນ ຍົກເວັ້ນຄວາມຮັກ ເປັນຄົນເບື່ອຄົນງ່າຍ ສ່ວນໃຫຍ່ມັກພົບຄູ່ກໍາ ຄົນທີ່ເຮັດໃຫ້ເຈັບໃຈ ຫຼື ເຮົາເຮັດໃຫ້ຄົນອື່ນເສຍໃຈ ກວ່າຈະລົງເອີຍກັບໃຜຕ້ອງຫາຄົນທີ່ເຂົ້າໃຈທໍາມະຊາດຂອງເຮົາຄື ເປັນຄົນກໍານົດຊີວິດຄົນອື່ນ ແຕ່ຄົນອື່ນຢ່າມາກຳນົດຊີວິດຕົນເອງ.

+ ຄົນເກີດປີລະກາ (ປີໄກ່ ) ໃນທ້າຍປີ 2020 : ປີໄກ່ປີນີຈະເຮັດຫຍັງກໍ່ປະສົບຄວາມສໍາເລັດ ຈະລົງທຶນຄ້າຂາຍ ລຸງທຶນຫຍັງກໍ່ດີໄປໝົດ ສ່ວນໃນເລື່ອງຂອງການເງິນຢາກໃຫ້ຄົນທີ່ເກີດປີໄກ່ປະຢັດຂຶ້ນກວ່ານີ້ ຢ່າໃຊ້ຈ່າຍຟຸ່ມເຟືອຍ ເວລາເຮັດຫຍັງຂໍໃຫ້ຄິດໃຫ້ຮອບຄອບຫຼາຍກວ່າເກົ່າ ຖ້າໃຜດີຂຶ້ນແລ້ວກໍ່ຂໍໃຫ້ດີຍິ່ງໆຂຶ້ນໄປອີກ.
ໃນເລື່ອງຂອງຄວາມຮັກ ຖ້າຄິດວ່າຢູ່ຄົນດຽວແລ້ວມີຄວາມສຸກ ກໍ່ຢູ່ຄົນດຽວໄປກ່ອນ ຄົນທີ່ເກີດປີໄກ່ມີຄວາມສາມາດໃນດ້ານການຫາເງິນຢູ່ແລ້ວ.
ຄົນເກີດປີໄກ່ໃຫ້ລະວັງສຸຂະພາບ ເລື່ອງໄມເກນ ເຈັບຫົວປວດສະໝອງ ເບິ່ງຄືເປັນຄົນບໍ່ໄດ້ຄິດຫຼາຍ ແຕ່ກໍ່ຄິດຫຼາຍພໍສົມຄວນ.

+ ຄົນເກີດປີຈໍ (ປີໝາ ) ໃນທ້າຍປີ 2020 : ຄົນທີ່ເກີດປີໝາເປັນຄົນໂຊກດີຫຼາຍ ມີຄົນອຸປະຖໍາຄໍ້າຊູ ເປັນຄົນທີ່ມັກຖືກໝູ່ເພື່ອນ ຫຼື ຄົນໄກ້ຕົວອິດສາ ເພາະມັກຈະໄດ້ໂອກາດທີ່ດີສະເໝີໃນຊີວິດ ເປັນຄົນໂດດເດັ່ນໃນສັງຄົມ ບໍ່ວ່າຈະເຮັດຫຍັງກໍ່ຕາມ ຊີວິດມັກຈະອາພັບເລື່ອງຂອງຄູ່ຄອງ ເປັນຄົນຄິດຫຼາຍ ຄວາມຊື່ສັດເປັນທີໜຶ່ງ ຮັກໃຜກໍ່ຈະຮັກຝັງໃຈ ປີໝາເປັນຄົນດຸໝັ່ນຫຼາຍ ຫາກມີຄົນມັກໃນຜົນງານຢ່າຕໍາໜິເພາະຄວາມຄຽດ ບໍ່ວ່າຈະມາຈາກການເວົ້າຫຼາຍ ຄົນເກີດປີໝາມັກເຮັດຫຍັງແບບສະບາຍ ບໍ່ມັກການຖືກບັງຄັບ.