ບັນເທີງ

ຍ້ອນຄວາມຮັອດຄວາມດັງຂອງສາວພອນ ບໍ່ຮອດອາທິດມີຜູ້ຕິດຕາມເກືອບແສນຄົນ

ສາວພອນ ເນັດໄອດໍ້ຫນ້າໃຫມ່ຄົນນີ້ ດັ່ງຫຼາຍໃນໂຊຊ້ຽວຕອນນີ້ “ສາວພອນ” ອາຍຸໄດ້ 28 ປີ ບ້ານເກີດເມຶອງນອນແມ່ນ ຢູ່ບ້ານນາຈານ ເມືອງອາດສະພັງທອງ ແຂວງສະຫວັນນະເຂດ

ສາວພອນລາວທີ່ມາພ້ອມກັບໃບຫນ້າບ້ານໆ ແຕ່ກັບເຮັດໃຫ້ຄົນເບີ່ງແລະເຮຮາໄປຕາມໆກັນ ເພາະຄວາມທີ່ກ້າສະແດງອອກ ແລະ ເປັນເອກະລັກຂອງຕົວລາວເອງ ນອກຈາກຮູບຮ່າງຫນ້າຕາພາຍນອກຂອງລາວທີ່ເປັນສີ່ງສະດຸດຕາອັນດັບທຳອິດ ແມ່ນການຮ້ອງເພງ ການເວົ້າວ່າ ຢ່າງເຊັ່ນ ສະບາຍດີໝູ່ຊາວເຟສບຸກ, ສາວພອນຊິມາຮ້ອງເພງ, ເງິນເນັດສາວພອນໝົດລະເດີ ແລະ ໃນການດຳລົງຊີວິດປະຈຳວັນຂອງລາວ

ເຊີ່ງໃນການຮ້ອງເພງ ລາວກໍເລີ່ມຈາກການ ໂຄເວີຫຼາຍເພງ  ແລະ ຮ້ອງເພງທີ່ແຕ່ງເອງ

ລ່າສຸດເພງທີ່ດັງທີ່ສຸດ ຖືກໃຈຊາວເຟສບຸກທີ່ສຸດ ແລະ ຄົນເບີ່ງຫຼາຍທີ່ສຸດໃນເຟສບຸກຕອນນີ້ແມ່ນ ເພງ ນັ່ງກອດກົກເປົ້າ ເຊີງເປັນເພງທີ່ລາວແຕ່ງເອງ

ເມື່ອບົດເພັງນີ້ປ່ອຍມາເຮັດໃຫ້ຊາວເນັດຫລາຍຄົນເຂົ້າມາຄອມເມັ້ນ ແລະ ແຊຣ໌ກັນຫລາຍ ເຮັດໃຫ້ຫຼາຍໆຄົນ ຮູ້ຈັກສາວພອນຫຼາຍຂື້ນເລື້ອຍໆ ແຕ່ນັ້ນມາ

ເຊີ່ງຈາກຄວາມດັງຂອງລາວກໍໄດ້ສາຍາວ່າ ເນັດໄອດໍ້ໜ້າໃໝ່ ແລະ ບໍ່ຮອດເດືອນ ປັດຈຸບັນຍອດຜູ້ຕິດຕາມເຟສບຸກ ອັບເດດ ນະວັນທີ 6 ພະຈິກ 2019 ຢູ່ທີ່ 65,180 ກວ່າຄົນ ແລະ ຄາດວ່າອີກບໍ່ດົນຈະທະລຸຜູ້ຕິດຕາມ 100,000 ຄົນແບບງ່າຍດາຍ

ປັດຈຸບັນສາວພອນ ມີຮອດຜູ້ຈັດການສ່ວນຕົວອີກ.