ຂໍ້ຄິດ

ຄຸນສົມບັດ 13 ຂໍ້ຂອງເມຍທີ່ດີ ເຝິກເອົາໄວ້ ເພື່ອຈະເຮັດໃຫ້ຜົວຮັກຜົວ ແລະ ເກງໃຈ

ຄຸນສົມບັດ 13 ຂໍ້ຂອງເມຍທີ່ດີ ເຝິກເອົາໄວ້ ເພື່ອຈະເຮັດໃຫ້ຜົວຮັກຜົວ ແລະ ເກງໃຈ

ການແຕ່ງງານນັ້ນບໍ່ແມ່ນຈຸດແຮັບປີ້ເອັນດີ້ງຂອງຄວາມສໍາພັນແຕ່ຢ່າງໃດ ຫາກແຕ່ເປັນບົດທົດສອບສຸດແສນຈະຍິ່ງໃຫຍ່ຂອງຄົນ 2 ຄົນ ຍິ່ງໄປກວ່ານັ້ນຍັງເປັນບົດທົດສອບທີ່ຍາກເອົາການເລີຍລະ ໃນຖານະທີ່ເຮົາເປັນເມຍ ເຮົາຈະເຮັດຢ່າງໃດໃຫ້ຊີວິດຄູ່ນັ້ນ ໄປໄດ້ຕະຫຼອດຮອດຝັ່ງ ມາຮຽນຮູ້ຄຸນສົມບັດຂອງເມຍທີ່ດີກັນ ເຊີກໍໄດ້ລວບລວບໄດ້ 13 ຂໍ້ໃນນັ້ນຜູ້ຍິງຄົນໃດເຮັດໄດ້ ຮັບຮອງວ່າຜົວເຮົາບໍ່ມີທາງວອ໊ກແວ໊ກຄວາມສໍາພັນດີງາມແນ່ນອນ .

1. ໃຫ້ກຳລັງໃຈຜົວະເໝີ : ໜຸ່ມໆທັງຫຼາຍຈົ່ງຟັງໄວ້ ຈົ່ງເລືອກແຕ່ງງານກັບຜູ້ຍິງທີ່ພ້ອມໃຫ້ກໍາລັງໃຈເຈົ້າຢູ່ສະເໝີ ເພາະເບື້ອງຫຼັງຄວາມສໍາເລັດຂອງຜູ້ຊາຍຫຼາຍໆຄົນນັ້ນ ລ້ວນແລ້ວແຕ່ມາຈາກເມຍທັງນັ້ນ.

2. ເມຍຈະຕ້ອງຮັກຄົນທີ່ຜົວຮັກ : ຄອບຄົວຂອງຜົວ ໝູ່ຂອງຜົວ ຫາກເມຍໃຫ້ຄວາມສໍາຄັນກັບສິ່ງທີ່ຜົວຮັກ ຈັບມືເມຍໄວ້ໃຫ້ແໜ້ນໆ ເພາະເມຍນີ້ແຫຼະທີ່ຮັກເຈົ້າຢ່າງໝົດຫົວໃຈ ແລະ ພ້ອມທີ່ຈະເປັນແມ່ທີ່ດີຂອງລູກ ແລະ ດູແລຄອບຄົວຂອງເຈົ້າໄດ້ແນ່ນອນ.

3. ຮັກຜົວຢ່າງສຸດໃຈ : ຄໍາວ່າຮັກນັ້ນກໍ່ຍັງສໍາຄັນກັບຄວາມສໍາພັນຢູ່ດີ ເຖິງວ່າຄວາມຮັກຈະມີຈືດຈາງໄປໄດ້ ຫາກແຕ່ຄວາມຈິງແລ້ວ ຄວາມຮັກນັ້ນປ່ຽນຮູບແບບໄປຕາມການເວລາຫຼາຍກວ່າ ເພາະສະນັ້ນ ຫາກເຮົາຍັງຢູ່ກັບຜົວ ຮັກເຮົາຄົນດຽວ ຍັງດູແລ ແລະ ເອົາໃຈໃສ່ເຮົາຄືທຸກມື້ ພຽງເທົ່ານີ້ກໍ່ຄືຄວາມຮັກແລ້ວລະ.

4. ຄວາມງາມຈາກພາຍໃນ : ພາຍນອກນັ້ນກໍ່ສໍາຄັນ ແຕ່ຫາກພາຍໃນບໍ່ງາມ ບໍ່ຜ່ອງໃສນໍາ ຄົງເປັນເມຍທີ່ດີບໍ່ໄດ້ແນ່ນອນ ຫາກເຮົາເປັນຄົນຈິດໃຈດີ ມີນິໃສອ່ອນໂຍນ ບໍ່ຫຍາບຄາຍໄຮ້ເຫດຜົນ ເກັ່ງໃນການສ້າງບັນຍາກາດ ເຮັດໃຫ້ຄົນອ້ອມຂ້າງຍີ້ມຫົວໄດ້ ນີ້ກໍ່ເປັນສັນຍານເມຍທີ່ດີໃຫ້ຊາຍຈັກຄົນໜຶ່ງໄດ້ແລ້ວ.

5. ເຮັດໃຫ້ຜົວເປັນຄົນທີ່ດີຂື້ນໄດ້ : ໃຜໆກໍ່ສາມາດເຮັດເລື່ອງຜິດພາດໄດ້ ແລະ ບໍ່ວ່າຈະຈັກເທື່ອທີ່ຜົວເຮັດຜິດພາດ ຜູ້ຍິງກໍ່ຈະຍັງຄົງຢູ່ ແລະ ຄອຍປະຄອງໃຫ້ຜົວເປັນຄົນທີ່ດີຂື້ນ ບໍ່ຫຍໍ້ທໍ້ ບໍ່ຍອມແພ້ອັນໃດງ່າຍໆ.

6. ສາມາດເປັນໝູ່ທີ່ດີທີ່ສຸດໃຫ້ຜົວໄດ້ : ທຸກເລື່ອງບໍ່ວ່າຈະທຸກປານໃດ ເລື່ອງມ່ວນເລັກໆນ້ອຍໆປະຈໍາວັນ ຜົວສາມາດເລົ່າໃຫ້ຟັງໄດ້ຢ່າງ ສະບາຍໃຈ ມີເວລາຮັບຟັງທຸກເລື່ອງ ຮູ້ຄວາມລັບຂອງຜົວ ແລະ ບໍ່ຈໍາເປັນຕ້ອງມີເລື່ອງປິດບັງກັນ ຜູ້ຍິງທີ່ຮູ້ວ່າຜົວມັກອັນໃດ ບໍ່ມັກອັນໃດ ແຖມຍັງຮູ້ໄປເຖິງຄອບຄົວຂອງຜົວອີກດ້ວຍ ຖືເປັນເມຍໃນຝັນຂອງໜຸ່ມໆທຸກຄົນເລີຍແຫຼະ.

7. ເປັນໝູ່ໄປທ່ຽວກັບຜົວໄດ້ທຸກເມື່ອ :ບໍ່ເຄີຍຕ້ອງຄິດເລີຍວ່າຊີວິດຕໍ່ຈາກນີ້ຈະຢູ່ກັບໃຜ ເພາະເມຍຄົນນີ້ສາມາດເປັນຄໍາຕອບໃຫ້ ກັບຜົວໄດ້ເລີຍ ທ່ຽວນໍາກັນໄດ້ ຫຼີ້ນມຸກຕະຫຼົກເຮຮາໄດ້ບໍ່ມີເບື່ອ ໄປໃສໄປກັນ ລັນລາກັນໄດ້ທຸກຍາມ.

8. . ສ້າງຄວາມຄາດຫວັງໃຫ້ຜົວບົນພື້ນຖານຄວາມເປັນຈິງ: : ຈະບໍ່ເພີ້ ບໍ່ສ້າງຄວາມຝັນລົມໆແລ້ງໆຍັດຍຽດໃຫ້ຜົວ ແບບທີ່ເຮັດບໍ່ໄດ້ເທິງໂລກຄວາມເປັນຈິງ ເບິ່ງໂລກໃນແບບທີ່ຄວນຈະເປັນ ແລະ ບໍ່ຄາດຫວັງໃຫ້ຜົວເປັນເຈົ້າຊາຍດູແລເຈົ້າຫຍິງແບບນິຍາຍ.

9. ເຮັດວຽກຄົວເຮືອນເປັນ : ສະເໜ່ປາຍຈະວັກບໍ່ວ່າຈະຍຸກໃດໆກໍ່ຍັງໃຊ້ມັດໃຈຜົວໄດ້ສະເໝີ ອາຫານຂອງເຈົ້າຈະລົດຊາດແຊບເປັນພິເສດ ຖ້າໄດ້ເຮັດໃຫ້ຄົນທີ່ເຈົ້າຮັກ ເພາະສະນັ້ນຫາກມີວິຊາເຮືອນຄົວຢູ່ແລ້ວ ງັດມາໃຊ້ໄດ້ ແຕ່ຖ້າຍັງບໍ່ມີ ຝຶກຝົນຮຽນຮູ້ເລີຍ.

10. ເຊື່ອໃຈຜົວ : ຄວາມເຊື່ອໃຈນັ້ນບໍ່ໄດ້ເກີດກັນງ່າຍໆຄືກັບດີດນີ້ວ ຖ້າເຂົາເຊື່ອໃນຄໍາເວົ້າຂອງຜົວຫຼາຍກວ່າໃຜໆ ນັ້ນຄືເມຍທີ່ຄຸນນະພາບຄັບຈອກສຸດໆເລີຍລະ ແລະ ຍິ່ງເຂົາໃຫ້ຄວາມເຊື່ອໃຈຜົວຫຼາຍເທົ່າໃດ ຜົວກໍ່ຄວນຈະສື່ສັດຕໍ່ເມຍຫຼາຍເທົ່ານັ້ນ.

11. ໃຫ້ອະໄພຜົວ : ທຸກຄົນລ້ວນແຕ່ເຮັດຄວາມຜິດ ບໍ່ມີໃຜດີໄປໝົດທຸກຢ່າງ ຈົ່ງຢ່າແຕ່ງງານກັບຜູ້ຍິງທີ່ບໍ່ເຄີຍລືມເລື່ອງລາວຝັງໃຈໃນ 6 ປີທີ່ແລ້ວ ທີ່ຜູ້ຊາຍຄິດວ່າເຄີຍກັນຈົບໄປແລ້ວ ຖ້າຜູ້ຍິງບໍ່ສາມາດແຍກແຍະເລື່ອງລາວເຫຼົ່ານັ້ນໄດ້ ແລະ ຄອຍແຕ່ຈະເວົ້າເລື່ອງທີ່ບໍ່ດີຂອງຝ່າຍຊາຍໃນອະດີດເປັນປະຈໍາ ຢ່າໄປແຕ່ງງານກັບຍິງຄົນນີ້ເປັນອັນຂາດ.

12. ມີຄວາມອົດທົນ : ບໍ່ມີໃຜທີ່ຈະມັກຄົນອາລົມເສຍຕະຫຼອດເວລາ ຖ້າຜູ້ຍິງຄືເມຍທີ່ແສນຈະອົດທົນ ໃຈເຢັນ ລະງັບອາລົມຂອງ ໂຕເອງໄດ້ດີ ບອກເລີຍວ່າຜົວໄດ້ແຈັກພັອດເລີຍລະ ຈົ່ງຮັກສາຄວາມດີງາມເອົາໄວ້.

13. ມີວຸດທິພາວະ : ບໍ່ໄດ້ໝາຍເຖິງຄວາມແກ່ແຕ່ຢ່າງໃດ ແຕ່ໝາຍເຖິງຄວາມສາມາດໃນການຄວບຄຸມອາລົມເມື່ອຕ້ອງເຈິເລື່ອງທີ່ບໍ່ຄາດຄິດ ຈົ່ງເປັນເມຍທີ່ມີວຸດທິພາວະທາງອາລົມທີ່ດີ ຢ່າງ້ອງແງ້ງຫຼາຍຈົນເກີນໄປ ເພາະເຂົາອາດຝາກຝັງອັນໃດກັບເຮົາບໍ່ໄດ້ເລີຍກໍ່ວ່າໄດ້.

ອ່ານແລ້ວ ສາມາດແບ່ງປັນໃຫ້ຄົນອື່ນ ແລະ ໝູ່ຄູ່ໄດ້ອ່ານນຳດ້ວຍການກົດແຊຣ໌ ຂໍຂອບໃຈ.