ຄາດວ່າງາມກວ່າຢູ່ນະຄອນຫຼວງອີກ ສວນແຄມຂອງ ນະຄອນປາກເຊ ໃນອະນາຄົດ ຈາກເງິນກູ້ກວ່າ 400 ຕື້ກີບ

ຄາດວ່າງາມກວ່າຢູ່ນະຄອນຫຼວງອີກ ສວນແຄມຂອງ ນະຄອນປາກເຊ ໃນອະນາຄົດ ຈາກເງິນກູ້ກວ່າ 400 ຕື້ກີບ

ຄາດວ່າງາມກວ່າຢູ່ນະຄອນຫຼວງອີກ ສວນແຄມຂອງ ນະຄອນປາກເຊ ໃນອະນາຄົດ ຈາກເງິນກູ້ກວ່າ 400 ຕື້ກີບ

ພິທີເຊັນສັນຍາໂຄງການດັ່ງກ່າວ ໄດ້ຈັດຂຶ້ນໃນວັນ 29 ເມສາ 2017 ທີ່ໂຮງແຮມຈໍາປາສັກແກຣນແຂວງຈໍາປາສັກລະຫວ່າງ ພະແນກໂຍທາທິການ ແລະຂົນສົ່ງແຂວງຈໍາປາສັກ (ຍທຂ) ເຈົ້າຂອງໂຄງການກັບບໍລິສັດຮານຊິນແຫ່ງ .ເກົາຫຼີ ຜູ້ຮັບເຫມົາກໍ່ສ້າງ ໂດຍມີ ທ່ານ ສຸກຂະເສີມ ປາກດີມະນີວົງ ຫົວຫນ້າພະແນກ ຍທຂ ແຂວງຈໍາປາສັກ ແລະທ່ານ ລີຈອງລິນ ຮອງປະທານບໍລິ ສັດ ຮານຊິນ . ເກົ້າຫຼີ ຮ່ວມລົງນາມ ເຊັນສັນຍາ ຊຶ່ງໃຫ້ກຽດເຂົ້າຮ່ວມເປັນສັກຂີພິຍານໂດຍ ມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ບຸນຖອງ ດີວິໄຊ ເຈົ້າແຂວງຈໍາປາສັກ, ທ່ານ ຢຸນຄົງ ຮອນ ເອກອັກຄງລັດຖະທູດ .ເກົາຫຼີ ປະຈໍາລາວ, ທ່ານ ນາງ ວິໄລຄໍາ ໂພສາ ລາດຮອງລັດຖະມົນຕີກະຊວງ ຍທຂ, ມີຫົວຫນ້າກົມທີ່ກ່ຽວຂ້ອງ ພ້ອມດ້ວຍ ຕາງຫນ້າອໍານາດການປົກຄອງທ້ອງຖິ່ນແລະຂະແຫນງການຕ່າງໆເຂົ້າຮ່ວມ.

ທ່ານ ຄໍາສ້ອຍ ປະທຸມທອງ ຮອງຫົວຫນ້າພະແນກ ຍທຂ ແຂວງຈໍາປາສັກ ລາຍງານວ່າ: ໂຄງການພັດທະນາແຄມຂອງແຂວງຈໍາປາສັກ ມີມູນຄ່າການລົງທຶນທັງຫມົດ 65.653.000 ໂດລາສະຫະລັດ, ໃນນັ້ນມີທຶນກູ້ຢືມຈາກ .ເກົາຫຼີ 53.058.000 ໂດລາສະຫະລັດ, ເງິນພາຍໃນສົມທົບ 12.595.000 ໂດລາສະຫະລັດ ຊຶ່ງປະກອບມີຫນ້າວຽກຕ່າງໆດັ່ງນີ້:

ກໍ່ສ້າງປ້ອງກັນຕາຝັ່ງເຈື່ອນ ແລະຄູປ້ອງກັນນ້ໍາຖ້ວມມີຄວາມຍາວທັງຫມົດ 17,4 ກິໂລແມັດ ໃນນັ້ນ ຢູ່ຂອບເຂດ ເມືອງປາກເຊແຕ່ຂົວຂ້າມນໍ້າຂອງຫາປາກແມ່ນ້ໍາເຊໂດນ 4,8 ກິໂລແມັດ, ແຕ່ປາກນ້ໍາເຊໂດນຫາປາກຫ້ວຍແຫ 5,8 ກິໂລແມັດ, ແຕ່ປາກນ້ໍາເຊໂດນຫາຂົວລັດເຊຍ 2,4 ກິໂລແມັດ, ຢູ່ແຄມຂອງຝັ່ງເມືອງໂພນທອງມີຄວາມຍາວ 4,4 ກິໂລແມັດ, ສ້າງສວນສາທາລະນະຝັ່ງ ປາກເຊ 9,5 ເຮັກຕາ ແລະຝັ່ງໂພນທອງ 0,6 ເຮັກຕາ, ກໍ່ສ້າງທາງຍົກລະດັບເພື່ອປ້ອງກັນນ້ໍາຖ້ວມເມືອງປາກເຊ 2,9 ກິ ໂລແມັດ ແລະ ກໍ່ສ້າງລະບົບລະບາຍນ້ໍາ 15 ແຫ່ງ ໂດຍມີໄລຍະການກໍ່ສ້າງແຕ່ເດືອນມິຖຸນາ 2017 ແລະ ໃຫ້ສໍາເລັດປີໃນ 2021.

ຈຸດປະສົງຂອງໂຄງການກໍ່ສ້າງຄູ ແລະຕາຝັ່ງເຈື່ອນ ເພື່ອປ້ອງກັນຄວາມເສຍຫາຍຈາກນໍ້າຖ້ວມ ທັງເປັນການສ້າງພື້ນຖານໂຄງລ່າງການທ່ອງທ່ຽວ ເພື່ອສົ່ງເສີມອຸດສາຫະກໍາການທ່ອງທ່ຽວ ແລະເປັນບ່ອນພັກຜ່ອນຮັກສາສຸຂະພາບ, ປັບປຸງຄຸນນະພາບຊີວິດ, ສ້າງລາຍຮັບເພີ່ມຂຶ້ນແນໃສ່ລົບລ້າງຄວາມທຸກຍາກ

ໂຄງການປະຈຸບັນແມ່ນໄດ້ຜ່ານຂະບວນການສໍາຫຼວດ ແລະນໍາສະເຫນີຕໍ່ລັດຖະບານມາຫຼາຍຂັ້ນຕອນ ຊຶ່ງໄດ້ດໍາເນີນການສໍາຫຼວດນັບແຕ່ທ້າຍປີ 2010 ຈົນ ເຖິງປະຈຸບັນ ຈິ່ງໄດ້ຮັບການຈັດຕັ້ງປະຕິບັດໂຄງການຕົວຈິງດັ່ງກ່າວ

ຂ່າວ