ຂ່າວ

ຂ່າວດີ !! ລາວ ປົວຫາຍດີເພີ່ມ 82 ຄົນ ປິ່ນປົວຫາຍດີສະສົມ 232 ຄົນ

ຂ່າວດີ !! ລາວ ປົວຫາຍດີເພີ່ມ 82 ຄົນ ປິ່ນປົວຫາຍດີສະສົມ 232 ຄົນ

ການລະບາດຂອງເຊື້ອພະຍາດໂຄວິດ-19 ໃນ ສປປ ລາວ ມາຮອດປະຈຸບັນມແມ່ນມີທ່າອ່ຽງຫຼຸດລົງທຽບໃສ່ການລະບາດໃນເດືອນເມສາຜ່ານມາ ມາຮອດວັນທ 9 ພຶດສະພາ 2021 ລາວ ມີຜູ້ຕິດເຊື້ອ 69 ຄົນ ຈາກການເກັບຕົວຢ່າງໄປກວດທັງໝົດ 6.882 ກໍລະນີ.

ໃນວັນທີ 8 ພຶດສະພາ 2001 ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງ ຖວທ, ທ່ານ ດຣ. ນາງ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານ ດຣ. ນາງ ບົວເທບ ພູມິນ ຮອງຫົວໜ້າກົມປິ່ນປົວ ແລະ ຟື້ນຟູໜ້າທີ່ການ, ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ທີ່ກະຊວງສາທາລະນະສຸກ.

ທ່ານ ດຣ. ນາງ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ກ່າວວ່າ: ການເຝົ້າລະວັງໃນວັນທີ 8 ພຶດສະພາ 2021 ລາວ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ຢູ່ໃນລາວ ແມ່ນມີຄົນເດີນທາງເຂົ້າປະເທດລາວ ທັງໝົດ ຈຳນວນ 1.110 ຄົນ ໂດຍຜ່ານດ່ານຕ່າງໆເຊັ່ນ: ດ່ານຊາຍແດນ ລາວ-ໄທ ຈຳນວນ 839 ຄົນ, ຜ່ານສະໜາມບິນ 271 ຄົນ.

ເກັບຕົວຢ່າງໄປກວດທັງໝົດ ຈຳນວນ 6.882 ກໍລະນີ ຜົນກວດພົບວ່າ ມີຜູ້ຕິດເຊື້ອຈຳນວນ 69 ຄົນ ໃນນັ້ນ: ນວ 16 ຄົນ, ບໍ່ແກ້ວ 46 ຄົນ, ສະຫວັນນະເຂດ 4 ຄົນ ແລະ ແຂວງຈຳປາສັກຈຳນວນ 3 ຄົນ. ເຮັດໃຫ້ຕົວເລກຜູ້ຕິດເຊື້ອສະສົມທັງໝົດໃນທົ່ວປະເທດມີຈຳນວນ 1.302 ຄົນ. ທີ່ສຳຄັນມີຜູ້ເສຍຊີວິດ 1 ຄົນ.

ແລະ ສຳລັບການ ປິ່ນປົວຫາຍດີເພີ່ມມື້ນີ້ແມ່ນ 82 ຄົນ ປິ່ນປົວຫາຍດີສະສົມ 232 ຄົນ